Yeremiya 10:9 - BIBLIYA NTAGATIFU OMU MASHI

⁹ Marhale matule nka rhwâsi garhenga cingana e Tarsi n’amasholo g’e Ofiri mukolo gwa mubinji, gwa munwe mulenga gw’omutuzi byoshi bushanja bwa bantu balenga. Babiyambike n’omushangi gw’akaduku obwo.

Yeremiya 10:9 ပူးပေါင်းရင်းမြစ်များ

1 Bâm 10:22

Nêci mwâmi ali agwêrhe amârho e Tarsisi haguma n’amârho ga Hiramu na ngasi myâka isharhu agôla mârho g’e Tarsisi gakazâg’iyisha gadwîrhe amasholo, amarhale, amahembe, encima n’enduku.

2 Nganîro 9:21

Bulya mwâmi ali agwêrhe enkuge zakagija e Tarsisi zakazâgihêkwa n’abarhumisi ba Hurami; liguma omu myâka isharhu, ezôla nkugè zanarhenga e Tarsisi ziyîshe zidwîrhe amasholo, amarhale, amahembe g’enjavu, encima n’enduku.

Ennanga 115:4

Ebi bagashâniza abo biri bya cûma, biri bya masholo, bunali bushanja burhenga omu nfune z’abantu.

Ennanga 72:10

Abâmi b’omu Tarsisi n’ab’omu birhwa bâmurhûla entûlo, abâmi b’e Saba n’ab’e Seba bamusholôlera.

Izaya 23:6

Muyikirire e Tarsisi, mujè mwayâma, mwe muyûbaka oku burhambi bw’enyanja.

Izaya 40:19

Omubumbi abumba enshushano, omutuzi ayishige amasholo, ayitulire n’emigufu y’amarhale.

Ezekiyeli 27:12

Tarsisi akazâgiyishigulira emwâwe, abona adwîrhe ayungukira oku bugale bwâwe. Bakazâg’ikuhà ensaranga, ecûma, akasiteriti (kasigiriti), nâwe wanabaha ebirugu bali gula.

Ezekiyeli 27:7

Omulondo gw’ecitâni c’e Mîsiri guli kwo obushengerêre gwabà gwo mwenda gwâwe wajiramwo olurhalarhala. Emishangi y’akaduku n’eya akalinga y’omu bizimba by’Elisha yo wayûbasiremwo omu ndalâlà y’eyo nyumpa yâwe.

Daniyeli 10:5

Nanaciyinamula amasù nakaz’ilolêreza, hanaciyisha omuntu oya­mbîrhe ecishûli c’ecitâni anacikobesire n’omukaba gw’amasholo g’e Yufazi.

Hozeya 8:6

N’obwo we Israheli! Nako akanina kâwe, mubumbi wakajiraga, karhali nyamuzinda. Okuli, akanina ka Samâriya kabunduka kajônjolekane.

Yônà 1:3

Yônà ayimuka, àgwârha enjira, y’okuyâkira Nnâmahanga erhali hôfi, e Tarsisi. Anaciyandagalira e Yope, àbugâna obwârho bwajà e Tarsisi; abahyulira enjira, ajà omu bwârho boshi nabo kuhika e Tarsisi, kulî na Nnâmahanga.

Habakuki 2:19

“Buhanya bwinyu! Mwe mukaz’ibwîra ecihimbi c’omurhi, mpu: Zûka!, n’ensinga y’akaduma y’ibuye, mpu: Yimanga!, n’obwo arhankammufulûlira mwanzi muci. Ciru akabà mpu bibà bishizirwe amasholo n’amarhale, ntà buzîne bubibâmwo!”