Yeremiya 19:11 - BIBLIYA NTAGATIFU OMU MASHI

¹¹ onababwîre erhi: «Kw’adesire ntya Nnâmahanga w’Emirhwe: erhi olu lubaga n’olu lugo nâbishangula nka kulya banabera obushanja bw’omubumbi, bwo burhahangwa. Abantu bâbishwa aha Tofeti erhi kubula aha babishirwe kurhuma.

Yeremiya 19:11 ပူးပေါင်းရင်းမြစ်များ

Ennanga 2:9

«Wabamalîra n’engôrho yâwe», «onabavungunyule nka mubumbi wabera enyungu.»

Migani 6:15

Kuhera gwânâhere buzira kulâlira, gurhibuke gurhakanabukwa.

Izaya 30:14

Olwo lukûta kwo lwâbà buvunguvungu nka kula akabindi k’omubumbi kavungunyuka buzira owâkafà lukogo, obone barhankacirhôlamwo ehijo hy’okudahulirakwo omuliro ecîko, nîsi erhi okulegerakwo amîshi omu cidêka».

Yeremiya 13:14

Okubundi mbahukuze baguma oku bâbo, abashamuka na bagala bâbo burhalondôla, kanwa ka Nyakasane, buzira lukogo, buzira bwonjo, nâbashangula.

Yeremiya 19:12

Kwo najira aha hantu ntyo, kanwa ka Nyamubâho, n’abayûbakaho kwo nabajira; olu lugo kwo nalujira lushushe Tofeti.

Yeremiya 19:6

Alagi oku ensiku ziyishire, yekudesire Nyakasane, ahâla harhacikâderhwa Tofeti nîsi erhi cibanda ca Ben-Hinomu, ci hâkaziderhwa lubanda lwa cibâgiro.

Yeremiya 25:34

“Mubande akahababo, mwe bangere, muyâme bwenêne, mucîhirike oku idaho wâni balungere. Bulyâla zahisire ensiku zinyu z’okubâgwa n’ez’okushandâzibwa. Kwo mwarhibuka nka kabindi karhumîrira”.

Yeremiya 48:38

Omu ngasi côgo c’e Mowabu n’oku ngasi malango gâge, ndûlù yône, bulya nashangwîre Mowabu nka kula omuntu anashangula enyungu eberesire, kanwa ka Nyakasane.

Yeremiya 51:63

“Hano onayûsa okusoma eci citabu, onacishwêkerekwo ibuye, ocîkabulire omu Efrata”,

Ndûlù 4:2

Abâna b’e Siyoni, abayumananaga n’amasholo oku bwinjà, kurhi lêro ba­nkagereragwa oku nyungu buyungu y’ebidaka?

Ebijiro 21:11

Anacirhujaho, arhôla omukaba gwa Paolo, acîbohamwo amagulu n’amaboko. aderha erhi: «Mûka Mutagatîfu adesire mpu omulume nn’ogu mukaba, ntya kwo Abayahudi bâmubohera e Yeruzalemu, banamuhâne omu maboko g’abapagani».

Mafulûlo 2:27

agayâbule n’ehirhi hy’ecûma, gavungunyuke nka kulya ebintu byajiragwa n’ibumba bivungunyuka!