Yeremiya 16:17 - BIBLIYA NTAGATIFU OMU MASHI

¹⁷ Bulyâla amasù gâni gadwîrhe gabona enjira zâbo: zirhali nfulike, n’obugoma bwâbo burhankacîfulika omu masù gâni.

Yeremiya 16:17 ပူးပေါင်းရင်းမြစ်များ

2 Nganîro 16:9

“Bulya amasù ga Nyamubâho ganajè gazungula igulu lyoshi omu kurhabâla ngasi boshi banahizire omurhima gwâbo loshi kuli ye. Wajizire nka musirhe muli okwôla, kurhenga ene okolaga wakaziyôrha oli kwo amatabâro”».

Ayubu 10:14

Nkakola ebigalu-galu, erhi onandi ebulâbi, na ntâko wankaciderha mpu ndi mwêru-kwêru.

Ayubu 31:4

K’arhadwîrhi abona olugendo lwâni, nîsi k’arhaganja amakano njira n’aga ndîka?

Ennanga 109:15

Biyôrhe bikengêrwa na Nyakasane, anamuzazc hano igulu, irhondo ntâye ocimukengêraga.

Ennanga 139:3

ngwîshîre, ndambagîre, erhi wambona, enjira zâni zoshi ntà nguma ohabire.

Ennanga 33:15

Yêne ye wabumbaga emirhima y’abantu yoshi, yêne ye nakaz’ilola ebi abantu bajira byoshi.

Ennanga 51:9

Ewe Nyakasane onkangûle lyo ncà, onshuke mbè mwêru nka lubula.

Ennanga 90:8

Ebyâha bîrhu wabiyansire wabihira omu masù gâwe, ebibî rhwâjiraga bwifulikwè wabihebire omu bumoleke bw’obusù bwâwe.

Migani 15:3

Ngasi hoshi amasù ga Nyakasane gali, gali ebulâbi bw’abinja n’ababî.

Migani 5:21

Omanye oku amasù ga Nyakasane kubona gabona omuntu, kulolêreza galolêreza igênda lyâge.

Izaya 29:15

Buhanya bwâbo abacibundika mpu bafulike Nyakasane emihigo yâbo, abajirira ebijiro byâbo omu mwizimya, baderhe, mpu: «Ndi odwîrhe warhubona? Ndi orhumanyire?»

Izaya 66:18

Nie ono mmanyire ebijiro byâbo n’enkengêro zâbo. Nyishir’ishûbûza amashanja goshi n’abantu ba ngasi lulimi, bayisha babone irenge lyâni.

Yeremiya 2:22

Ciru wakacîshuka omuhulula wakanahirakwo luvù lunji, okuhemuka wahemusire kuyôsire kuli kuyandike omu masù gâni, Yekudesire Nyakasane Nyamubâho.

Yeremiya 23:24

K’omuntu akacîfulika ahantu habishe mbule bwamubona? Kanwa ka Nyakasane. Ka ntabumbiri empingu n’igulu niono? Kanwa ka Nyakasane.

Yeremiya 29:23

“Kwo kuderha oku bakozire ebirhajirwa omu Israheli, bahusha na bakà omulungu, baderha n’ebinwa by’obunywesi omu izîno lyâni, ntanabarhumiri­ kwo. Mmanyire niene nnampamîrîze, kanwa ka Nyakasane”».

Yeremiya 32:19

We nn’oburhimanya omu mihigo midârhi we n’obulenga boshi, onakazisingiriza abantu ly’oyishimanyihemba ngasi muguma nk’oku ebijiro n’engeso zâge binali!

Yeremiya 7:11

Ka omu kubona kwinyu mw’eyi nyumpa ederhwa n’izîno lyâni likolaga libà ishubûkiro lya bishambo? Niono kubona mbona ntali muhûrha, Kanwa ka Nyakasane.

Ezekiyeli 8:12

Anacimbwîra, erhi: «Kw’obwînage wâni mwene omuntu ebi abagula b’Israheli bajirira omu mwizimya, ngasi muguma omu hiyumpa hyâge hishîge irangi? Banakaziderha mpu: Nyamubâho arharhubona, mpu Nyamubâho arhenzire omu cihugo».

Ezekiyeli 9:9

Anacimbwîra erhi: «Obubî bw’omulala gw’Israheli n’ogwa Yûda buli bunji okurhalusire, ecihugo cayunjulîre mukò, olugo ludwîrhe lwalerengana, bulya badwîrhe baderha, mpu: Nyamubâho àrhenzire omu cihugo, Nyamubâho arhankabona.

Sofoniya 1:12

Muli ago mango nâyôce Yeruzalemu n’orhumole; nanjè narhangula balya boshi barharhenga omu bubî bwâbo, bo balya baderha emurhima gwâbo, mpu: «Nyakasane arhankahashijira mabî erhi minjà.»

Zakariya 4:10

Kurhakwanini okugayaguza obunyinyi bw’emikolo mirhangiriza. Bacîshinge erhikwo okubona oku Zorobabeli ashubir’iyûbaka aka-Nyamuzinda. Okubundi anacimpugûlira ntya, erhi: «Orhwo rhumole nda go masù ga Nyakasane gakaz’ilola ngasi byoshi bigera omu igulu;»

1 Bakorinti 4:5

Kuziga murhatwaga olubanja lwa bene dubaduba. Muleke Nyakasane ayishe, ye wash’imoleka ebifulike omu mwizimya, anabishûle emihigo eri omu murhima. Okubundi ngasi muguma ayish’ihâbwa na Nyamuzinda obukuze bumukwânîne.

Bahabraniya 4:13

Na ntà ciremwa ciru n’eciguma cirhabonwa na Nyamuzinda: byoshi byoshi bilangashîne binafulwîrwe omu masù g’Oyo wârhubûlanye kw’ebi rhwa­jizire.