Yeremiya 17:2 - BIBLIYA NTAGATIFU OMU MASHI

² bulyâla bagala bâbo banacikengere empêrero zâbo n’emirinzi yâbo aha burhambi bw’emirhi mibishi oku ntondo ndîrî.

Yeremiya 17:2 ပူးပေါင်းရင်းမြစ်များ

2 Nganîro 24:18

Bajandika aka-Nyamubâho, Nyamuzinda wa b’îshe wâbo, bagendikazikuza enshanga n’enshusho. Oburhè bwa Nyamubâho bwababaza Yûda na Yeruzalemu erhi obwôla bugoma bw’olubaga burhuma.

2 Nganîro 33:19

Omusengero gwâge na kurhi ayumvûbagwa, ebyâha n’obugoma bwâge boshi, ahantu ajaga ayûbaka empêrero enyanya omu rhurhondo, aha ajaga ahira enshanga n’ensanamu embere arhôhekere, alà oku okwôla kuli kuyandike omu binwa bya Hozayi.

2 Nganîro 33:3

Ashubirhondêra okujà ayûbaka empêro omu hantu h’enyanya omu birhondo, ezi îshe Yezekiyahu akazâgihongola; ayûbaka empêrero kuli ba Baali, ashubijà ajira enshanga, akazifukamira abazimu b’oku nkuba boshi n’okubakolera.

Ennanga 78:58

Bamujira burhè n’empêro zâbo z’oku ntondo, n’ebishanga byâbo byamuzûkiza obwonganwa.

Lubungo 34:13

“Ci amahêro gâbo oyishigakûndula, emitûngo yâbo oyijonjage n’emirhi yâbo y’amahêro, ojè wayitwa”.

Izaya 1:29

Nêci, enshonyi zâmmubumba kuli erya mirhi yinyu y’amahêro mulimbira, mwâgwârhwa n’eza mêmè kuli galya masâne mucicîkubagira.

Izaya 17:8

Arhakaciyerekeza amasû ebwa mpêro, eyo mikolo yàjiragwa n’eminwe yâge: emitungo y’amahêro n’orhujo rhw’okuyôkera enshangi.

Yeremiya 2:20

Nêci, arhali ene wajahikaga omushigo gwâwe, watwa enkoba waderha erhi «ntâshiga». Kurhahangaga orhagwîshira nka mukazi wa cishungu oku ngasi ntondo ndîrî, n’ah’idako lya ngasi murhi mubishi.

Yeremiya 3:23

Kwo binali, entondo bunali bunywesi, n’akadugundu k’oku ntondo kwo na kwo. Nêci kwo binali, Nyakasane Nyamuzinda wîrhu yêne bucire bw’Israheli.

Yeremiya 3:6

Oku ngoma ya Yoshiyahu, Nyamubâho ambwîra erhi ka wabwîne ebi olya mugoma Israheli akozire? Ajire oku ngasi ntondo elengerîre na hali ngasi murhi mubishi, abàragirayo.

Yeremiya 7:18

Oku abâna bashenya enshâli, b’îshe bakoleza omuliro, n’abakazi barhanza enshâno mpu badugira Omwâmikazi w’Empingu. Cazinda barherekêre banyamuzinda b’ihanga mpu lyo bambabaza!

Ezekiyeli 20:28

Kurhanarhumaga obwôla ntabahisa muli cirya cihugo nalagânaga n’endahiro oku nâbahà co. Babwîne­ mwo orhurhondo rhwa ngasi lubero rhulengerîre, emirhi ya ngasi lubero eyu­njwîre byâsi, banagend’irhererekêrerayo, banahânirayo entûlo zâbo z’oku­nshologosa, banadêkereza ho obukù bwâbo bw’okurhûliriza banabulagiraho enterekêro yâbo y’embulaga.

Lushika 12:2

Muhongole munashande ngasi bantu amashanja mwajihulusa gàli gayubasire mpu gakazigashânirizamwo ba nyamuzinda wâbo, abè oku ntondo, abè omu birhondo, abè aha murhi gujinîrîre.

Bacîranuzi 3:7

Bene Israheli banacikulikiza okukazijira ebiri bigalugalu omu masù ga Nyakasane, bayibagira Nyakasane, Nyamuzinda wâbo, bakazikolera abazimu, ba Bali na ba Ashera.