Yeremiya 1:16 - BIBLIYA NTAGATIFU OMU MASHI

¹⁶ Naderha ebinwa by’okutwa olubanja lwâbo, ebiyêrekîre amaligo gâbo goshi bulyâla bàndekerîre bagendigashâniza banyamuzinda b’emwa bene, bagendiharâmya obushanja bw’enfune zâbo.

Yeremiya 1:16 ပူးပေါင်းရင်းမြစ်များ

2 Bâm 22:17

Bulyâla banyasire, bagendikarherekêra abazimu, ebwa kubà bangayisize na ngasi mabî bajira goshi, oku bukunizi bwâni bwayâsire kuli ahôla hantu, na ntâko burhenge.

2 Nganîro 15:2

naye akanya ajà emunda Asa ali anacimubwîra erhi: «Onyumve wâni Asa, kuguma na Yûda yêshi na Benyamini yêshi. Nyamubâho ali haguma na ninyu amango muli haguma naye; nka mwankamulonza, analêka mumubone; ci erhi mwankamujandika naye anamujandika.

2 Nganîro 28:2

Ashimba enjira y’abâmi b’Israheli, ciru atulîsa n’ensanamu za Baali n’ecûma,

2 Nganîro 34:25

“Kulya kubà banyâsire bagendikazirherekêra abandi ba nyamuzinda, na ntyo banjira burhè n’eyôla mikolo y’amaboko gâbo, obukunizi bwâni bwayâsire kuli ahôla hantu, na ntâko burhenge”.

2 Nganîro 7:19

“Ci erhi wankahinduka, erhi wankalekêrera amarhegeko n’engeso zâni nakuhâga, n’erhi wakagend’ikolera abandi ba nyamuzinda, okanakazibafukamira”,

Izaya 2:8

Ecihugo ciyunjwîre nshusho za banyamuzinda b’obwîhambe: bakola bafukamira ebyajiragwa n’enfune zâbo, eby’eminwe yâbo yakolaga.

Izaya 37:19

Badûlisire banyamuzinda bâbo muliro, bulya barhali banyamuzinda bw’okuli, ci mukolo gw’amaboko g’abantu, mirhi erhi mabâle; na ntyo babavunyungula.

Izaya 44:15

Ebyo byoshi omuntu abikolêsa nka nshâli za kutwâna omuliro: anarholakwo, akalûke; atwâne omuliro, aduge obuntu. Kandi anabinjamwo enshushano, ayifukamire.

Izaya 65:3

Luli lubaga lukaz’insholoshonza burhahusa: banakaz’irherekera omu mashwa n’okusingônolera obukù oku madofali.

Yeremiya 10:15

Birhabà cici, amango g’okuhanwa kwâbyo, byahirigirha.

Yeremiya 10:3

Kali obwôba bw'amashanja bubà bwa busha, gubà murhi kwône batwa omu muzirhu, gubinjwe n’akêre k’omubinji.

Yeremiya 11:12

Go mango ebishagala bya Yûda n’ab’omu Yeruzalemu bajigashâniza n’enshangi banyamuzinda b’obwîhambi. Abo banyamuzinda barhabarhabâle ciru n’ehitya amango g’obuhanya.

Yeremiya 11:17

Na Nyakasane w’Emirhwe wakugwîkaga, akutwîrîre olufù n’ecarhumire, ganali amaligo enyumpa y’Israheli n’eya Yûda zakozire mpu banjire burhè omu kududûkiza Baali omugî gw’enshangi.

Yeremiya 15:6

Oshuba wanjandaga wêne, kanwa ka Nyamubâho, wampa ebirhugo. Lêro nakulikira okuboko nakushâba, narhamire n’okubà lukogo.

Yeremiya 16:11

Ago mango ânabashuze erhi: Basho bantwîsire, kanwa ka Nyamubâho, bakulikira ba­ndi ba nyamuzinda b’obwîhambi, babakolera banabaharâmya. Niehe bantwîka n’irhegeko lyâni barhalikulikiraga.

Yeremiya 17:13

Nyakasane mwîkubagirwa w’Israheli, abakutwîka boshi enshonyi zababumba, abakurhengaho bayandikwa omu idaho bulyâla balesire enshôko y’amîshi gahulula, Nyakasane.

Yeremiya 18:15

Olubaga lwâni lwôhe lwanyibagîre! Bôhe obusha banaburherekêra enshangi. Bàbasârhazize omu mirimbwa yâbo, omu njira zâbo za mîra, mpu lyo bagera omu rhujira mulimbwa gurhali mubêre,

Yeremiya 19:4

kulya kubà banyâsire, n’ahôla hantu bahahindwîre ha bene, barherekîreho enshangi kuli banyamuzinda bw’obwîhambi b’emahanga, balyâla barhàli bayîshi ôli bo bône ôli b’îshe, ôli abâmi b’emwa Yûda. Ahâla hantu bahabumbire mukò gw’abêru-kwêru.

Yeremiya 2:13

Bulyâla olubaga lwâni kubirhi lwashûbûsire: bandeka, nie n’iriba ly’amîshi gahulula, bagendihumba yâbo yâbo migomero, eryâla erimwo obubere, eryâla erharhanga mîshi.

Yeremiya 2:17

K’orhabwîne okwo ene okola watwîka Nyakasane, Nyamuzinda wâwe?

Yeremiya 2:19

Maligo gâwe gakuhana, mabî gâwe gakukabya: oyumve onabone oku kuli kubî na kululu okutwîka Nyamubâho Nyamuzinda wâwe n’okubula bwa ntinya. Yekudesire Nyakasane Nyamuzinda w’emirhwe.

