Yeremiya 15:15 - BIBLIYA NTAGATIFU OMU MASHI

¹⁵ Wêhe orhababîri Nyakasane onkengêre, ontangule onambuke omungo gw’aba banshimbulwîre. Omu kulindalinda kw’oburhè bwâwe, orhampekaga orhanarhumaga bampeza; omanye oku we rhumire natumula.

Yeremiya 15:15 ပူးပေါင်းရင်းမြစ်များ

Nehemiya 13:22

Narhegeka abaleviti nti bacîyôbôle, banayîsh’ilanga enyumvi lyo olwa Sabato lujirwa lutagatîfu. Oshub’iyûbaka mâshi Nyamuzinda wâni onambabalire erhi okwo kwo kurhumire, nk’oku obwonjo bwâwe bunali!

Nehemiya 13:31

Najira n’agandi oku nshâli zakahânwa oku lusiku lunatwîrwe kuguma n’oku by’emyâka mihyâhya. Okaz’inkengera Yâgirwa Nyamuzinda wâni lyo ncira.

Nehemiya 5:19

«Yâgirwa Nyamuzinda wênene omanyâge kuli nie, ngasi koshi najirîre olu lubaga».

Nehemiya 6:14

‘Kengêra mâshi Yâgirwa Nyamuzinda wâni, ago mabî Tobiya na Sanbalati bakola banjirira. Kuguma n’olya mulêbi Noadya n’abandi balêbi balonzagya okunyobohya’.

Ayubu 10:7

Wênene omanyire oku ndi mwêru-kwêru, na ntâye wankankûla omu nfune zâwe!

Ennanga 102:24

Emisî yampwêrîre njira, n’ensiku zâni bazitwîremwo.

Ennanga 106:4

Muhânyi onkengêre nâni omu burhonyi orhonyamw’olubaga lwâwe, okanye ontandûle onantabâle.

Ennanga 119:84

Ensiku za mwambali wâwe ziri inga? Abanshimbulwîre, mangaci galya olwâbo wâlutwa?

Ennanga 17:3

Wanalola omu ntimanya z’omurhima gwâni onantangule budufu; wanantangula: orhankambonamwo bubî.

Ennanga 39:13

Yâgirwa, oyumve omusengero gwâni oyumvîrhize omulenge gwâni, orhabâga nka wa bihuli nandwîrhe nabanda olujamu. Bulyâla ndi cigolo aha oli, ndi mubalama aka bashakulûza boshi.

Ennanga 44:22

ka kuhaba Nyamuzinda ankahabire ye yishi ebifulike omu murhima?

Izaya 38:3

Amubwîra, erhi: «Mâshi Nyakasane, kengêra oku embere zâwe nal’inyôsire mwemêzi na wa murhima mwimâna, n’oku nakazâg’ijira ebinja omu masù gâwe». Okuhandi Hizkiyahu anacigwîra avugumula emirenge.

Yeremiya 12:3

Wêhe Nyakasane, onyishi na kubona ombona, omurhima gwâni wagurhangwîre, na haguma nâwe gubà. Obarhenze nka bibuzi byajibâgwa, obabikire olusiku lw’okubâgwa.

Yeremiya 15:10

Namâhera, nyâmà nieki, we wambusire muntu wa kadali n’enongwe omu cihugo coshi! Oku ntalya ntanahana mwenda, kurhahanga boshi barhanshomba.

Yeremiya 15:20

Nâkujira obêre olwo lubaga nka côgo cizibu-zibu c’amarhale, bâyishikulwîsa ci barhakuhashe, bulyâla ndi haguma nâwe, nti nkucize nnankulîkûze, Kanwa ka Nyakasane.

Yeremiya 17:16

Niehe ntakuminikaga nti orhume obuhanya ntanacîfinjaga olusiku luminya, wêne orhahabiri, ngasi ebintenga ekanwa erhi wanabibona.

