Tito 3:9 - BIBLIYA NTAGATIFU OMU MASHI

⁹ Ci amadôso g’obuhwinja, eci­nyamulala c’amâburhwa, ennongwè n’akadali oku Marhegeko, obiyâke; bulya biri bya busha na ntà kamalo kâbyo.

Tito 3:9 ပူးပေါင်းရင်းမြစ်များ

Ayubu 15:3

K’anacihagiza n’ebinwa bya busha-busha, n’ebinwa birhagwêrhi makwânane maci?

1 Bakorinti 13:2

Ciru nankabà ngwêrhe obuhashe bw’okulêba, nkanamanya amahwe goshi; n’amenge goshi; ciru na­nkagwârha obuyêmêre bwimâna, bulya bwankamanyula entondo, nka ntà buzigire njira, erhi nnandi busha.

1 Bakorinti 8:1

Oku gw’enyama zarherekîrwe enshushano, rhumanyire oku rhweshi rhugwêrhe obwenge. Obwenge kurhûnza burhûnza, ci obuzigire bwo buyûbaka.

1 Timoteyo 4:7

Ci emigani erhagwêrhi nda na mugongo n’ebijalîzi by’abagikulu, okabiyâka; ci okaz’ikombêra oburhumisi bwa Nnâmahanga erhikwo.

2 Timoteyo 2:14

Okâbakengêza okwo omu kuhamîriza embere za Nyamuzinda oku kukwânîne okukâyâka ennongwè y’ebinwa erhajira kandi kamalo okurhali kuheza abayiyumvirhiza.

2 Timoteyo 2:16

Ci ebinwa bya ntya-ntya n’ebibî, okabiyâka; bulya ababiderha kushâya bashâya omu bubî bulushire;

2 Timoteyo 2:23

Ci orhudali rhw’isirhe rhurhagwêrhi nda na mugongo, okârhuyâka; orhahabiri oku nnongwè rhuburha.

Tito 1:14

banalek’iyêmêra emigani y’Abayahudi n’amarhegeko g’abantu bahindulîre okuli omugongo.

Yakôbo 4:1

Ngahi ebîrha n’entambala birhenga muli mwe K’arhali omu mîru ginyu mabî gakatula entambala omu birumbu binyu?