Yakôbo 1:26 - BIBLIYA NTAGATIFU OMU MASHI

²⁶ Erhi omuntu ankaderha mpu ali mwinjà omu idini lyâge, ci akabà arhish’ishuba olulimi lwâge, na ntyo acîrhebe yêne omu murhima, idini ly’oyo muntu liri lya busha.

Yakôbo 1:26 ပူးပေါင်းရင်းမြစ်များ

Ayubu 15:13

Kurhi Nyamuzinda ye okola obêrîre burhè, n’omu kanwa kâwe mwo mudwîrhe mwarhenga ebinwa bya bene ebyo!

Ayubu 30:11

Na bulya yêne warhumire olugè lw’omuherho gwâni lwadaga, ye wanancôcôbize, bakola bakanegenera omu masù gâni.

Ennanga 141:3

Yâgirwa ohire omulanzi aha kanwa kâni, n’omulâlîzi aha lusò lw’omunwa gwâni.

Ennanga 32:9

Murhakazâg’ibà ak’endogomi nîsi erhi ecihêsi, byo birhajira bukengêre, byo birhayumva olurhali lugîsho n’olukoba; nka ntalwo ogwêrhe birhankakuyegêra.

Ennanga 34:13

Ndi olyâla orhonya akalamo? Ndi olyâla walonza ensiku lyo ahika oku binjà?

Migani 10:19

Oderha bwenêne arhabula ah’akubîze, ôlanga akanwa kâge erhi mwîrhonzi.

Migani 10:31

Akanwa k’omushinganyanya burhimanya karhengamwo; olulimi lubî kushugulwa lwâshugulwe.

Migani 14:12

Hali enjira eboneka nnungêdu, ebulizinda erhi yahêka ekuzimu.

Migani 15:2

Akanwa k’abarhimanya bishingânîne kaderha, ci akanwa k’ebingolo-ngolo bya bunganyi kaderha.

Migani 16:10

Omu kanwa ka mwâmi mwo murhenga akanwa, nk’atwa olubanja akanwa kâge karhahalabuka.

Migani 16:25

Hali enjira eboneka nnungêdu, ebulizinda erhi ekuzimu yahêka.

Migani 19:1

Omuganda orhali mudahemuka ye mukulu, oku mugale w’omusirhe na wa kanwa kabî.

Migani 21:26

Enkola-maligo enalegerere yacîfinja ebya bene, oku omushinganyanya abâna ebyâge.

Izaya 1:13

“Muleke okukalêrha entûlo za busha! Omugî gw’enshangi ntacigubonakwo! Emyêzi mihyâhya, esabato n’endêko zinyu, obubî n’ensiku nkulu, ntabikwîrirwa!

Izaya 44:20

Mulyi w’oluvù! Murhima muhûrha na muhera! Ntâko ankacihasha okucîciza n’okuderha, erhi: «Akâla kantu mfumbasire, ka burhali bunywesi?»

Malakiya 3:14

Munaderhe mpu: «Bunguke buci rhwakuzire mulibyo; kuli busha oku­ rhumikira Nyamuzinda, rhwashimbire amarhegeko gâge, rhwanakazija omu magashânize g’emishîbo g’okuhûna obwonjo bwa Nyakasane w’Emirhwe, ci kwône ntà bunguke rhwabwîne»,

Mateyo 15:9

“Obukenge bankenga bubà bunywesi”: “banayigîrize enyigîrizo n’amarhegeko garhenga emw’abantu.”»

Marko 7:7

“Obukenge bankenga bubà bunywesi, enyigîrizo bayigîriza gabà marhegeko garhenga emw’abantu”».

Luka 8:18

“Kuziga murhege amarhwîri oku ebi muyumva! Bulya ogwêrhe ye wâhâbwe, naye orhagwêrhi, ciru n’ehi acîkubagîre mpu agwêrhe, âhinyagwa”».

1 Bakorinti 15:15

Ciru nîrhu erhi rhwamâbà bahamîrizi babêshera Nyamuzinda, bulya rhwamunywerhîre nti afûsize Kristu n’obwo arhamufûlaga, akabà kwo binali abafù barhafûka.

1 Bakorinti 15:2

yo yanammuciza erhi mwankayilanga nk’oku nammubwîragayo. N’akabà arhali ntyo, erhi mwayêmîre bya busha.

1 Bakorinti 3:18

Ntâye ocîrhebage yêne! Muli mwe erhi hankajira owacîkebwa mpu ali mushinganyanya omu masù g’eri igulu, acîjire musirhe ly’abà mushinganyanya;

Bagalasiya 2:6

Nabo abagula bâli muli bo, -Oku bâli omu bwôrhere bwâbo kurhanyêrekiri, bulya Nyamuzinda arhajira kabôlo, - abo bagula ntâco bansêzize okujira.

Bagalasiya 2:9

Erhi babona engalo nashobwîre, Yakôbo na Kefa na Yowane, bo bâli nka mitungo, barhuhà okuboko, nie ono na Barnaba, mpu cibè cimanyîso c’ecinyabuguma. Rhwayumvanya oku rhw’ono rhwajà emwa abapagani, nabo e­mwa abakembûle.

Bagalasiya 3:4

kw’ebyo byoshi mwâbà ntamira-busha, akabà busha mwanarhamîrage!

Bagalasiya 6:3

Ocîkubagira mpu omuntu naye hali oku ali, n’obwo ntâkwo ali, erhi kucîrheba acîrhebire yêne.

Befezi 4:29

Ntà luderho lubî lurhengage omu kanwa kinyu; mukaderha ebiwa binjà byône, birya byankabà lwingayo lwinjà oku bandi amango gakwânîne, n’okulêrhera ababiyumva akamalo.

Befezi 5:4

Ntà kuganîra eby’enshonyi, nîsi erhi okuderha ebirhagwêrhi nda na mugongo, erhi okushesa abandi n’ebinwa bibî: ebyôla byoshi birhakwânîni; mukaz’ivuga Nnâmahanga omunkwa erhikwo.

Lushika 11:16

Mumanyage omurhima gwinyu gwakanashumikwa, obone mwamahabuka mukazikolera abandi banyamuzinda n’okubaharâmya;

Bakolosi 4:6

Iderha linyu libè lya kusîmîsa ensiku zoshi, linunîrire nka munyu, munamany’ishuza ngasi yêshi okukwânîne.

Yakôbo 1:19

Murhahabiri aho, bene wîrhu bazigirwa: ngasi muntu akâbangaduka omu kuyumvîrhiza, ci arhabaga wa kuderha duba, orhanabaga wa kukunira duba.

Yakôbo 1:22

Mubè ba kujira akanwa ka Nnâmahanga, ci arhali ba kuyumvîrhiza kwône, murhag’icîrheba mwêne!

Yakôbo 2:20

K’olonzize okumanya, eci cingolongola, oku obuyêmêre buzira bijiro binjà kugumba bugumba?

1 Petro 3:10

Bulya ngasi olonzize okusîma obuzîne n’okubona ensiku z’obuholo, alange olulimi lwâge okuderha kubî, n’akanwa kâge karharhengamwo nderho za bulyâlya;