Yeremiya 1:14 - BIBLIYA NTAGATIFU OMU MASHI

¹⁴ Oku bundi Nyakasane ambwîra, erhi: e mwênè obuhanya bwâbamwo eci cihugo budwîrhe bwabirira.

Yeremiya 1:14 ပူးပေါင်းရင်းမြစ်များ

Izaya 14:31

Obande endûlù, wâni muhango, obande akahababo, wâni lugo! Ogeremw’omusisi wêshi wêshi, wâni Filistiya! Bulya olunda lw’e mwênè erhenzire omugî, n’abarhabâzi barhalimwo osigir’enyuma.»

Izaya 41:25

Namuhamagîre kurhenga ebulembe, ye oyu oyîshire; kurhenga ebushoshôkero bw’izûba, namuyâkûza omu izîno lyâge. Ayish’alabarha abarhegesi b’ebihugo nka bijondo, kula omubumbi ahinanga ibumba.

Yeremiya 10:22

Yumva omwanzi! gwo ogwo! Cihôgêro cinene carhenga e mwênè mpu ebishagala bya Yûda bihinduke irungu, bibè lwâkiro lwa banyambwe.

Yeremiya 11:17

Na Nyakasane w’Emirhwe wakugwîkaga, akutwîrîre olufù n’ecarhumire, ganali amaligo enyumpa y’Israheli n’eya Yûda zakozire mpu banjire burhè omu kududûkiza Baali omugî gw’enshangi.

Yeremiya 25:9

lâbi oku ntumire nti bajilonza amashanja goshi g’e mwênè, kanwa ka Nyakasane. Kuli Nabukondonozori, mwâmi w’e Babiloni, mwambali wâni nabalêrha balwîse eci cihugo, balwîse abaciyûbakamwo, balwîse n’amashanja gacibà eburhambi; nâbahehêrera nnambajire babè ba kukaziyâkwa, ba kukazishekerwa, mishaka y’ensiku zoshi.

Yeremiya 31:8

Nâbashûbûza kurhenga omu cihugo c’enjira nyanya, n’ambahuluza kurhenga emahanga g’igulu. Bo balimwo emihûrha n’enkunagizi, abakazi bali nda, n’abazîre, boshi haguma, olubaga lwâni lugaluke oku lwanali.

Yeremiya 4:6

Mulengeze ecimanyîso muciyêrekeze emunda Siyoni ali. Mukanye muyâke, murhimangaga. Kulya kubà buhanya nakûla emwênè, buhanya burhali bunyi.

Yeremiya 46:20

Mîsiri gwàli mutwîrà mwinjinjà: empangaza yahubuka e Lugulu yamuhamirakwo.

Yeremiya 47:2

Ntya kwo Nyakasane adesire: Lolà amîshi gayisha gabirira kurhenga elugulu, gahinduka lwîshi ludârhi lurhankahamwa lwajamirira ecihugo na ngasi bimuli, ebi­shagala n’ababiyûbakamwo. Abantu bajayâma, bajalumba, boshi oku banayûbakaga omu cihugo,

Yeremiya 50:41

Ishanja liyishe lyarhenga ebulembe, ishanja linene, abâmi b’obuhashe bârhenga ebwa kafende-fende k’igulu.

Yeremiya 50:9

“Bulya nkola nâhamagala omurhwe gw’amashanja manene guyishirhêra Babiloni. Abo bantu bayisha kurhenga omu cihugo ca njira nyanya, bagorhe Babiloni banamugwârhe. Emyampi yâbo erhagaluke cîru, nka kula omusirika w’entwâli arhagaluka maboko mûmu”.

Yeremiya 6:1

Bene Benyamini muyâke, muyâke murhenge e Yeruzalemu. Mwe muli e Tekowa mubûhe omushekera muyimanze ecêrekane kuli Betakeremi. Bulya hali obuhanya bwarhenga emwênè. Buhanya bunji bwenêne.

Yeremiya 6:22

Kwo adesire ntya Nyakasane: Lâba oku ishanja lyârhenga omu cihugo c’emwênè lubaga lurhali lunyi lwârhengerera aha kafende k’igulu,

Ezekiyeli 1:4

Nakâg’isinza: kwanaciyisha empûsi yakâg’ihûsa kurhenga olunda lw’e mwênè, càli citù cinênênè càli ciyunjulîne bulangashane bwa muliro n’omu kâgarhî gw’ogwo muliro mwakazâg’irhenga engulumira eri nka njuma ya lubula.

Ezekiyeli 24:3

Oderhage ecinwa c’obulêbi kuli ogwôla murhwe gw’abagoma. Oyishibabwîra: Ntyâla kwo adesire Nyakasane Nyamubâho: Ohire enyungu oku cîko, oyihirekwo onabulagiremwo amîshi.

Yoweli 2:20

Abashombanyi bâwe bakayisha enyanya, nnambagalule, mbajûce oku ntuli n’oku manga. Ababashokolire nâbahirika omu nyanja ebwa bushoshôkero bw’izûba. Emirhumba yâbo yakaz’iyûdûkamwo akabayo kalumira omu cihugo coshi. Ntyo kwo bahungumuka balya boshi bàku­jirire amabî.»

Zakariya 6:6

E­ngâlè yàlikulwîrwe n’ebiterusi by’ecibogo yâjà ebwa cihugo c’obulembe, ebiterusi by’ecirhale byàja ebuzikira-zûba, n’ebiterusi by’emisengu byàja e­ bwa cihugo c’ebulyo.