Yeremiya 14:16 - BIBLIYA NTAGATIFU OMU MASHI

¹⁶ N’abadwîrhe babwîrwa nabo, omu mihanda ya Yeruzalemu bakwêbwa, ngôrho n’ishali byâbalambika barhâbone cabisha: ôli bo, ôli bakâbo, ôli abânarhabana âbo, ôli abâna-nyere bâbo; nabadubulirakwo amaligo gâbo.

Yeremiya 14:16 ပူးပေါင်းရင်းမြစ်များ

Migani 1:31

Bakolaga bâlya amalehe gw’obuhabusi bwâbo, bàyigurha amahano bàcîhaga bône.

Izaya 51:20

Abâna bâwe babengîre, bakola balambûkîre omu ngasi marhambi g’enjira zoshi, bakola bali nka kula akashafu kagwârhwa omu murhego, bamâzigânwa n’obukunizi bwa Nyakasane, n’omuhigo gwa Nyamuzinda wâwe.

Izaya 9:16

Co cirhumire Nyakasane arhacibabalire emisole yâbo, arhâcife enfûzi zâbo n’abakana bâbo lukogo; bulya boshi boshi bali bagoma na ba­nyankola-maligo, na ntà kanwa karhaciderha mabî. Ci okwôla kurhârhume oburhè bwâge bwatwîka n’okuboko kwâge kurhâyôrhe kulambûle.

Yeremiya 16:4

Bafà olufù lubî, barhâlakirwe barhânabishwe, bâbà binazo by’idaho. Ngôrho yâbalambika, n’ecizombo. n’emirhumba yâbo yâshube bushêge bw’ebinyunyi by’emalunga, n’ebiryanyi by’erubala.

Yeremiya 18:21

Abâna bâbo obasigire ishali, onabarhege obwôji bw’engôrho; Bakâbo bashube ngumba banakane! B’ibà bafè n’ecihûsi. Babandirwe n’engôrho omu matabâro.

Yeremiya 20:6

Nâwe wâni Pashehuru, na ngasi bahanda aha mwâwe boshi wahêkwa mpira; e Babiloni wânâje, yo wafîra, yo wanabishwa woyo mwe n’abîra bâwe wakazâgilêbera obunywesi.»

Yeremiya 27:15

“Bulyâla abo ntabarhumaga, kanwa ka Nyakasane, bunywesi badwîrhe bamulêbera, omu izîno lyâni, mpu lyo ngaya mmushandabanye muherêrekere, mw’oyo n’abalêbi badwîrhe bamulêbera”.

Yeremiya 4:18

Bulala bwâwe n’ebijiro byâwe bikudwîrhîre okwo. Bunguke bw’amaligo gâwe obwo: nka bwalula! Bwanakuhika oku nsholo y’omurhima.

Yeremiya 5:31

Abalêbi badwîrhe baderha eby’obunywesi, abadâhwa badwîrhe bayigîriza byâbo-byâbo. N’olubaga lwâni lusîmire okwo! Bici mwâjira hano luhumba obwo?

Yeremiya 7:33

N’emirhumba y’olwo lubaga yâbà lwîko lwa binyunyi by’emalunga, haguma n’eby’erubala, harhaboneke n’omuntu wabihiva.

Yeremiya 8:1

Mw’ago mango, ye kudesire Nyakasane, babishûla amavuha g’abâmi b’e­mwa Yûda, ag’abakulu, ag’abadâhwa, ag’abalêbi n’ag’abantu kône b’e Yeruzalemu.

Yeremiya 8:2

Bagayanika oku izûba, omwêzi engabo y’emalunga bali barhonyize n’okukolera zirya bashimbaga banakazizidôsa, zirya bakazâgiharâmya, ago mavuha garhacife garhôlagwîrwe nîsi erhi kushubibishwa. Gakolaga gabêra oku idaho nka binazo.

Yeremiya 9:20

Olufù lwàgezire omu rhubonezo rhwinyu olufù lwarhujire eka, lwalambika omwâna w’ecirhaba omu muhanda, lwalambika abâna b’emisole omu ngo.

Yeremiya 9:22

Kwo adesire ntya Nyakasane: omurhimanya arhahîraga akacîkunga obushinganyanya bwâge! Entwâli erhahîraga ekacîkunga oburhwâli bwâyo! Omugale arhahîraga akacîkunga obugale bwâge!

Ezekiyeli 39:14

Banarhuma abantu mpu bakaz’igeragera omu cihugo mpu bajè babisha abagenzi bafirîre omu cihugo, banarhenza ntyo omu cihugo ngasi bya­nkacihemula. Enyuma lya myêzi nda go mango barhangira okujà kwalonza.

Amosi 7:17

«Akabà ntyo, yumvagya oku Nyamuzinda adesire: Mukâwe yâbà mbaraga omu lugo, bagala bâwe na bâli bâwe bahwêra oku ngôrho, amashwa gâwe bâgashokôla, nâwe wêne wajifîra omu cihugo c’amabî, n’Israheli alulizibwe omu bujà kuli n’ecihugo câge.»

Mateyo 15:14

Mubaleke; eri mihûrha eyêreka emihûrha enjira! Ci omuhûrha gukacihiramwo eby’okulangûla ogwâbo muhûrha enjira, yombi enacîlohe omu nyenga».

Mafulûlo 16:1

Nanaciyumva izù lyarhenga mulya ngombe, lyayâkûza balya Bamalahika oku banali nda, erhi: «Mukanye, mugend’idubulira orhwo rhubêhè nda rhw’omutula gwa Nyamuzinda oku igulu».