Yeremiya 19:2 - BIBLIYA NTAGATIFU OMU MASHI

² Ohuluke ojè ebwa lubanda lwa Ben-Hinomu lubà aha muhango gw’olumvi lw’ababumbi. Ahôla ho wâderhera ebinwa nâkubwîra.

Yeremiya 19:2 ပူးပေါင်းရင်းမြစ်များ

2 Bâm 23:10

Mwâmi ashâba Tofeti, omu kabanda ka bene Hinomi mpu lyo bagokôla okukazigeza bagala bâbo nîsi erhi bâli bâbo omu muliro bakola babarherekêra omuzimu Moloki.

2 Nganîro 28:3

agenditumbûkiza obukù omu kabanda ka Bene-Hinomi ageza n’abagala omu muliro omu kushimba obubî bwa galya mashanja Nyamubâho akungushaga embere za bene Israheli,

2 Nganîro 33:6

Ageza abâna bâge omu muliro omu kabanda ka bene Hinomi. Akazâgijira ebwa endagwê y’olujimbi, okulaguza n’ebya obukurungu, ashubihira omu cihugo emandwa n’abalozi. Ajira mabî manji omu masù ga Nyamubâho, galya ga okumukuniza.

Nehemiya 3:29

Aha burhambi bwâbo, Sadoki, mugala wa lmeri, ashakûlula aha mbêre ly’enyumpa yâge. Aha burhambi bwâge, a shakûlulaho Shemaya, mugala wa Shekanya, mulanzi w’omuhango gw’ebuzûka-zûba bw’aka-Nyamuzinda.

Yeremiya 1:7

Cikwône Nyakasane anshuza, erhi: Orhaderhaga: «Ndi mwâna!» Ci ojè emunda bali aba nakurhumakwo boshi, na ngasi ebi nakurhegeka byoshi obiderhe.

Yeremiya 11:6

Na Nyakasane anacimbwîra erhi: «omu bishagala bya Yûda n’omu mihanda ya Yeruzalemu oyâkûze mpu: muyumve ebinwa by’eyi ndagâno munabijire.

Yeremiya 18:2

erhi «yimuka oya­ndangâlîre emwa omubumbi, yo nakuyumvîkiza ebinwa byâni».

Yeremiya 26:2

Kwo adesire ntya Nyakasane: mpu ojiyimanga omu ngo y’aha ka-Nyamuzinda. Abantu b’omu bishagala by’e Yûda boshi, abakayîsha baliharâmya omu ka-Nyamuzinda onababwîre ebinwa byoshi nkurhegesire nti obabwîre, orhabinyîhagyamwo ciru n’akanwa kaguma.

Yeremiya 3:12

Okanyagye oyâkûze, oderhe ebi binwa onayêrekîre emwênè: Galuka wâni Israheli w’omugoma, ye kudesire Nyamubâho, Ntakacikulola n’obusù bukali, bulya ndi wa lukogo, kanwa ka Nyamubâho. Ntabika mungo gwa nsiku n’amango.

Yeremiya 32:35

“Bàyûbakira amahêro ga Baali omu kabanda k’e Ben-Hinomu mpu bakazibagiramwo bagala bâbo n’abâli bâbo nterekêro emwa omuzimu oderhwa Moleki; ebyo ntalizigibigerêreza, okuhemuka kwa mênè okwo oku mulala gwa Yûda”.

Yeremiya 7:2

«Oyimange aha lumvi lw’aka-Nyamuzinda, oyakûlizeho, oderhe aka kanwa, erhi: muyumve Nyakasane adesire mwe banya-Yudeya mudwîrhe mwageramwo ogu muhango mpu mujiharâmya Nyakasane».

Yônà 3:2

«Yimuka, ojè e Ninive, cishagala cinene, obabwîre ebi nîkubwîra.»

Mateyo 10:27

Ebi ndwîrhe nammubwîra omu mwizimya, mubiderhere omu bulangashane; n’ebi mudwîrhe mwayumva n’amarhwîri, mubiderhere oku kanshonsho k’enyumpa.

Ebijiro 20:27

“bulyâla ntà mango nalesire kumubwîra obulonza bwa Nnâmahanga”.

Ebijiro 5:20

«Gendagi, mujè omu ka-Nyamuzinda, mukâyigîriza olubaga ebinwa byoshi by’obwo Buzîne».

Yozwe 15:8

Olubibi lwanacisôka, lwagendiyisha omu kabanda ka Bene-Hinomi, kuhika olunda lw’emukondwè lw’entondo y’Abayebuseni, eri aha Yeruzalemu; kandi olubibi lwanacisôkera oku ntondo eri hôfi na kabanda Hinomi ebuzûka-zûba, n’oku buzinda bw’emwênè gw’akabanda k’abà-Refayimi.