Yeremiya 10:14 - BIBLIYA NTAGATIFU OMU MASHI

¹⁴ Go mango, ngasi muntu ahwinjagala, ayimange buzira kuyumva go mango ngasi mutuzi agwârhwa n’enshonyi erhi alola enshusho zâge. Bulyâla biri bya bunywesi, birhalimwo omûka.

Yeremiya 10:14 ပူးပေါင်းရင်းမြစ်များ

Ennanga 14:2

Kurhenga emalunga Nyakasane adwîrhe asinza bene-Adamu, mpu alole erhi bankacibonekanamwo ogwêrhe obukengêre, ocidwîrhe alonza Nyamuzinda.

Ennanga 92:6

Emikolo yâwe, alà mpu yaneneha Nyakasane! Enkengêro zâwe, alà mpu zalîha?

Ennanga 94:8

Lêro mweki mwe bahwinja omu lubaga, rhangi muyumve; Lêro bino bingolongolo mangaci byarhimanya?

Ennanga 97:7

Abagashâniza emirhi mibinje enshonyi zababumbire, na balya bacîkubagira enshanga kwo na kwo; banyamuzinda omu masù gâge bafukamire.

Migani 30:2

Ntà muhwinja akâni omu bantu, ntajira makengu ga muntu,

Izaya 42:17

Bakola baja bacîtunda cinyumanyumà banagwerhwe n’enshonyi balya bacîkubagira enshushano, balya bakabwîra ensanamu z’ecûma, mpu: «Mwe banyamuzinda bîrhu!»

Izaya 44:11

Alà oku abashimbûlizi bâge boshi enshonyi zababumba; ababinji nabo banali bantu nka bandi. Bashûbûzanye boshi, bacîhebe eruhya; barhungwe n’obwôba, n’enshonyi zibabumbe!

Izaya 45:16

Babumbwa n’enshonyi banaturutumbe oku banali boshi, bagendana ecihemu ebusù balya batula enshushano.

Izaya 57:12

Cikwône nâyâliza obushinganyanya bwâwe n’emikolo yâwe, eyi orhakulagamwo bunguke buci.

Yeremiya 10:5

Kwo bibà nka buhereko omu ishwa ly’emyungu, birhaderha, kulengezibwa bilengezibwa, bulya birhagenda. Murhakazagibiyôboha: bulya birhankajira kubî kuci birhakanajira kwinjà kuci.

Yeremiya 10:8

Boshi boshi, bali bahwinja banali bingolongolo. Amahano obusha buhâna nago ganali ntâgo.

Barom 1:25

Abôla bahingîne okuli kwa Nnâmahanga eby’obunywesi, bàharâmya banakolera eciremwa ahâli ha Lulema mugishe ensiku n’amango. Amen!

1 Samweli 5:4

Kandi erhi buca ba­ shubizûkiriza, bashimâna kandi Dagoni akumbire obusù embere z’Omucîmba gwa Nyamubâho, ci kwônene erhi irhwe lya Dagoni haguma n’amaboko gâge gombi atwîsire, erhi na byoshi biri aha muhango oku c’olusò.