Yeremiya 10:6 - BIBLIYA NTAGATIFU OMU MASHI

⁶ Orhagerwa ndi Nyakasane, oli mukulu, liri likulu izîno lyâwe ligala byoshi.

Yeremiya 10:6 ပူးပေါင်းရင်းမြစ်များ

2 Samweli 7:22

Kuli okwôla oganze, yâgirwa Nyamubâho, bulya ntâye oli akâwe na ntà wundi Nyamuzinda aha nyuma zâwe, omu kulola ebi rhwanayumvîrhe n’amarhwîri gîrhu.

1 Nganîro 16:25

Bulya Nyakasane ali mukulu, anakwânîne ajè irenge. Akwânîne ayôbohwe kulusha abandi banyamuzinda boshi.

Nehemiya 4:14

“Aha mwankanayumva babûhira omushekera, munayishe mweshi aha burhambi bwîrhu, Nyamuzinda wîrhu arhulwîra”.

Nehemiya 9:32

Na bunôla mâshi Yâgirwa Nyakasane Nyamuzinda wîrhu, we Nyamuzinda mukulu, Ogala-byoshi na wa kujugumya, we olanga endagâno yâwe bwinjà, orhalolaga ebintu bya busha busha, aga malumwa goshi garhujirekwo, rhwenene, abâmi bîrhu, abarhambo bîrhu, abadâhwa bîrhu, abalêbi bîrhu, ababusi bîrhu, n’olubaga lwâwe lwoshi kurhenga oku bâmi b’e Sîriya kuhika mwa zino nsiku.

Ennanga 145:3

Nnâmahanga ali w’izîno anali wa kukengwa bwenêne, obukulu bwâge burhankayumvûbwa.

Ennanga 147:5

Nyamuzinda wîrhu ali mukulu, obuhashe bwâge burhagerwa, obukengêre bwâge burhahimwa.

Ennanga 35:10

N’ebivuha byâni byoshi bikaz’iderha, mpu: «Yâgirwa ndi wakakuja omw’irhwe, we shugula engonyi omu nfune za ciri-misî, we shugula omunyi n’omukenyi omu nfune z’owal’imunyaga!»

Ennanga 48:1

Lwimbo. Lulanga. Lwa bene Korè.

Ennanga 96:4

Bulya Nyakasane arhali ntindi, anakwânîne aj’irenge, akwânîne ayôbohwe kulusha abandi ba nyamuzinda boshi.

Lubungo 15:11

Wundi Nyamuzinda ohi oli nka We, Yâgirwa? Ndi oli akâwe, we cilangashane c’obwimâna, murhînywa omu bijiro byâwe, mujizi w’ebirhangâzo?

Lubungo 8:10

Bàbilundika birundo-birundo, ecihugo coshi cayunjula kabayo.

Lubungo 9:14

Bulya lêro nkola narhuma amahanya gâni goshi kuli we, kuli bambali bâwe n’oku lubaga lwâwe lyo omanya oku ntâye oli akâni omu igulu lyoshi.

Izaya 12:6

Mucîshinge, mubande orhubûli, mwe mubà omu Siyoni, bulya Omwimâna w’Israheli ajir’irenge ekarhî kinyu.

Izaya 40:18

Ndi mwankagererakwo Nyamuzinda? Nshusho nci mwankamulinganyanyizâkwo?

Izaya 40:25

Ndi wankangererakwo, olya rhuyûmânîne? Kwo adôsize Omutagatîfu.

Izaya 46:5

Ndi mwankangererakwo erhi ndi mwankaderha mpu rhuyûmânîne rhweshi? Ndi mwankashushanya erhi ndi mwankaderha mpu rhulingânîne?

Izaya 46:9

Kengêri ebyàbîre kurhenga amango ga mîra, bulya nie Nyamuzinda, ntà wundi. Nie Nyamuzinda, ntà wundi oli akâni.

Yeremiya 10:16

«Mwanya gwa Yakôbo» yêhe arhali ntyo: bulya ye kabumba kabumbaga byoshi Israheli lyo ishanja mwîmo gwâge. Izîno lyâge ye Nyakasane w’Emirhwe.

Yeremiya 32:18

Onayêreke embaga z’abantu olukogo lwâwe, ci kwônene amango ababusi bàkugomîre erhi okola walyûza onahane abâna bâbo, babè bo batumula. We Nyamuzinda mukulu, ntagengwa, izîno lyâwe Nyakasane w’emirhwe.

Daniyeli 4:3

Nanaciyâliza irhegeko ly’okuhamagala abarhimanya boshi b’omu Babiloni nti bayishe bampugulire ecôla cilôrho.

Daniyeli 4:34

Bunôla niono, mwâmi Nabukondonozori, namâharâmya, namâkuza namâvuga n’omunkwa emwa Omwâmi w’empingu, oyu emikolo yâge yoshi eri y’okuli n’enjira zâge zishingânîne, Ye oli n’obuhashe bw’okuhurhaza abagenda bacijêgêga n’obucîbone.

Malakiya 1:11

Kurhenga ebushoshôkero bw’izûba kuhika ebuzikiro bwâlyo, abantu ba ngasi lubero bayishi obukulu bwâni. Ngasi hoshi hoshi bayôca enshangi oku irenge lyâni, bandêrhere n’entûlo zinkwânîne. Nêci, niono Nyakasane ndesire oku amasha­njà goshi gayishi obukulu bwâni.

1 Bakorinti 8:6

kwône kuli rhwe rhwêne hali Nyamuzinda muguma yêne, ye Larha, ye na cisisi c’ebintu byoshi, ye mwanalemeragwa, na Nyakasane muguma yêne, ye Yezu Kristu, orhuma byoshi bihabà, onarhuma rhuhabà.

Lushika 32:31

Cikwône ibuye lyâbo lirhali nk’ibâle lîrhu; arhanali abashombanyi bîrhu bo bakarhulagira.

Lushika 33:26

Ntâye oli aka Nyamuzinda wa Yeshuruni, ye olya ojà wagera e malunga mpu akurhabâle ntyo, n’obuhashe bwâge alambagire oku bitù.