Yeremiya 17:21 - BIBLIYA NTAGATIFU OMU MASHI

²¹ “Yekudesire Nyakasane: Mucîlange murhanahîraga mukabarhula omuzigo olwa Sabato, murhahîraga mukagugeza omu mihango ya Yeruzalemu”.

Yeremiya 17:21 ပူးပေါင်းရင်းမြစ်များ

Lubungo 20:8

Okâkengêra olwa Sabato, onakâlujira lutagatîfu.

Migani 4:23

Olange omurhima gwâwe, kulusha ebindi byoshi, gwo gubà nshôko y’obuzîne.

Izaya 56:2

Iragi lyâge omuntu okajira ntyo na mwene-Adamu ocîshwêkera kuli ebyo, olanga olwa-Sabato buzira kuluhemukira analange okuboko kwâge kulek’ijira amabî.

Izaya 58:13

Erhi wankaleka okukaz’ilambagira olwa Sabato n’okujira eby’oburhimbûzi bwâwe omu lusiku Lwâni lutagatîfu, erhi wankayîrika olwa-Sabato «masîma» n’olusiku lutagatîfu lwa Nyakasane «lukengwa», erhi wankalukenga, okaleka okukâgenda n’okukâjira eby’oburhunzi bwâwe n’okujà wadalika,

Marko 4:24

Akababwîra, erhi: «Murhege amarhwîri oku ngasi byoshi mwayumwe. Omulengo mwalengeremwo abandi, gwo ninyu mwâlengerwemwo; ciru mwayish’iyûshûlirwa.

Luka 8:18

“Kuziga murhege amarhwîri oku ebi muyumva! Bulya ogwêrhe ye wâhâbwe, naye orhagwêrhi, ciru n’ehi acîkubagîre mpu agwêrhe, âhinyagwa”».

Ebijiro 20:28

“Mucîlangage mwene, munalange bwinjà obusò Mûka Mutagatîfu ammuyâbuzize mpu mububêre balungere, lyo muyâbula e Ekleziya ya Nyamuzinda alonsire n’omukò gwâge”:

Lushika 11:16

Mumanyage omurhima gwinyu gwakanashumikwa, obone mwamahabuka mukazikolera abandi banyamuzinda n’okubaharâmya;

Lushika 4:15

Munacîlangage bwinjà: kulya kubà orhabonaga busù buhi, olusiku Nyamubâho akushambâliza omu karhî k’omuliro aha Horebu,

Lushika 4:23

Mucîlange mwakanayibagira endagâno Nyamubâho, Nyamuzinda winyu àfundikaga ninyu, murhahîraga mukajira enshusho mbinje ya kantu kalebe n’obwo Nyamubâho Nyamuzinda wâwe akuhanzizekwo;

Lushika 4:9

Ci kwône omanyage wakayibagira ebi binjà amasù gâwe gabwîne omanyage harhajiraga ciru n’olusiku luguma lw’akalamo kâwe waleka ebyo binjà byakurhenga oku murhima, ci kwône obiyigirize bagala bâwe n’abinjikulu bâwe erhikwo.

Yozwe 23:11

“Kuziga kukwaninage mwene mucîlange bwenêne omu kuzigira Nyakasane, Nyamuzinda winyu”.