2 Omu marhangulo ga ngasi lubero gammuyishira, mukacîshinga, bene wîrhu,
Bôhe barhenga aha kagombe bajà bacîshinga, bulya bâli bagwêrhe iragi ly’okukozwa enshonyi izîno lya Yezu lirhumire.
Ci arhali hoshi aho; rhunacîshinge n’omu malibuko gîrhu, kulya kubà rhumanyire oku amalibuko galêrha obushibirizi.
Bulya murhashobôlaga enshôkano y’okuyêmêra Kristu kwônene, ci n’ey’okubona amalibuko erhi ye rhuma.
Mâshi ciru omukò gwâni gwankabulagwa oku nterekêro n’oku ntûlo y’obuyêmêre bwinyu, nsîmire nancîshinzire haguma ninyu mweshi.
Kwo na kwo, musîme munacîshinge haguma nâni.
Bunôla nsîmire omu malumwa ndwîrhe nabona mwe murhumire, nnandwîrhe nayunjuza omu mubiri gwâni ebibuzire oku mababale ga Kristu, nti lyo nkwânana omubiri gwâge, yo Ekleziya.
Nêci, mwashangîre amalibuko g’abàli omu mpamikwa, mwanayêmêra n’obushagaluke mwanyagwa ebintu binyu, bulya mwâli mumanyire oku mugwêrhe obuhirhi bwinjà kulusha n’oburhakayûrha,
Iragi lyâge omuntu olembera amarhangulo! Bulya erhi abà amâgahima, anayish’ihâbwa ishungwè ly’obuzîne Nyamuzinda alaganyagya abamuzigira.
Mumanye mwankahabuka, bene wîrhu bazigirwa.
Murhahabiri aho, bene wîrhu bazigirwa: ngasi muntu akâbangaduka omu kuyumvîrhiza, ci arhabaga wa kuderha duba, orhanabaga wa kukunira duba.
Nêci, kuderha rhubaderha bany’iragi. Balya bacîkanyakanyize. Mwayumvîrhe bakûnga oku Ayubu acîhangânaga, mwânabona oluhembo Nyakasane àmuhîre. Bulya Nyakasane abà wa lukogo na wa bwonjo bunji.
kuli kuderha oku Nyakasane agwêrhe obuhashe bw’okulîkûza abantu binjà omu malibuko, n’okuleka ababî mpu bayish’ihanwa olusiku lw’olubanja
Orhayôbohaga ebi wayish’ibabala. Alà oku Shetani akol’ikwêba baguma muli mwe omu mpamikwa, mpu ammurhangule, mwanayûsa nsiku ikumi erhi kurhindibuka mudwîrhe mwarhindibuka. Ozibuhe, osêre kuhika okufà, nâni nayakuhe ishungwè ly’obuzîne».