Yakôbo 1:14 - BIBLIYA NTAGATIFU OMU MASHI

¹⁴ Ci ngasi muguma ashumikwa n’amîru gâge mabî yêne; go gamukulula ganamugwâse.

Yakôbo 1:14 ပူးပေါင်းရင်းမြစ်များ

Murhondêro 3:6

Lêro nyamukazi abona nk’omurhi guli mwinjà okulîbwa, gunali gwa kusîmîsa amasù gunali gwa kucîfinjwa n’okudômwamwo obwenge; arhôla irehe alyâko, anahà ibà wali bonaye, naye alyâkwo.

Murhondêro 6:5

Nyakasane abona oku amabî g’abantu gàluzire en’igulu na ngasi muhigo gwabali emurhima gwàli gwa mabî gwône.

Murhondêro 8:21

Nyakasane abayiza hirya hibayo hinjà anacigerereza, erhi: «Ntakacihehêrera igulu bundi erhi muntu orhuma, bulya iralà lyâge libà liyêrekîre amabî kurhenga emuhimbo, ntakacishangula bundi ebizîne nk’oku nzind’ijira.

2 Samweli 11:4

Daudi arhuma abaganda, baj’imulêrha. Nyamukazi ayisha, balâla bo na Daudi n’okusiga aciyûs’irhenga omu mugongo.

Ayubu 31:27

K’omurhima gwâni omu lwihwêko lw’entimanya, gwashumikwa mpu guhire okuboko oku kanwa gubinûnugurhe?

Ayubu 31:9

Akabà omurhima gwâni gwajîre gwâlehya omukazi, Akabà nkola njîre nayunjayunja oku lumvi lwa mulungu wâni,

Migani 4:23

Olange omurhima gwâwe, kulusha ebindi byoshi, gwo gubà nshôko y’obuzîne.

Izaya 44:20

Mulyi w’oluvù! Murhima muhûrha na muhera! Ntâko ankacihasha okucîciza n’okuderha, erhi: «Akâla kantu mfumbasire, ka burhali bunywesi?»

Hozeya 13:9

Israheli, k’orhacishabûka obu? Kàli nie burhabâle bwâwe.

Mateyo 15:18

N’oku ebirhenga ekanwa byôhe, omu murhima birhenga, byo binazinza omuntu?

Mateyo 15:20

Ebyo byo bizinza omuntu. Ci okulya buzira kukalaba, kurhankazinza ndi».

Mateyo 4:1

Lêro Yezu ahêkwa na Mûka omu irungu, mpu lyo ashumikwa na Shetani.

Mateyo 5:28

Ci niehe mmubwîzire oku ngasi yêshi wabone omukazi n’okumwifinja, oyu muntu emurhima erhi amuhushirekwo.

Barom 7:11

Bulya erhi ecâha cibona amarhegeko, cantiza, cananniga erhi gwo garhuma.

Barom 7:13

K’akantu kinjà kàbirage lufù kuli nie? Ntà mango! Câha eco candwîrhîre olufù omu kukolêsa akantu kinjà, mpu lyo ciyêrekana oku ciri câha, na ntyo mpu lyo cibà cibî kulusha erhi marhegeko garhuma.

Befezi 4:22

Mwayigîrizibwe oku murhegesirwe okuleka obwôrhere bwinyu burhanzi n’okuhogola omuntu wa mîra, olya ojà wabola omu kushimba enyifinjo mbî,

Bahabraniya 3:13

Ci mukâhanûlana bwaca bwayira obu olu lw’ene lucihali, lyo murhagirhengamwo ow’omurhima muzibu, amârhebwa n’ecâha.

Yakôbo 1:13

Ntâye obage ali omu mashumi akaderha mpu Nyamuzinda omushumisire; bulya Nyamuzinda arhankashumikwa mabî, naye arhanashumika ndi.

Yakôbo 1:15

N’erhi omuntu abà amâyêmêra ago mîru mabî, lyo gaburha ecâha, naco ecâha nka camayûs’ijirwa, canaburha olufù.