Yakôbo 5:15 - BIBLIYA NTAGATIFU OMU MASHI

¹⁵ Omusengero gw’obuyêmêre gwanafumya omulwâla; Nyakasane anamuyinamula, n’akabà ­ajizire ebyâha, anabikûlirwa.

Yakôbo 5:15 ပူးပေါင်းရင်းမြစ်များ

Izaya 33:24

Ntà mulungu waciderhe, erhi: «Ndi mulwâla». Olubaga lw’omu Yeruzalemu lwakûlirwa obubî bwâlwo.

Mateyo 17:20

Yezu anacibabwîra, erhi: «Kubula bwêmêre kwinyu kwarhumire. “Mmubwîre okuli, nka mugwêrhe obwêmêre buli nka mogomogo ya sinapi”, “mwanabwîra eyi ntondo, erhi”: “Rheng’aha”, “ojè hala”; “enagende, na ntâco cankammuyabira”». [

Yowane 5:14

Erhi kugera nsiku, Yezu amushimâna omu ka-Nyamuzinda; anacimubwîra, erhi: «W’oyu wafumire; irhondo orhacijiraga byâha, olek’ibà kubî kulusha okurhanzi».

Yowane 6:39

Naye owantumaga alonza mpu ntarheraga bici muli birya ampâga, ci mpu mbifûle olusiku luzinda.

1 Bakorinti 1:21

Bulya n’obushinganyanya bwâlyo igulu lirhamanyaga Nyamuzinda omu bushinganyanya bwâge, Nyamuzinda anacilonza okuciza abemêzi n’isirhe ly’enyigîrizo zâge.

2 Bakorinti 4:14

bulya rhumanyire oku owafûlaga Nyakasane Yezu, ayish’irhufûla nîrhu haguma na Yezu, anayish’irhuhira aha burhambi bwâge haguma ninyu.

Yakôbo 1:6

Ci kwônene ashenge n’obuyêmêre, buzira kurhindira ciru ehitya; bulya orhindira kwo ali nka kula omuvumba w’omu nyanja guhisibwa n’okuhêkwa eyi n’eyi n’empûsi.

Yakôbo 5:13

Erhi hankabà­ oli omu malibuko muli mwe, ashenge. N’oshagalusire, ayimbe ennanga.­

Yakôbo 5:16

Kuziga mukâfulûlirana ebyâha binyu, munakâsengererana, lyo mufuma. Omusengero gw’omushinganyanya washenga n’omurhima gwâge gwoshi gujira buhashe bunji.

Yakôbo 5:20

owahà­bûla omunya-byâha, amurhenze omu njira ali ahabukîremwo, amanye oku obuzîne bwâge abucizize olufù, n’oku âbabalirwa byâha mwandu.