Yakôbo 5:1 - BIBLIYA NTAGATIFU OMU MASHI

¹ Oku bwinyu ninyu mwe bagale! Mulake, munabande endûlù kuli kabutindi wâmmuyishira!

Yakôbo 5:1 ပူးပေါင်းရင်းမြစ်များ

Ennanga 17:14

Okuboko kwâwe kundîkûze kuli eyo mifù, Yâgirwa Nyakasane, bulya eyo mifù ecigabi câbo c’obuzîne coshi eco en’igulu. Enda zâbo oziyunjuze n’ebi wababikiraga, abâna bâbo bayigurhe, basigîre abinjikulu bâbo ebisigaliza.

Migani 11:28

Ocîkubagira obugale abushâyamwo, abashinganyanya kwo bajinîrira nka buhasi.

Migani 11:4

Olusiku lw’omutula, obugale burhâjire bici, Obushinganyanya bôhe bunakûle omuntu omu lufù.

Izaya 13:6

Muband’endûlù, bulya olusiku lwa Nyakasane luli hôfi, luyîshire nka kaheza k’Ogala-byoshi.

Izaya 15:3

Abagera omu njira, masunzu bayambîrhe; oku burhungiri bw’enyumpa n’omungo, boshi badwîrhe babanda endûlù banadubula emirenge.

Yeremiya 4:8

Mubâge mwayamhala basunzu mulake mubande endûlù, bulyâla omungo gwa Nyamuzinda gurharhulesiri.

Yeremiya 9:23

Cikwône owalonza okucîkunga acikunge oku: okuyumva n’okummanya, bulyâla niono nie Nyamubâho nie nyôrha mbikola n’olukogo, n’obucîranuzi haguma n’obushinganyanya hano igulu nêci byo ntonya ebyo, Kanwa ka Nyamubâho.

Ezekiyeli 19:2

Obabwîre, erhi: Kurhi nyoko ayôrhaga? Nka ntale-kazi omuzindi ntà­le; aka entale-nkazi egwishire ekarhî k’entale ntôrhò, edwîrhe yayonkêsa abâna bâyo.

Ezekiyeli 30:2

Wâni, mwene omuntu olêbe oderhe, erhi: Ntyâla kwo adesire Nyakasane Nyamubâho. Mubande orhuhababo: Yâga! Lusiku luci!

Yoweli 1:11

Mwe bahinzi mujâge omu mirhanyo; mubande endûlù mwe bakomâ b’ez’emizâbîbu: ntà ngano, ntà ntônyi ya murhobo gwa mizâbîbu, ntà ciru entônyi nguma y’amavurha mahyâhya.

Yoweli 1:13

Mwe badâhwa, yambali sunzu, muyakûze omu mirenge. Mwe barhumisi ba Nnâmahanga, muyishe, mugeze obudufu bwoshi muli sunzu. Bulya ntà burherekêre bucidwîrhe bwalerhwa omu ka-Nyamuzinda, oli oburherekêre bw’engano, oli oburherekêre bw’idivayi.

Yoweli 1:5

Tulûki, munalake mwe balalwe. Mwe banywi b’amamvu muvugumule emirenge kuli ogu mukenzi gw’amamvu g’ecikànga: murhakacigalabulakwo.

Mikeyo 6:12

Abagale b’omu cishagala bakalihire ibala, n’abantu bamwo kunywerha kwône kwône bayishi.

Sofoniya 1:18

Oli ensaranga zâbo, oli amasholo gâbo, ntà biguma byâhashibayôkola. Omu lusiku lw’omungo gwa Nyakasane, omu bumvu bwâge igulu lyoshi lyâherêrekera. Bulya anigûza, nêci, aheze abantu boshi omu igulu.

Lushika 32:15

Yakôbo alya ayigurha. Yeshuruni atwêra ahimba. (Watwezire, warhuma wacilugira!) Aleka Nyamubâho wamujiraga, ibuye lyamucizagya alibonêsa nshonyi.

Yakôbo 1:11

izûba likashoshôka, linajire ecîdûrhudûrhu, libabule olubala; obwâso bw’emburho burhoge, ohabe aha obudukuliza bwâbwo bwamâjà. Ntyo kwo n’abagale baherêrekere omu njira zâbo.

Yakôbo 2:6

Ninyu mudwîrhe mwakabôla abakenyi! Ka barhali bagale bammushoshôba? K’arhali bo bammuhêka e kagombe?

Yakôbo 4:13

Yumvagi ninyu we banakulâlira, mpu: «Ene erhi irhondo rhwâja muli cishagala cilebe, rhwayûsamwo omwâka, rhwarhimbûla rhunayunguke».

Yakôbo 4:9

Mulakire ebyâha binyu, mujire emishîbo, munabande e­ndûlù. Amasheka ginyu gashube mirenge, n’amasîma ginyu gahinduke mishîbo.