Yeremiya 15:13 - BIBLIYA NTAGATIFU OMU MASHI

¹³ Obuhirhi n’obugale bwâwe narhangibiha ababihagula buzira kugalula akantu, erhi byâha byâbo omu cihugo coshi birhuma.

Yeremiya 15:13 ပူးပေါင်းရင်းမြစ်များ

Ennanga 44:12

Kwo warhuhânyire nka bibuzi byaj’ibâgwa, wanarhushandâza omu karhî k’amashanja.

Izaya 52:3

Nêci, kwo adesire ntyâla Nyakasane: «Busha mwaguzibagwa na kandi buzira kulyûla nsaranga mwagulûlwa!»

Izaya 52:5

Ci bunôla bici ncidwîrhe najira hanôla? Nyakasane okudesire, bulya olubaga lwâni lwalulizîbwe buzira igwârhiro, abanzi bâge bàyisha babanda orhuhababo, Nyakasane okudesire, na ngasi mango, omulegerege gwoshi, izîno lyâni badwîrhe baligayaguza.

Yeremiya 15:8

Abakana bâbo, bo bali banji kulusha omushenyi gw’enyanja. Nina w’entwâli, namudwîrhîre kaheza mûshi kalengerêre kano kanya, namudubulirakwo ebihamba n’ecihango.

Yeremiya 17:3

«Wâni ntondo yâni y’omu cibandâna, obunguke bwâwe n’obuhirhi bwâwe nabihâna babihagule erhi amabî wakozire omu cihugo coshi garhuma.

Yeremiya 20:5

Nagaba n’ebirugu by’ogu murhundu byoshi, emihako yago yoshi, ngasi hinjà gunajira, amahirhi g’abâmi ba Yûda goshi, nagaheba omu nfune z’abashomba­ nyi bâbo, bahagule, babarhule bahêke e Babiloni.

Ezekiyeli 38:13

“Sheba, Dedani, barhimbuzi bakulu b’e Tarsisi haguma n’entale ntôrhò zâbo bakubwîra mpu: Ka kuhagula kukudwîrhe, ka kuyishisabunga eminyago kwarhumaga walundula eyi ngabo mwandu, wayisha mpu oli kungûja amarhale n’amasholo, mpu onyage amasò omwo n’ebirugu onaheke omunyago munji?”»

Sofoniya 1:13

Okuhandi obugale bwâbo buhagulwe enyumpa zâbo zishâbwe. Bayûba ka enyumpa, barhakazilâlamwo; bagwisire enkoma, barhakanywa oku manvu ga muli zo. Olusiku lwa Nyakasane