Yeremiya 2:25 - BIBLIYA NTAGATIFU OMU MASHI

²⁵ Omanyâge enkwêrho zakurhenga ekugulu!, omanyâge wakayuma omumiro! Câba wêhe erhi: «Nanga! ntâco eco! Bulyâla nsîma ab’embuga, na nnonzize mbashimbe.»

Yeremiya 2:25 ပူးပေါင်းရင်းမြစ်များ

2 Nganîro 28:22

Ago mango ali omu malibuko ntyôla anakulikiza ashubikazigayîsa Nyamubâho, oyo mwâmi Akazi.

2 Nganîro 28:23

Akazihâna enterekêro emwa ba nyamuzinda b’e Damasko, abakazagimulibuza, anaciderha erhi: «Kulya kubà ba nyamuzinda w’abâmi b’e Sîriya banakazibarhabâla, nkola nakazibarherekêra e nterekêro lyo bantabâla.» Ci bàrhuma ahirima kulusha, ye na bene-Israheli boshi.

Izaya 2:6

Nêci, walekêrîre olubaga lwâwe, enyumpa ya Yakôbo, bulya bakola bayunjulamwo abashonga ak’ab’ebuzûk’izûba n’abakurungu aka emwa Abafilistini, banakola bayinjibana n’abâna b’amashanja g’ihanga.

Izaya 57:10

Okujà wagenda kwarhuma warhama, ci orhaderhaga, erhi: «Kurhamira busha kuno!» Wàyûshûla okucîhangana, buzira kuyabirwa.

Yeremiya 13:21

Bici waderha hano bayishikuhana, we wabaleraga? Bîra bâwe bayisha bashokolîre ababisha bakurhera. K’orhagwârhwe n’amalumwa gali nka mikero-mibishi obwo?

Yeremiya 13:22

Wamâderhaga omu murhima gwâwe: erhi «nieki cirhumire oyo nj’obone anyishira?» Bunene bwa mabî gâwe bwarhumire balengeza emishangi yâwe n’okurhabira oku bishugulu byâwe.

Yeremiya 14:10

Ntya kwo Nyakasane aderhîre olu lubaga, mpu: Basîmirage okugenda-genda wâni! Co cirhuma Nyakasane arhabasîma. Akolaga akengîre amaligo gâbo. Anakolaga abâna ebyâha byâbo.

Yeremiya 18:12

Cikwône kwo bâderha, mpu: «busha wârhamira! Emihigo yîrhu yo rhwanakulikira; ngasi muguma obubî bw’omurhima gwâge mugalugalu bwo anakola».

Yeremiya 2:31

Eri iburha wâni! Rhangi muyumve akanwa ka Nyamuzinda! Ka kuli Israheli nâbà mpinga erhi ishwa lya mwizimya. Cirhumirage olubaga lwâni luderha: erhi «rhudwîrhe rhwahulahula ci rhurhaje emunda oli»?

Yeremiya 22:20

Yinamukira e Libano oyâkûze, oku Bashani, olîkirekwo izù, oyakûlize oku Abarimu bulya abîra bâwe bahimirwe.

Yeremiya 22:21

Amango wali ohimbire nakushambâza, waderha erhi: «Ntakakuyumva!» Kwo wanayôrheraga kurhenga eburhò bwâwe, okwo kurhayumva izù lyâni.

Yeremiya 3:13

Oyêmêre kwône obubî bwâwe: wagomîre Nyakasane Nyamuzinda wâwe, wahulahulîre emunda ab’embuga bâli, n’izù lyâni orhaliyumvirhizagya ye kudesire Nyamubâho

Yeremiya 44:17

“cikwône rhwashubikajira oku rhwanalaganyagya: okurherekêra omwâmikazi w’e Malunga n’enshangi n’okumudubulira ebinyôbwa nk’oku rhwanayôrhaga rhujira, rhwe na balarha, abâmi bîrhu n’a­bakulu bîrhu omu mirhundu ya Yûda n’omu mihanda ya Yeruzalemu: ago mango lyo rhwàli rhugazire oku migati, rhwàli rhusîmire rhurhanajagakwo buhanya buci”.

Ndûlù 1:2

Akola ageza obudufu bwoshi alaka, amarhama gâge gakazihulula mirenge. Muli balya bamuzigiraga boshi, ntâye ciru n’omuguma w’okumurhûliriza. Abîra bâge boshi bamulesire, bahindusirage bashombanyi bâge.

Ndûlù 4:4

Abâna baciri oku ibêre, olulimi lwabayumîre ebiraka n’ecûmwe, abâna b’ebirhaba badwîrhe bahûna omugati na ntâye wabahà ciru n’ehihimbi hyâgwo.

Ezekiyeli 20:32

Oku biyêrekîre ecilôrho cikaziyôrha ciri omu bukengêre bwinyu, cirhabè nk’okwôla munalôrha, mpu: Rhwabà nk’agandi mashanja, nka ngasi bundi bûko bw’omu bihugo by’ihanga, rhukazikolera emirhi n’amabuye.

Hozeya 2:3

Bwiragi bene winyu, erhi: «Lubaga lwâni», na bâli binyu, erhi: «Musîmwa».

Hozeya 2:5

Akabà nanga namugendêsa bushugunu, mmujire nk’olusiku àburhagwa, nâmushushîsa obwerûle, namujira nk’idaho lyûmu, mmuyirhe n’enyôrha.

Malakiya 3:14

Munaderhe mpu: «Bunguke buci rhwakuzire mulibyo; kuli busha oku­ rhumikira Nyamuzinda, rhwashimbire amarhegeko gâge, rhwanakazija omu magashânize g’emishîbo g’okuhûna obwonjo bwa Nyakasane w’Emirhwe, ci kwône ntà bunguke rhwabwîne»,

Luka 15:22

Obwo îshe abwîra abambali, erhi: «Mubanguke, mulêrhe gulya mwambalo gw’obulimbi, mumuyambike; mumuhire engolo ekuboko n’enkwêrho emagulu.

Luka 16:24

Anaciyâkûza, erhi: «Mâshi larha Abrahamu, ombabalire, orhume Lazaro avumvuze omunwe gwâge omu mîshi, nyokolesemwo olulimi, bulya nahîre ntugurhira muno muliro.

Barom 8:24

Bulya obucunguzi bwîrhu buciri bulangâlire; n’okubona eci omuntu alangâlîre burhaciri bulangâlire. Eci omuntu abwîne, kurhi ankacicilangâlira?

Lushika 28:48

abashombanyi Nyamubâho akurhumakwo bo okolaga wakolera omu ishali, omu nyôrha, omu bwambale bubî n’omu kubula byoshi. Akuhira omurhamba gw’ecûma omu igosi kuhika oshandâle wêshi.

Lushika 32:16

Bàrhuma abà mitula, erhi banyamuzinda b’embuga bàrhuma; bamujira burhè n’ebyakobwa.