Yeremiya 12:11 - BIBLIYA NTAGATIFU OMU MASHI

¹¹ Mâshi balijizire nkûmu, likola lya kushibûkwa omu masù gâni. Ecihugo coshi bacishâbire na ntâye oshîbirîre.

Yeremiya 12:11 ပူးပေါင်းရင်းမြစ်များ

Muhanûzi 7:2

Aha omuntu ankajà aha balya, ankajà aha balaka, bulya bwo buzinda bwa ngasi muntu, n’omuntu naye anakengêre okwo.

Izaya 42:25

Anacidubulirakwo Israheli oburhè bw’obukunizi bwâge n’akadugundu k’ebîrha. Obwo bukunizi bwamuyôhakwo engulumira y’omuliro, ci arhayumvagya, bwamudûlika muliro, ci arhashibiriraga!

Izaya 57:1

Omushinganyanya amâherêrekera, na ntâye ciru n’omuguma omushibirîre; abantu bajira aminjà badwîrhe bahirigirha, n’okwôla kurhama­nyikini! Nêci, bubî budwîrhe bwarhuma omushinganyanya ahirigirha!

Yeremiya 10:22

Yumva omwanzi! gwo ogwo! Cihôgêro cinene carhenga e mwênè mpu ebishagala bya Yûda bihinduke irungu, bibè lwâkiro lwa banyambwe.

Yeremiya 10:25

Orhulire omutula gwâwe oku mashanja garhakuyishi n’oku milala erhagashâniza izù lyâwe. Bulyâla balire Yakôbo bamuyûsa, banashâba aha mwâge.

Yeremiya 14:2

Eca Yûda omu mishîbo ciri n’ebishagala byâge mutula birimwo oku idaho biri n’omulenge gwa Yeruzalemu enyanya gusokire gwalwîra.

Yeremiya 19:8

Olu lugo nâlujira lubè hantu ha cikango n’olushungûrho, ngasi wâgera afuduke abande n’ehishungûrho omu kubona ebibande bityo.

Yeremiya 23:10

Bulyâla ecihugo ciyunjwîre bagonyi, nêci, ecihugo ciri omu mishîbo erhi kuhehêrerwa kurhuma, n’aha ebintu biyâbukira omu irungu abantu badwîrhe bashwira ebigalugalu, banadwîrhe barhamira okulenganya-.

Yeremiya 25:11

Eci cihugo coshi cashâbwa cihinduke irungu, n’aga mashanja gashinga myâka makumi galinda, erhi gakolera mwâmi w’e Babiloni.

Yeremiya 4:20

Erhi bacîderha mwanzi erhi na gwa buhanya, ecihugo mpu coshi càhire ebihando byâni mpu byàshabûsire. Olwâkiro lwâni mpu lwahirigisire.

Yeremiya 4:27

Nêci, kwo adesire ntya Nyamubâho: Ecihugo coshi câshâbwa, coshi nâcilambika.

Yeremiya 4:28

Kuli okwo, igulu lyâjira emishîbo n’amalunga gali enyanya gâjamwo omwizimya bulyâla nadesire ntânacigalule akanwa nafundisire ntanacifundûle.

Yeremiya 6:8

Leka bakubwîrize Yeruzalemu Omurhima gwâni gwakanakurhengakwo, wakabona namâkujira bwêrûlè, bulya burhabâmwo muntu.

Yeremiya 9:10

Yeruzalemu namujira nsinga ya mabuye, bulumba bwa banyambwe ebishagala bya Yûda nabijira bigûkà birya birhabamwo ndi.

Yeremiya 9:11

Mugula ohi wakayumva ebyo? Na kandi, ôhi Nyakasane abibwîzire mpu abimanyise abandi? Cirhumirage ecihugo cishâbwa. Cinayôcibwa nka mpinga erhagerwamwo na muntu?

Yeremiya 9:9

Entondo muzilakire, mubande endûlù amalambo g’omu mpinga mugayîganire kula kw’ofirîrwe bulya zayôcirwe zoshi ntâye ocigerayo, ntâye ociyumva ebintu byayanirayo. Oli ebinyunyi by’emalunga, ôli ebintu byoshi byayâsire, byahirigirha.

Yoweli 1:10

Ebishagala birhaciyimbwamwo akantu; obudaka buli omu mishîbo, bulya emyâka yahagwîrwe, ntà mamvu, amavurha gahezire.

Ben Levi 26:32

Nâsherêza ecihugo cinyu, kulya kwarhuma abashombanyi binyu bazânwa, amango baciyûbakamwo.

Zakariya 7:5

mpu mpêkere abadâhwa n’abantu b’omu cihugo ishuzo lyâge, erhi: «Mukola muli myâka makumi gali nda erhi mucîshalisa n’okucîduduma ngasi mwêzi gwa karhanu n’ogwa kali nda, ci kurhabà kuderha mpu munsimîse kurhuma mwacîshalisa okwa bene okwo.

Malakiya 2:2

akabà murhayumvîrhi murhanashibiriri okukaziharâmya irenge l’izîno lyâni, namuhehêrera, Nyakasane w’Emirhwe okudesire. Ciru mîra narhangiraga okuhana iburha linyu.

Barom 8:22

Rhumanyire kwinjà oku kuhika ene ebiremwa byoshi biri omu mulenge, binadwîrhe byalumwa n’emikero y’okuburha.