Yeremiya 14:3 - BIBLIYA NTAGATIFU OMU MASHI

³ Abagale badwîrhe bàrhuma abâna mpu bajilonza amîshi. Abâna badwîrhe bajà ebwa maliba ci barhabona mîshi, badwîrhe bakazigalukana orhubindi rhurhalimwo bici, n’omûmà n’ebishonyi n’irhwe libwîkire.

Yeremiya 14:3 ပူးပေါင်းရင်းမြစ်များ

2 Samweli 15:30

Daudi anacisôka ehirhondo hy’e Mizêti erhi anayisha avugumula emirenge n’irhwe libwîke n’amagulu garhalimwo nkwêrho kuguma n’abantu bali bo­ shi naye nabo bayishaga bagenda n’irhwe libwîke banajà bavugumula emirenge.

2 Samweli 19:4

Olwôla lusiku olubaga lwayisha lwajonjôkera omu lugo nka bantu bagwâsirwe n’enshonyi z’okuhimirwa emunda bal’ilwa.

1 Bâm 17:7

Cikwône erhi kugera nsiku, lulya lwîshi lwanacigana, bulya ntà nkuba yaciniaga omu cihugo coshi.

2 Bâm 18:31

“Murhayumvagya Yezekiyahu bulya ntya kwo mwâmi w’e Asûru adesire erhi: Munkuze munanshige, ngasi muguma akalya omuzâbîbu gw’omu kwâge, ngasi muguma akalya ilehe ly’omutini gwâge, ngasi muguma akanywa amîshi g’omu cirhenga câge”.

Esteri 6:12

Mardokeyo ashub’icîshubirira aha muhango gwa mwâmi naye Hamani ayombokera emwâge n’omutula n’irhwe libwîke.

Ayubu 6:20

Obwikubagire bwâbo kuyishibà kurhebwa; erhi bazihika-ho balole omu ndalo za bene.

Ennanga 109:29

Abakaz’indega enshonyî zibabumbe; okurumbaguza kwâbo kubabwîke nka cirondo.

Ennanga 40:14

Yâgirwa, orhahakanaga, ondîkûze; Yâgirwa, okanye ontabâle!

Yeremiya 14:4

Kulya kubà idaho lyaberesire erhi kubula mîshi kurhuma abahinzi enshonyi zababumbire okubwîkira babwîkire irhwe.

Yeremiya 15:18

Cirhumirage amababale garhayonda, ecibande câni cirhafuma, cirhâyumva bâsi. Wambêrîrage kishi kabêsha mushâna, kalya k’amîshi garhacîkubagirwa.

Yeremiya 2:13

Bulyâla olubaga lwâni kubirhi lwashûbûsire: bandeka, nie n’iriba ly’amîshi gahulula, bagendihumba yâbo yâbo migomero, eryâla erimwo obubere, eryâla erharhanga mîshi.

Yeremiya 2:37

Warhengayo nayo erhi amaboko gakuli oku irhwe, bulyâla abà wali ocîkubagire, Nyamuzinda abakazire, na ntà bunguke wabakûlakwo.

Yeremiya 20:11

Cikwône Nyamubâho ali haguma nâni nka ntwâli nzibu. Co carhuma abashombanyi bâni zâbahira oku idaho, bajogonje Enshonyi z’okubula-bulà kwâbo zâbabumba, lugwegwe lwa nsiku zoshi, lulya lurhayibagirwa.

Yeremiya 3:3

Enkuba mpangûka erhacihangûkaga, n’enkuba nzinda erhacibonekaga. Amasù gâwe gakola gayôrha nka ga mbaraga, garhacibamwo lugwegwe.

Ndûlù 4:4

Abâna baciri oku ibêre, olulimi lwabayumîre ebiraka n’ecûmwe, abâna b’ebirhaba badwîrhe bahûna omugati na ntâye wabahà ciru n’ehihimbi hyâgwo.

Hozeya 2:3

Bwiragi bene winyu, erhi: «Lubaga lwâni», na bâli binyu, erhi: «Musîmwa».

Yoweli 1:20

Ebishwêkwa byoshi byajongîre omu masù gâwe, bulya enyîshi zoshi zaganyire, ecihugo cahya mabira.

Amosi 4:7

Nammuyîmire enkuba erhi kucisigire myêzi isharhu musarûle, naniêsa e­nkuba oku lugo naleka n’olundi, ishwa lirebe lyaniamwo enkuba, na lirebe lyàyûma lirya ntayiniêsagyamwo.

Amosi 4:8

Bishagala bibirhi erhi bisharhu byajàga byahenânguka mpu bijihûna amîshi emw’ecindi cihugo, n’enyôrha erhatwîke; murhanagalukaga emu­ nda ndi», kwo Nyakasane adesire.

Zakariya 14:17

Omulala gw’igulu gwânabè gurharheremeraga e Yeruzalemu mpu gugend’iharâmya Mwâmi Nyamubâho w’Emirhwe, gurhakacifa gwânierirwekwo enkuba.