Yeremiya 18:23 - BIBLIYA NTAGATIFU OMU MASHI

²³ Cikwône wêhe Nyakasane, orhahabiri emihigo yâbo mibî kuli nie, orhababaliraga obubî bwâbo, orhazazagya ecâha câbo omu masù gâwe. Barhibuke omu malanga gâwe, amango g’omutula gwâwe, obakolere akalîbala.

Yeremiya 18:23 ပူးပေါင်းရင်းမြစ်များ

Ennanga 119:126

Amango ga Nyakasane g’okukola gahisire, irhegeko lyâwe balivunyire.

Ennanga 35:4

Balya bashimbire omûka gwâni barhang’itumbaguza, enshonyi zibabumbe; Balyâla barhammirira marhî barhang’ishukira, enshonyi zibagwarhe.

Ennanga 56:8

Nyamuzinda mâshi, obalengere oku bubî bwâbo bunakwânîne, orhang’iluba oher’embaga.

Ennanga 59:5

Ndi ntyo Yâgirwa, ntà câha, na ntà kubî kundimwo ntadesiri nti najira kulebe kurhumire banshimbire ntya.

Izaya 10:3

Lêro bici mwânajire olusiku lw’obuhane, amango obuhanya bwarhenga erhali hôfi bwâmmurhindakwo? Emwa ndi mwâyâkire lyo mubona oburhabâle? Ngahi mwabîke obuhirhi bwinyu?

Izaya 2:9

Eco co carhumaga iburha ly’Adamu lyafunyâla n’abantu bahwêra oku idaho: nâwe orhababaliraga!

Yeremiya 11:23

Barhabemwo owasigala hano ndîkira obuhanya omu bantu b’e Anatoti.

Yeremiya 15:15

Wêhe orhababîri Nyakasane onkengêre, ontangule onambuke omungo gw’aba banshimbulwîre. Omu kulindalinda kw’oburhè bwâwe, orhampekaga orhanarhumaga bampeza; omanye oku we rhumire natumula.

Yeremiya 17:18

Enshonyi zigwârhe abashombanyi bâni; ci niehe zirhangwârhe Bajemwo ecikango, ci niehe cirhanjagamwo. Obarhogezekwo olusiku luminya.

Yeremiya 17:4

“kukwânînage ohêke akashambala nali nkuhîre nâkujira mujà w’abashombanyi bâwe omu cihugo orhîshi. Bulyâla omuliro mwasîmbwîre gw’omutula gwâni gw’akaziyâka ensiku n’amango”».

Yeremiya 18:18

Bàdesire mpu «Muyishe rhukemerane Yeremiyahu! Bulyâla, irhegeko lirhahwêre kubula mudâhwa, nîsi erhi ihano libulikanire kubula bagula, nîsi erhi akanwa kabulikanire kubula balêbi. Muyishe rhumukômole n’olulimi rhurhanajiraga akanwa kâge rhwarhega okurhwiri».

Yeremiya 26:11

Oku bundi abadâhwa n’abalêbi babwîra abarhwâli n’olubaga lwoshi erhi «lufù anakwânîne oyu muntu, bulyâla kubî alêbire olugo, nk’oku mwanayumvîrhe n’aginyu marhwiri».

Yeremiya 26:8

Erhi Yeremiyahu ayûsa aganîra ngasi kwoshi Nyakasane ali amurhegesire mpu abwîre olubaga, abadâhwa n’abalêbi bamugwârha mpu «kufà wanafà».

Yeremiya 37:15

Nabo bakalihira Yeremiyahu bwenêne bamushûrha banamuhira omu mpamikwa omu mw’omwandisi Yehonatani, banamuyîgaliramwo.

Yeremiya 38:4

Okubundi, abo barhambo babwîra mwâmi, mpu: «oyu muntu ayîrhwe: adwîrhe avuna n’iderha lyâge enjingo z’abalwî basigîre mw’olu lugo n’ez’olubaga lwoshi. Olu lubaga oyu muntu arhadwîrhi alulongeza kalamo ci buhanya».

Yeremiya 6:15

Enshonyi z’ebijiro byâbo zâbabumba; ci ciru barhacibà nshonyi barhabà lugwegwe oku masù. Mwo bânahirimira omu karhî k’abâhirima, kusârhala basârhala olusiku nâbarhandûla Yekudesire Nyakasane.

Yeremiya 6:21

Kwo kurhumire Nyamuzinda aderha ntya: erhi lâba oku olu lubaga nkola nâlurhega ebi lwâsarhalakwo. Omushamuka n’omugala oku banali, abalungu n’abîra boshi bahungumuka.

Yeremiya 7:20

Kwo Nyakasane Nyamubâho adesirage ntya: Lâbi oku omutula gwâni, omungo gwâni, gukola gwacîrhulira ahâla, oku bantu n’oku bintu, oku mîshi g’omu mashwa n’oku malehe g’omu ishwa; gwayôca burhazima.

Yeremiya 8:12

Enshonyi z’amaligo gâbo zababumba. Câba mushâna, barhacibà nshonyi, barhaciyishi olugwegwe lwo luci. Bafurhama omu karhî ka abafurhama bakomanya olusiku nayishibarhangula, Nyakasane okudesire.

Ndûlù 3:60

Wabwîne oku bacîhôla kuli nie, wabwîne emihigo yâbo kuli nie.

Ndûlù 3:61

Wayumvîrhe ebijâci byâbo, Nyakasane, n’emihigo yâbo mibî kuli nie.

Luka 21:22

“Bulya ezo nsiku zâbe nsiku za buhane, lyo ngasi kwoshi kwayandikagwa kuyunjula.”

Barom 2:5

Obûla ohûsize omurhima gwâwe orhanalonza okucîyunjuza, k’orhîshi oku odwîrhe wacihakira enguli y’obukunizi oku lusiku lwa ngerera-hano, lwo lusiku olubanja lw’okuli lwa Nyamuzinda lwânabonekane,