Yeremiya 20:10 - BIBLIYA NTAGATIFU OMU MASHI

¹⁰ Nayumva bambêshera bwenêne: «Cikango eyi n’eyi! Shobeki, shobekiye!» Ngasi abayumvagya nâni, bakaziringa oku nahirima mpu «nkabaga aleka bamurhize? Rhwamulusha misî rhunacîhôle kuli ye.»

Yeremiya 20:10 ပူးပေါင်းရင်းမြစ်များ

1 Bâm 19:2

Okubundi Yezabeli arhumira Eliya entumwa edesire mpu: «Abazimu b’emwîrhu banampe obuhane bayushulekwo na bundi bulebe, akabà irhondo omu kasanzi kali nk’aka ntakukoliri nka muguma wa muli bwo.»

1 Bâm 21:20

Ahabu anacibwîra Eliya, erhi: «Nêci wamanangwâsagya bulya wâni mushombanyi wâni!» Eliya, erhi: «Namakugwasa bulya wacîguzize ene ojira okugalugalu embere za Nyakasane.

1 Bâm 22:27

“Ogend’iderha erhi: Mwâmi adesire ntyâla: Muhire oyûla muntu omu mpamikwa, munakaz’imulîsa n’omugati gw’amalibûko, munakaz’imunywesa n’amîshi g’amalibûko kuhika amango nâshubûka n’omurhûla.”»

1 Bâm 22:8

Omwâmi w’Israheli anacishuza Yozafati erhi: «Haciri omuntu rhwankahash’idôsa ebya Nyakasane; cikwônene ntahimwa kumushomba bulya arhalêba bintu binjà kuli nie, ci ngasi mango bibî byônene. Ye Mikayehu, mugala wa Yimula». Yozafati anaciderha erhi: «Mwâmi amanye arhaderhaga ntyôla.»

Ayubu 19:19

Abàli bîra bikubagirwa, banyasire, abanarhonyagya bacîyêgwîre kuli nie.

Ennanga 31:13

Narhenzire abantu emurhima, nayibagîrwe ak’owafîre, nâbà nka nyungu mbêre.

Ennanga 31:14

Nayumvîrhe abantu bali mahwe kàli ntaho ebihamba birhali! bajà haguma banjira omu ihano, badôsanya kurhi bankulamw’omûka.

Ennanga 41:10

Ciru n’omwîra nali ncîkubagîre, oyu rhwakazâg’ishangîra mugati muguma, naye ampîre ebinioko.

Ennanga 41:9

«Kafinjo kadârhi bamulozire», mpu: «Y’oyo ogwîshîre, arhakacifà azûsire aho».

Ennanga 57:4

nti arhumize kurheng’empingu, andîkûze, n’aba banshimbulwîre arhag’ibabonêsa nshonyi. Nyamuzinda arhume enshôkano zâge n’oburhabêsha bwâge mâshi!

Migani 10:18

Akanwa kashingânîne kanafunge entambala, ôderha akanwa kabî erhi muhwinja.

Izaya 29:21

bo balya bashobeka abandi omu nderho zâbo, balya barhegera omutwî w’emmanja aha muhango, n’abalonza okuheza omwêru-kwêru.

Yeremiya 1:19

Bâkulwîsa ci barhâkuhimè, bulya ndi haguma nâwe nti nkulîkûze, Nyakasane okudesire.

Yeremiya 11:19

Niehe kwo nali nka mwâna-buzi wajibagwa, erhi ntanamanyiri emirali bagwêrhe kuli nie. Mpu «rhuhongole omurhi gujinire, rhumukûle omu igulu ly’abazîne, irhondo izîno lyâge lirhakengêragwa»!

Yeremiya 11:21

Okwo kwo kurhumire, ntya kwo Nyakasane aderhîre abantu b’e Anatoti bashimbire omûka gwâni: «Erhi orhajiraga obulêbi oku izîno lya Nyakasane, lyo orhagiyîrhwa n’enfune zîrhu».

Yeremiya 18:18

Bàdesire mpu «Muyishe rhukemerane Yeremiyahu! Bulyâla, irhegeko lirhahwêre kubula mudâhwa, nîsi erhi ihano libulikanire kubula bagula, nîsi erhi akanwa kabulikanire kubula balêbi. Muyishe rhumukômole n’olulimi rhurhanajiraga akanwa kâge rhwarhega okurhwiri».

Yeremiya 20:3

Erhi buca sêzi, Pashehuru akula Yeremiyahu omu mpamikwa. Okubundi Yeremiyahu amubwîra erhi: «arhaciri lya Pashehuru Nyamuzinda akudesire, ci lya: Côbà ciri eyi n’eyi.

Yeremiya 37:13

Erhi ahika aha muhango gwa Benyamini, ashanga Yiriyahi mwene Shelemiya, mwâna wa Hanâniya y’eri oku izâmu. Yiriyahi anaciyîmanza omulêbi Yeremiyahu, n’okuyakûza, erhi: emwa abantu b’e Sîriya eyi wâyâkira!

Yeremiya 6:25

murhajâga ebwa mashwa, murhageraga omu mirimbwa bulyâla eyo munda ngôrho za babisha, bihamba enyunda zoshi.

Ezekiyeli 22:9

Emwâwe ebà abashobekana mpu lyo babulaza omukò. Emwâwe banakazilîra oku ntondo, emwâwe banakaziyûmaguza.

Daniyeli 6:4

Ci oyôla Daniyeli aboneka­na oku alushire abôla bâbo na balya bandi barhambo boshi bulya ali agwêrhe obukengêre bulushîne na mwâmi akazâgilonza okumujira mukulu omu bwâmi bwâge boshi.

Luka 20:20

Bamushimbulula, bàrhuma ebyumverhezi. Ebyo byumverhezi byaboneka nka bantu nkana, lyo birhega Yezu omu nderho binamuhâne emwa abakulu b’ecihugo n’emwa omurhegesi.

Ebijiro 24:13

“N’oku bali ntyo, barhankahash’ikuyêreka ebi banshobesire”.

Ebijiro 5:33

Erhi bayumva okwo, bakunira bwenêne, ciru balonza okubayîrha.

Ebijiro 7:54

Erhi bayumva ebyo binwa, bakunira bwenêne banakâhekenyera Stefano amîno.