Yeremiya 18:23

Cikwône wêhe Nyakasane, orhahabiri emihigo yâbo mibî kuli nie, orhababaliraga obubî bwâbo, orhazazagya ecâha câbo omu masù gâwe. Barhibuke omu malanga gâwe, amango g’omutula gwâwe, obakolere akalîbala.

Yeremiya 20:11

Cikwône Nyamubâho ali haguma nâni nka ntwâli nzibu. Co carhuma abashombanyi bâni zâbahira oku idaho, bajogonje Enshonyi z’okubula-bulà kwâbo zâbabumba, lugwegwe lwa nsiku zoshi, lulya lurhayibagirwa.

Yeremiya 20:12

Nnâmahanga w’Emirhwe, we singiriza omushinganyanya we bona ensiko n’omurhima, nâbona oku wacîbukira omungo kulibo bulya we ntûzire olubanja lwâni.

Yeremiya 20:8

Erhi naciderha erhi kuyâma n’okuyakûza mpu: zâtula akavu, zinashûbe. Akanwa ka Nyakasane kabîrage kuli nie, igwârhiro ly’okugâywa n’okushekerwa bwaca-bwayira.

Ndûlù 3:64

Nyakasane, wayishibakolera ebiri nk’ebi bàmkolîre.

Ndûlù 3:66

Wâbashimbûlula n’obukunizi bwâwe, obaherêrekeze lwoshi hano igulu.

Mateyo 10:22

Mwâshombwe na boshi, erhi Izîno lyâni lirhuma; ci owacîkanyekanye kuhika buzinda ye wayish’icunguka.

Mateyo 19:29

Na ngasi yêshi wâleke aha mwâge, erhi bene wâbo, erhi bâli bâbo, erhi îshe, erhi nnina, erhi abâna bâge, erhi amashwa gâge, nie ntuma, âhâbwa kali igana kulusha, anayish’ibona obuzîne bw’ensiku n’amango.

Luka 21:17

“mwânashombwe na boshi izîno lyâni lirhuma”.

Barom 12:19

Murhakâg’icihôla mwenene, bîra bâni, ci muleke obukunizi bwa Nyamuzinda bwône buyish’icihôla, bulya kuyandisirwe, mpu: Okucîhôla kuli kwâni! Niene nayîsh’ilyûla ngasi muntu nk’oku akwânîne. Nyakasane okudesire.

Barom 8:35

Ndi wankacirhukûla omu buzigire bwa Kristu? Ka kubula eci rhwâyambala, erhi kaga, nîsi erhi ngôrho?

2 Bakorinti 5:11

Na ntyo, bulya rhuyishi oku kwânîne okuyôboha Nyakasane, rhudwîrhage rhwayêmêza abantu. Nyamuzinda yêhe rhulangashîne omu masù gâge. Ninyu nnangâlîre nti rhulangashîne omu mirhima yinyu.

2 Timoteyo 4:14

Aleksandro, mutuzi w’ebyûma, anjirîre bubî bunji; Nyakasane anamulyûle nk’oku ebijiro byâge binashingânîne.

Mafulûlo 18:20

Simagi n’okwôla abîre, mwe malunga; ninyu mwe bimâna, mwe ntumwa n’abalêbi, kwo na kwo; kulya kubà ene Nyamuzinda amuyâza ammuyêzize.

Mafulûlo 6:10

Banaciyâkûza n’izù linene, mpu: «Mâshi Nyamwagirwa, Mwimâna na Nn’okuli, kuhika mangaci wayôrha orhatwîri olubanja orhanahôziri omukò gwîrhu oku bantu b’igulu?»

Bacîranuzi 16:28

Mw’ago mango Samusoni anacishenga Nyakasane, anaciderha, erhi: «Yâgirwa Nyamuzinda onyibuke nâni mâshi, oshubimpà emisî, muli gano ma­ ngo gônene, mbone kurhi nankahasha okucîhôla oku Bafilistini, kuli aga masù gâni gombi».