Yeremiya 16:20 - BIBLIYA NTAGATIFU OMU MASHI

²⁰ K’omuntu akacîbumbira banyamuzinda b’obwîhambi, câba barhanali banyamuzinda, irumbi kwône.

Yeremiya 16:20 ပူးပေါင်းရင်းမြစ်များ

2 Bâm 19:18

“Nêci kwo binali oku ba kwêbire abazimu ba ebyôla bihugo omu muliro; barhali banyamuzinda ci bushanja bwajiragwa n’amaboko g’abantu, nshâli na mabuye, nk’oku byoshi banabihirigisize”.

Izaya 36:19

“Ngahi baligi balya banyamuzinda b’e Hamati n’ab’e Arpadi? Ngahi baligi balya banyamuzinda b’e Sefarayimi? Ka balîkûzize Samâriya omu maboko gâni?”

Izaya 37:19

Badûlisire banyamuzinda bâbo muliro, bulya barhali banyamuzinda bw’okuli, ci mukolo gw’amaboko g’abantu, mirhi erhi mabâle; na ntyo babavunyungula.

Yeremiya 2:11

Mukabugâna aha ishanja likola lihindwire banyamuzinda, n’obwo ciru bali ba bwihambi kwône! Olubaga lwâni lwôhe lwahingana irenge oku bya busha busha

Yeremiya 5:7

Nkubabalire bulya kurhi? Bagala bâwe bantwîsire, bagendishiga abarhali banyamuzinda! Erhi nabâga namâbayigusa banagedihusha, bakazâgikômera enyumpa y’omukazi w’ecishungu.

Daniyeli 3:1

Mwâmi Nabukondonozori anacibumba ensanamu y’amasholo, obulî bwâyo bwàli bwa makano makumi galindarhu n’obugali bwàli bwa makano ndarhu; agendiyiyimanza omu kabanda ka Dura, omu cihugo ca Babiloni.

Ebijiro 19:26

“Ci mwene mubwîne munadwîrhe mwayumva oku arhali e Efezi yône, ci na hôfi omu Aziya yoshi, oyu Paolo arhebire anahindula emirhima y’abantu barhali banyi, ababwîra mpu banyamuzinda bajiragwa n’amaboko g’abantu barhali ba­nyamuzinda”.

Bagalasiya 1:8

Mâshi owankaderha mpu ammuyigîriza eyindi-yindi myanzi y’akalembe erhali nk’erya rhwammubwîrizagya, ciru akabà rhwêne nîsi erhi malahika wamanuka emalunga, oyo akahera!

Bagalasiya 4:8

Galya mango murhàl’imuj’imanya Nyamuzinda, mwakâg’igashâniza abazimu, n’obwo abo bazimu barhankaba bo Nyamuzinda.