Tito 1:9 - BIBLIYA NTAGATIFU OMU MASHI

⁹ acishwêkere oku kanwa k’okuli, kalya kashingânîne enyigîrizo ayigîrizibwe, na ntyo ahash’ihanûla abantu omu kubahugûla enyigîrizo nyinjà, n’abankaderha mpu bamujisa kadali, abayagîrize.

Tito 1:9 ပူးပေါင်းရင်းမြစ်များ

Ayubu 2:3

Nyamuzinda amushubirira, erhi: «ka wabwîne mwambali wâni Ayubu? Ntâye omulingânîne omu igulu lyoshi: muntu ntagengwa na mushinga nyanya, orhînya Nyamuzinda, n’amabî, arhagakîirirwa. Arhankashuba nyuma omu bwimâna bwâge, na busha wamunkozagya kwo mpu mmuzigulule.»

Ayubu 27:6

Narhondîre okucîyûmânyanya ntanakuleke, omurhima gwâni gurhankabona nshonyi ciru n’oku lusiku luguma lw’akalamo kâni.

Migani 23:23

Olonze okumanya okuli, ci orhabâga: «mpemba-nkubwîre» ocîhangâne omanye oburhimanya, ihano n’okumany’iyumva.

Ebijiro 18:28

bulya akâg’iyagîriza Abayahudi embere z’olubaga, akabayêreka n’Amandiko oku Yezu ye Kristu.

1 Bakorinti 14:24

Ci erhi boshi bankabà badwîrhe balêba, n’erhi hankayisha orhali mwemêzi nîsi erhi orhîshi emunda bija, boshi banamuyâgîriza, boshi banamutwîra olubanja;

1 Batesalonika 5:21

ci mulole bwinjà ngasi kantu, n’ebiri binjà byo muyôrhanage.

2 Tesalonika 2:15

Ntyo, bene wîrhu, mukomere, munasêre kw’erya migenzo rhwammuyigîrizagya n’akanwa erhi omu maruba.

1 Timoteyo 1:10

abagonyi n’entazi, abarhunzi b’abantu n’abanywesi, abalahira ebîra n’abajira ngasi kantu karhashingânîni enyigîrizo z’okuli

1 Timoteyo 1:15

Aka kanwa kali k’okuli kanakwânîne okuyêmêrwa lwoshi: Kristu Yezu ayishire en’igulu mpu acize abanya-byâha, nie na wa burhanzi muli bo.

1 Timoteyo 1:19

onayôrhe ogwêrhe obuyêmêre n’omurhima nkana; bulya erhi babirîkirira, baguma bâlohama omu by’obuyêmêre.

1 Timoteyo 4:9

Ako kanwa kali k’okuli kanakwânîne okuyêmêrwa lwoshi.

1 Timoteyo 6:3

Owanayigîrize bindi-bindi, abule bucîshwêkera oku binwa nkana, byo binwa bya Nnawîrhu Yezu Kristu n’oku nyigîrizo zâge zilingânîne n’obukombêdu bwîrhu,

2 Timoteyo 1:13

Oshimbe olwiganyo lw’ebinwa nkana wayumvagya omu kanwa kâni, omu buyêmêre n’omu buzigire bubà muli Kristu Yezu.

2 Timoteyo 2:2

Birya wayumvagya nakuyigîriza embere za bahamîrizi banji, obibîse abantu bakwânîne okucîkubagirwa, abankahasha nabo okubibwîriza abandi.

2 Timoteyo 2:25

Kukwânîne ahanûle abashombanyi bâge n’obutûdu, bulya kwankanabà Nyamuzinda abahà okucîyunjuza, okumanya okuli

2 Timoteyo 3:14

Ci w’oyo osêre kw’ebi wayigîrizîbwe wanayêmêra buzira kurhindira. Na­we orhahabiri bandi bakuyigîrizagyabyo,

2 Timoteyo 4:3

Bulya amango gayisha, n’abantu barhakacikwîra enyigîrizo nkana, ci iralà lya lyanabahabukane n’okurhwiri kwâbo kubanyunyagire, bacîhè bône abayigîriza mwandu,

Tito 1:11

Abôla bantu, kukwânîne okubahulisa; banakâsherêza milala minji n’okuyigîriza ebirhashingânîni erhi bunguke burhali bwo burhuma.

Tito 2:1

Ci wêhe okâyigîriza ebishingânîne enyigîrizo z’okuli.

Yûda 1:3

Bîra bâni, ene mbà ndwîrhe nalonza okummuyandikira nti mmubwîre ebinwa by’obucire bwîrhu rhweshi, lêro nanacibona nkola ngwâsirwe okummuyandikira nti mmuhanûle lyo mulwîra obuyêmêre abatagatîfu bashobôlaga kwa lwoshi oku caligumiza.

Mafulûlo 2:25

ci ehi mugwêrhe, muhigwârhe buzibu kuhika nyishe.

Mafulûlo 3:11

Ntârham’iyisha; ehi ogwêrhe, ohigwârhe buzibu, halek’ijira owakunyaga ishungwè lyâwe.

Mafulûlo 3:3

Okengêre kurhi wahîrwe oluderho lwa Nyamuzinda na kurhi waluyumvîrhe; olubîkirire onacîyunjuze. Bulya okabà orhali masù, nâyisha nka cishambo, orhânamanye mangaci nâkurhindakwo.