Yeremiya 2:28

Ngahi baligi balya banyamuzinda bâwe wajiraga? Bazûkage akabà bakakuciza amango wamâhanyagala, Bulya wâni Yûda, banyamuzinda bâwe bali banji ak’ebishagala byâwe. N’oku emihanda enali omu Yeruzalemu, kwo n’empêrero za Baali zinalimwo.

Yeremiya 4:12

Mpûsi ndârhi eyishire oku irhegeko lyâni. Nie nkolaga naderha akanwa k’okutwa olubanja lwâbo.

Yeremiya 4:28

Kuli okwo, igulu lyâjira emishîbo n’amalunga gali enyanya gâjamwo omwizimya bulyâla nadesire ntânacigalule akanwa nafundisire ntanacifundûle.

Yeremiya 44:17

“cikwône rhwashubikajira oku rhwanalaganyagya: okurherekêra omwâmikazi w’e Malunga n’enshangi n’okumudubulira ebinyôbwa nk’oku rhwanayôrhaga rhujira, rhwe na balarha, abâmi bîrhu n’a­bakulu bîrhu omu mirhundu ya Yûda n’omu mihanda ya Yeruzalemu: ago mango lyo rhwàli rhugazire oku migati, rhwàli rhusîmire rhurhanajagakwo buhanya buci”.

Yeremiya 5:29

Ka mpu mbule bwahana ebijiro biri ntyo, Yekudesire Nyamuzinda, nîsi erhi mpu olubaga luli ntyo omurhima gwâni gubule bwaluhekakwo omungo!

Yeremiya 5:9

Ka mpu mbule kuhana ebijiro biri ntyo? Yekudesire Nyamubâho. Nîsi erhi ishanja liri nk’eryo mbule bucîhôleralyo!

Yeremiya 51:17

Abantu boshi banayôrhe bagungumire, buzira kuyumva akantu. Ngasi bàbumbire enshusho zâbo banagwârhwe n’enshonyi zàrhumaga bazibumba, bulya enshusho zâbo zibà za kurhebana, zirhimbwa­ mwo mûka.

Yeremiya 7:17

Nkabaga orhabwîni ebi badwîrhe bakola omu bishagala bya Yûda n’omu mihanda ya Yeruzalemu.

Yeremiya 7:18

Oku abâna bashenya enshâli, b’îshe bakoleza omuliro, n’abakazi barhanza enshâno mpu badugira Omwâmikazi w’Empingu. Cazinda barherekêre banyamuzinda b’ihanga mpu lyo bambabaza!

Yeremiya 7:9

Ka mpu muzimbe, munigane, muhushe, mulahire ebîrâ, mugashânize Baali, mukulikire ba nyamuzinda b’obwîhambi balya murhishi,

Ezekiyeli 16:18

Wàyansire oku myambalo yâwe y’obushengerêre waziyambikakwo, n’amavurha gâni n’obukù bwâni wâbà­rhererekêra byo.

Ezekiyeli 24:14

Niono nie Nyamubâho namâderha, okôla ndesire kwâbà, nâkujira buzira kushubira nyuma, ntâbabalire, ntâbe na bwonjo. Oku olugendo lwâwe luli n’oku ebijiro byâwe biri kwo bânakutwîra olubanja, kwo adesire Nyakasane Nyamubâho.

Hozeya 11:2

Ci kwône oku nabahamagala bôhe bacinyegâlakwo; barherekîre ba Baali, banayôkera abazimu enterekêro.

Hozeya 8:6

N’obwo we Israheli! Nako akanina kâwe, mubumbi wakajiraga, karhali nyamuzinda. Okuli, akanina ka Samâriya kabunduka kajônjolekane.

Yoweli 2:11

Izù lya Nnâmahanga lyâyumvikane, ashokolire engabo zâge, bulya abamulwira bali banji, bulya ajira obuhashe bunji n’oku adesire kwo kunabà; luli lukulu olusiku lwa Nyamuzinda, lwa kuyôbohya, na ndi wankamuja emalanga?

Ebijiro 7:41

Zo n’ezo nsiku, bajira enyana, barherekêrera eyo nshushano banajirira eciremwa c’enfune zâbo olusiku lukulu.

Lushika 28:20

Nyamubâho akurhumira obuhanya, ibala n’amashunga omu mirimo yâwe yoshi, mpu lyo oshandâla onaherêrekere duba, erhi bubî bwa bijiro byâwe burhuma, haguma n’okundeka kwâwe.

Lushika 31:16

Nyamuzinda abwîra Mûsa, erhi: «Lolà oku okola wajigwîshira mwe na basho. Olu lubaga lukola lwajihinduka mbaraga omu kushimba banyamuzinda b’embuga, b’eci cihugo mwajijamwo. Lukolaga lwandekêrera luvune eciragâne nalagânaga rhwe nabo.

Yozwe 24:20

Mukaleka Nyakasane, mukagenda okukolera abandi ba-nyamuzinda b’embuga, yêhe anacihindula kuli mwe, anabahenyera amabî, abaherêrekeze, ciru akabà alirhanziribajirira aminjà».

Mafulûlo 9:20

Ci abantu basigalaga, abarhahungumukaga n’âbo banyamanjà, barhaderhaga ciru mpu bacîyunjuze oku bijiro by’amaboko gâbo: barhalekaga okukâgashâniza abashetani n’enshushano z’amasholo, n’ez’amarhale n’emiringa, n’ez’amabuye n’emirhi, n’obwo oku ziri zirhankabona, zirhankayumva, zirhankanacishegûla.