Yeremiya 12:9 - BIBLIYA NTAGATIFU OMU MASHI

⁹ Akashambala kâni ka kashubirage cinyunyi ca mashala ga butonè n’ebinyunyi bihiva byakagorha! Mukanye muhamagale eby’erubala byoshi; mubilerhe bicîrhanze.

Yeremiya 12:9 ပူးပေါင်းရင်းမြစ်များ

2 Bâm 24:2

Nyamubâho arhumira Yehoyakimu engabo zarhenga e Kaldeya, engabo y’Abanya-Sîriya, engabo y’Abanya-Mowabu, n’engabo y’Abanya-Amoni, boshi bacîhonda kuli Yûda mpu bamushâbe nka kulya akanwa ka Nyamubâho kanaderhagwa n’abalêbi.

Izaya 2:11

Amasù g’abacîbonyi gayubûbya, obucîbone bw’abantu bwâbona eza mêmè; Nyakasane yêne waj’irenge olwo lusiku.

Izaya 2:12

Nêci, lwâyisha olusiku Nyakasane Nyamuzinda w’Emirhwe agombya ngasi yêshi ocîbona n’ocîhira enyanya, amufunyâze;

Izaya 56:9

Mweshi, mwe nsimba z’erubala, muyishe mufonfomere! Mwe nsimba z’emuzirhu, muyishe mweshi!

Yeremiya 15:3

Nâhirakwo milala ini ya maligo, yekudesire Nyakasane: engôrho y’okuyîrha, ebibwa by’okushanshanyula, eby’erubala n’ebinyunyi by’emalunga, eby’okulya n’okushâba.

Yeremiya 2:15

Entale zamamumokera, zamamulumbira, ecihugo bamâcîhindula bwêrûlè ebishagala byâge bamâbiyôca, birhaciyimbwâmwo muntu.

Yeremiya 34:20

“Mpizire oku nabahimîsa bagwè omu maboko g’abalenzi, n’omu mîno ga Nyamwilumbà. Ebirunda byâbo bibul’ilîrwa omu mpinga, enyunyi z’omu cirêre, n’ensimba z’emuzirhu zibashêge”.

Yeremiya 7:33

N’emirhumba y’olwo lubaga yâbà lwîko lwa binyunyi by’emalunga, haguma n’eby’erubala, harhaboneke n’omuntu wabihiva.

Ndûlù 1:17

Siyoni adwîrhe alambûla amaboko, ci ntâye ciru n’omuguma abwîne w’okumurhûliriza. Oku irhegeko lya Nyakasane, abalungu b’Israheli bo bahindusire bashombanyi bâge. Muli bo Yeruzalemu ahindusirage kantu ka kushologosa.

Ezekiyeli 34:5

“Ebyôla bishwêkwa byoshi byashandabana erhi kubula bangere kurhuma, byàbà biryo by’ensimba zoshi z’omu lubala, byàlumira hoshi”.

Mafulûlo 17:16

N’amahembe ikumi wabonaga na cirya ciryanyi, bikolaga byashomba nyamukazi namuhushà, bimutungole, bimusige mushugunu, birye enyama zâge binamuyôkere oku cîko.