Tito 3:1 - BIBLIYA NTAGATIFU OMU MASHI

¹ Okengêze boshi oku bakwânîne bakâkenga abarhambo n’abarhegesi; babè bumvi, babè bo barhanzi omu ngasi bijiro;

Tito 3:1 ပူးပေါင်းရင်းမြစ်များ

Migani 24:21

Mwâna wâni, orhînye Nyakasane, orhînye na mwâmi, orhahîraga okajira oyu wagomera muli abwo bombi;

Muhanûzi 10:4

E erhi mwâmi akakuhêkakwo oburhè, orhahinyagya, bulyâla okurhûza kunarhume omuntu arhalogorha.

Izaya 43:26

Onkengêze, rhujè lubanja rhwembi; orhang’iderha we murhanzi lyo oyâza!

Yeremiya 27:17

“Murhayumvagya. Mushige omwâmi w’e Babiloni, mwalama. Cakarhuma olu lugo lwashuba bigûkà?”

Mateyo 22:21

Bamushuza, mpu: «Bya Sezari». Yezu anacibabwîra, erhi: «Ahoo! ebya Sezari bigaluliragi Sezari, n’ebya Nyamuzinda mubihè Nyamuzinda».

1 Bakorinti 15:58

Ntyo, bene wîrhu bazigirwa, musimike, murhadundaganaga, ensiku zoshi mukaz’ijà embere omu mukolo gwa Nyakasane, bulya mumanyire oku omukolo gwinyu muli Nyakasane gurhankafa busha.

Befezi 2:10

Bulya rhuli mulimo gwâge, rhwalemirwe muli Kristu Yezu mpu rhujire ebijiro binjà Nyamuzinda arhurheganyizagya okukola.

Lushika 17:12

Erhi hankajira owahanjalika, arhayumva omudâhwa oyîmanzire oku kukolera Nyamubâho, Nyamuzinda wâwe, arhayumva n’omutwî w’emmanja, oyo muntu ali wa kufà kwo kurhenza obubî omu Israheli okwo.

Bafilipi 1:11

munayunjule amakwânane g’obushinganyanya Yezu Kristu arhushobôzagya, oku irenge n’obukuze bwa Nyamuzinda.

Bakolosi 1:10

Na ntyo mubè n’olugendo lushingânîne Nyakasane, munamusimîse muli byoshi; muyâne amalehe omu ngasi bijiro binjà, munayûshûke omu kumanya Nnâmahanga.

1 Timoteyo 2:2

abâmi n’abarhegesi boshi, lyo rhubona akalamo k’omurhûla buzira kavulindi, omu bukombêdu n’omu bugula.

1 Timoteyo 4:6

Omu kurhondêreza bene wîrhu ebyo, wâbà murhumisi nkana wa Kristu Yezu, waleragwa n’ebinwa by’obuyêmêre n’eby’enyigîrizo nyinjà wasêzirekwo.

1 Timoteyo 5:10

Kukwânîne abè amanyikîne oku bijiro byâge binjà, abè alezire kwinjà abâna bâge, abè ahandisize ebigolo n’okushuka abatagatîfu amagulu, abè arhabîre abâli omu malibuko, anabè ajizire aminjà ga ngasi lubero.

2 Timoteyo 1:6

Co cirhumire nkukengêza nti ozûse engalo Nyamuzinda akushobôzagya erhi nkulambûlirakwo amaboko.

2 Timoteyo 2:14

Okâbakengêza okwo omu kuhamîriza embere za Nyamuzinda oku kukwânîne okukâyâka ennongwè y’ebinwa erhajira kandi kamalo okurhali kuheza abayiyumvirhiza.

2 Timoteyo 2:21

Erhi omuntu ankacîlanga kuli ebyo ndesire, anabà cirugu ca bukenge, cicîre, cikwânîne Nyakasane, cinashingânîne ngasi mukolo mwinjà.

Tito 1:16

Banakâderha mpu bayishi Nnâmahanga, ci erhi banadwîrhe bamuhakana omu bijiro byâbo; abantu ba bene abo bali mihera, bagomi, na ntà kwinjà kuci bankacihash’ijira.

Tito 2:14

wacîhânaga yêne rhwe rhurhumire, mpu arhucize omu ngasi bubî, na hano abà amârhucêsa, a­rhujire mulala gwâge gukombêra okujira aminjà.

Tito 3:14

Abirhu nabo bacîhangâne okurhwâliha omu kujira aminjà, lyo babona ebikwânîne omu malagîrire, barhag’ibà ba­nyakubura.

Tito 3:8

Aka kanwa kali k’okuli, nnanonzize obasêzeko omu murhima, lyo balya bayêmîre Nyamuzinda basîma okulusha abandi omu kukola aminjà. Okwôla kwo kwinjà kwo kunalêrhera abantu akamalo.

Bahabraniya 13:21

yêne ammujire bantu nkana, lyo mukâjira obulonza bwâge omu minjà ga ngasi lubero; yêne ajire muli mwe ebimusimîsize, Yezu Kristu orhumire. Irenge libè lyâge emyâka n’emyâka! Amen!

2 Petro 1:12

Eco co cirhumire nakayôrha mmukengêza ebyo binwa, ciru mukabà mubimanyire munasêzire buzibu omu nyigîrizo z’okuli.

Yûda 1:5

Ciru akabà mwayigîrizîbwe ebyo byoshi caligumiza, nnonzize okummukengêza oku Nyakasane, erhi abà amalîkûza olubaga lwâge amanalurhenza omu cihugo c’e Mîsiri, enyuma ly’aho aherêrekeza ababulaga bwayêmêra.