Yakôbo 4:9 - BIBLIYA NTAGATIFU OMU MASHI

⁹ Mulakire ebyâha binyu, mujire emishîbo, munabande e­ndûlù. Amasheka ginyu gashube mirenge, n’amasîma ginyu gahinduke mishîbo.

Yakôbo 4:9 ပူးပေါင်းရင်းမြစ်များ

Nehemiya 8:9

Omurhambo Nehemiya, omudâhwa n’omwandisi Ezra boshi n’abaleviti, bakazâg’ihugulira olubaga, banacilubwîra, mpu: «Olu lusiku luli lutagatîfu embere za Nyakasane, Nyamuzinda winyu; murhacibaga burhè erhi kulaka, bulya ebwa kubà olubaga lwoshi lwakâg’ilaka erhi luyumva ebinwa by’oburhegesi».

Ayubu 30:31

Olulanga lwâni lukola lulongêrera kuyimba mishîbo, akarhêra kâni oku mulênge gwa ba-nyamulakà.

Ennanga 119:136

Lêro nyîshi za mirenge nvugumwire, omu kubona abarhashîmba amarhegeko gâwe.

Ennanga 119:67

Embere mbabale erhi ndi muhabâ, lêro akanwa kâwe namâkasêza nti nkalange.

Ennanga 119:71

Akwizize nnambabale, nkolaga nayîga amarhegeko gâwe.

Migani 14:13

Amasheka ganayishemwo oburhè, n’obusîme buzinde erhi eri mirenge.

Muhanûzi 2:2

Amasheka, nti: isirhe! Ebinuna nti cirigi cici?

Yeremiya 31:13

“Obwôla, abâna-nyere banajà oku cigamba, na boshi haguma, emisole n’abashosi; na ntyo, nâyishihôrhola emirenge yâbo, mpebeho e­nshagali. Nâyishibarhûliriza, enyuma ly’amalibuko gabè masheka”.

Yeremiya 31:9

Bayishire balaka, nâni mbadwîrhe nayisha nabarhûliriza. N’abaheka ah’iriba. Omu njira nungêdu elya barhankasârhalamwo. Bulya ndi îshe wa Israheli, na Efrayimu yo nfula yâni.

Ndûlù 5:15

Ntà bushagaluke bucirhuli emurhima, okusâmira engoma kwîrhu kwahindusire mishîbo.

Ezekiyeli 16:63

lyo okaziyôrha wayîbuka, enshonyi zikugwârhe, n’omukucihaba oku wajira, kubè kuhulika ohulika amango nâbà namakubabalira ngasi mabî wanajizire, kwo adesire Nyakasane Nyamubâho.

Ezekiyeli 7:16

Abankaderha mpu bayâka bakola bayâkira oku ntondo, nka ngûkù zarhenga omu rhubanda, nâyish’ibanigûliza eyôla munda boshi, ngasi muguma erhi mabî gâge garhuma.

Mateyo 21:41

Banacimushuza, mpu: «Kuheza anaheze abo babî la, n’olukoma aluhiremwo abandi bahinzi bamurhengezamwo emizâbîbu ama­ngo gâyo».

Mateyo 5:4

Iragi lyâbo abadwîrhe balaka, bulya bayish’irhûlirizibwa.

Luka 16:25

“Abrahamu amushuza, erhi”: “Mwâna wâni, okengêre oku wahâbirwe aminjà omu bugumaguma bwâwe n’oku Lazaro abwîne amabî. Lêro buno akola asîmire, nâwe oli omu malibuko”.

Luka 6:21

Iragi linyu mwe mushalisire buno, bulya mwaciyigurha. Iragi linyu mwe mudwirbe mwalaka buno, bulya mwacisheka.

Luka 6:25

Muli bahanya mwe muyigusire buno, bulya mwacishalika! Muli bahanya mwe mudwîrhe mwasheka buno, bulya mwacilaka munabande endûlù!