Tito 3:3 - BIBLIYA NTAGATIFU OMU MASHI

³ Bulya mîra nîrhu rhwàli bahwinja, bagomi, mihera, bajà b’amîru mabî n’îralà lya ngasi lubero; rhwàli rhushayire omu bubî n’omu bwâgalwa, rhwàli bashombe rhwanakâg’ishombana.

Tito 3:3 ပူးပေါင်းရင်းမြစ်များ

Murhondêro 38:9

Ci kwône Onani ali amanyire oku iburha lirhabe lyâge, na ntyo erhi abâga ali nyumpa bo na mukà mukulu wâge, anakaz’ibulagira oku idaho lyo arhag’ihà mwene wâbo iburha.

Murhondêro 39:16

Okuhandi anacibîka gulya mushangi aha burhambi bwâge kuhika nnanyumpa alinda afulukira omu nyumpa.

Ennanga 36:2

Obubî kuderha buderhera omu murhima gw’omuntu mubî; obwôba bwa Nyamuzinda burhamubà oku masù.

Migani 8:5

Mwe bagûnda muyige obulenga, ninyu mwe bahwinja mujâge mwayengeha.

Migani 9:6

Erhi «muleke isirhe mwabona akalamo, mugere omu njira y’okuli»

Izaya 44:20

Mulyi w’oluvù! Murhima muhûrha na muhera! Ntâko ankacihasha okucîciza n’okuderha, erhi: «Akâla kantu mfumbasire, ka burhali bunywesi?»

Abudiya 1:3

“Obucîbone bwâwe bwakurhebire, we bà omu lwâla, we jira amalunga cirâlo câwe, we derhera emurhima, erhi: Lêro ndi wakampira oku idaho?”

Mateyo 21:29

“Naye erhi ashuza, aderha, erhi”: “Ntalonza”. “Ci erhi kubà kasanzi, acîyunjuza, ayijà”.

Luka 21:8

Naye, erhi: «Mumanye murhârhebwa, bulya banji banayishe oku izîno lyâni, bâderhe, mpu: “Nie (Kristu)”, “mpu na amango gahisire!” “Mumanye murhabakulikiraga”.

Yowane 8:34

Yezu anacibashuza, erhi: «Okuli, mmubwîre, ngasi muntu ojira ecâha ali mujà.

Barom 11:30

Nka kulya mîra mwakâg’igomera Nnâmahanga, na bunôla mwababalîrwe erhi bugomi bwâbo burhuma,

Barom 6:12

Lêro ecâha cirhacibonaga aha cankagandâza omu mubiri gwinyu gwayish’ifà, cilek’immuyemêza amagene gâco.

Barom 6:17

Ci Nyamuzinda akonkwa! Erhi mubà mwamârhenga omu bujà bw’ecâha, mwashimbire n’omurhima gwinyu gwoshi enjira y’enyigîrizo mwayigîrizîbwe;

Barom 6:22

Ci buno mwalikûzîbwe oku câha, mukola bambali ba Nnâmahanga, obutagatîfu lwo luhembo lwinyu, n’obuzinda bwinyu buli buzîne bw’ensiku n’amango.

Barom 6:6

Rhumanyirekwo: omuntu wîrhu wa mîra abambirwe oku musalaba haguma naye, mpu ly’omubiri gw’ebyâha gushâbûka, ntyo rhurhenge omu bujà bw’ebyâha;

2 Bakorinti 12:20

Bulya nyôbohire nti nkaba hano nyisha, arhali oku nnonzize mubè kwo nashanga muyôsire; nti ninyu mwakanashanga nyôsire oku murhalonzizi mbè; nti nakanashanga mulimwo ennongwè, obwâgalwa, omungo, orhudali, okuderherana kubî, okuhûranana, obucîbone n’akavuli­ndi.

Bagalasiya 6:3

Ocîkubagira mpu omuntu naye hali oku ali, n’obwo ntâkwo ali, erhi kucîrheba acîrhebire yêne.

Bakolosi 1:21

Ninyu mwe mwâli bigolo mîra na bashombanyi erhi nkengêro zinyu n’ebijiro binyu bibî birhuma,

Bakolosi 3:7

Ninyu mw’ene ntyo kwo mwâli muyôsire mîra, amango mwacikâg’ikashimba ezo ngeso mbî.

2 Timoteyo 3:13

Abantu babî bôhe n’endyâlya, kushâya bâshaye omu bubî, bârhebane banarhebwe.

2 Timoteyo 3:6

Muli bo kukwânîne okuganja balya bakasheshera omu nyumpa za bene, bahêke obukazi bukâyêrûlwa n’iralà libî lya ngasi lubero,

Tito 1:16

Banakâderha mpu bayishi Nnâmahanga, ci erhi banadwîrhe bamuhakana omu bijiro byâbo; abantu ba bene abo bali mihera, bagomi, na ntà kwinjà kuci bankacihash’ijira.

Tito 2:12

erhuyigîriza okujahika obubî n’amagene g’eby’en’igulu, lyo rhubà n’olugero muli byoshi, obushinganyanya n’obukombêdu omu bya Nnâmahanga muli aga mango rhuciri en’igulu,

Yakôbo 1:26

Erhi omuntu ankaderha mpu ali mwinjà omu idini lyâge, ci akabà arhish’ishuba olulimi lwâge, na ntyo acîrhebe yêne omu murhima, idini ly’oyo muntu liri lya busha.

1 Petro 1:14

Nka kula abâna bumvi bajira, murhacishubîriraga iralà linyu lya mîra, galya mango mwaciri bahwinja;

Mafulûlo 12:9

Olya wankuba-joka munênênè. olya mujoka wa mîra, olya baderha mpu yo Ndyâlya, mpu ye Shetani, olyâla ohabula rubanda, bamukwêba oku igulu, bamukulikiza na Bamalahika bâge.

Mafulûlo 13:14

Carheba abantu b’igulu n’ebyôla birhangâzo càli cihîrwe mpu cijire omu masù g’eciryanyi; cabwîra abantu b’igulu mpu bajire enshushano ya cirya cirya­nyi bayagazagya n’engôrho canafuma.

Mafulûlo 18:2

Anaciyâkûza n’izù linene, erhi: «Alundusire, alundusire Babiloni mukulu! Ashubire lûsho lwa bashetani, ishûbûkiro lya ngasi muzimu lya ngasi muzimu mubî, n’ishubûkiro lya ngasi kanyunyi kabî, [ishûbûkiro lya ngasi nsimba ehumânya] kalya karhankakwirirwa,