Yeremiya 20:9 - BIBLIYA NTAGATIFU OMU MASHI

⁹ Nakazâgiderha nti «lêro ntâcimugerêreze, ntâciderhe oku izîno lyâge», cikwône omu murhima gwâni, kwo yali nka ngulumira ya muliro bayigalire omu kavuha. Ntâko ntajiraga nti nagurhanga ci ntahashaga.

Yeremiya 20:9 ပူးပေါင်းရင်းမြစ်များ

Ennanga 39:3

Nahulika, namerha, ci lêrhaga! Amababale gàbâ kudarhabala gadarhabala.

Yeremiya 23:29

K’akanwa kâni karhali nka muliro? Yekudesire Nyakasane. Ka karhali nka nyundo yashenyula ibuye?

Yeremiya 23:9

Oku balêbi. Omurhima gwantwîkîre omu nda, ndwîrhage nageramwo omusisi nieshi. Kwo ndi nka mulalwè, nka muntu idivayi lyahashire, erhi ye rhuma Nyakasane n’ebinwa byâge bitagatîfu.

Yeremiya 4:19

Alà ehindi omu nda wee! alà enda wee! alà nka yaluma wee! Omurhima bamâgudunda. Ntankahashihulika bulya namâyumva babûha omushekera. Cihôgêro ca ngabo yajà oku matabâro.

Yeremiya 6:11

Cikwône niehe nyunjwire mutula gwa Nyamuzinda, nadesire nti ngurhange narhama k’orhagurhulira oku mwâna w’emuhanda n’omu ndêko y’abâna b’emisole. Bayishigwârhwa boshi: omulume na mukâge, okola mushosi n’okola kajo.

Ezekiyeli 3:14

Mûka anacinyêhûkana, ampêka. Nagenda erhi nnankunîre n’omurhima guyunjwîre burhè, ci n’erhi okuboko kwa Nyakasane kungwêrhe buzirho.

Ezekiyeli 3:3

Anacimbwîra, erhi; «Wâni mwene omuntu, lya, oyîgurhe eci citabu nkuhîre». Nanacilya: omu kanwa canunira nka buci.

Amosi 3:8

Entale ekalûmba, ndi orhayôboha? Nyakasane Nyamuzinda amâderha, ndi wankabula bumanyîsa emyanzi yâge?

Yônà 1:2

«Yimuka, ojè e Ninive, cishagala cinene, obabwîre oku obubî bwâbo bwahisire emunda ndi».

Yônà 1:3

Yônà ayimuka, àgwârha enjira, y’okuyâkira Nnâmahanga erhali hôfi, e Tarsisi. Anaciyandagalira e Yope, àbugâna obwârho bwajà e Tarsisi; abahyulira enjira, ajà omu bwârho boshi nabo kuhika e Tarsisi, kulî na Nnâmahanga.

Luka 9:62

Yezu anacimushuza erhi: «Ngasi yêshi wamâfumbarha enfuka, akashub’ikabagana enyuma, erhi arhakwânîni Obwâmi bwa Nyamuzinda».

Ebijiro 17:16

Erhi Paolo abà adwîrhe ahalingira e Atena ayumva burhè bunji omu murhima erhi abona oku eco cishagala ciyunjwîre nshusho za bazimu.

Ebijiro 18:5

Erhi Sila na Timoteyo bayisha kurhenga e Macedoniya, Paolo acîshwêkera oku kukayigîri­za akanwa ka Nnâmahanga, akahamîriza omu Buyahudi oku Yezu ye Kristu.

Ebijiro 4:20

Rhwêhe oku bwîrhu rhurhankahasha okurhaderha ebi rhwabwîne n’ebi rhwayumvîrhe».