Sofoniya 3:7 - BIBLIYA NTAGATIFU OMU MASHI

⁷ Cazînda nâderha, nti: «Yeruzalemu akolaga ankenga anayêmêre amahano gâni. Ntà bulagîrire ncigwêrhe bw’okucisherêza, ntanaciyunjulize omuhigo gw’oburhè nali ngwêrhe. Ci abantu bâge barhashwîra okurhali kukola amaligo kwône kwône.

Sofoniya 3:7 ပူးပေါင်းရင်းမြစ်များ

Murhondêro 6:12

Nyamuzinda alola igulu abona oku nêci lishûbusire bulya ngasi muntu ali akola agwerhe olugendo lushûbusire.

2 Nganîro 33:11

Lêro Nyamubâho anaciyisha abarhumire abarhambo n’engabo y’abalwî ba mwâmi w’e Asîriya, bagwârha Menashè n’ebyûma by’amîno-mîno n’erhi babà bamâmushwêka na ba caburhinda babirhi b’ecûma c’omulinga bamuhêka e Babiloni.

Ayubu 36:10

Abayigule amarhwîri abarhônde, mpu baleke obubî bwâbo.

Ennanga 32:8

Nkolaga nakuyigîriza nkulangûle enjira wakaz’igeramwo, nkolaga nakubwîriza nankuje ebulâbi.

Migani 19:20

Oyumve ihano onaleke bakuhakanye, lyo ozinda oli murhimanya.

Izaya 5:4

Bici nal’inkwânîne okujirira olukoma lwâni lw’emizâbîbu, nabula n’okulujirirabyo? Carhumaga nnangalira nti lwanyânira emizâbîbu minjà, lwôhe lwabul’iyâna emizâbîbu mibî?

Izaya 63:8

Anaciderha, erhi: «Nêci, bamâbà lubaga lwâni, bâna bâni barhankannenganya»; anacibaciza.

Yeremiya 17:23

“Bôhe barhayumvagya, barhaderhaga mpu barhege okurhwiri; bacîjira bacikanyi cirhagomba mpu barhagiyumva n’okuyankirira ihano”.

Yeremiya 25:5

N’ako kanwa kali k’aka: mpu mugaluke mweshi, ngasi muguma, murhenge omu njira yinyu mbî n’omu bubî bw’ebijiro binyu; na ntyo mwayishiyûbaka ecihugo Nyakasane amuhâga. mw’oyo mwe na basho, kurhenga ensiku n’amango.

Yeremiya 36:3

“Ahâli nkaba ab’omu nyumpa ya Yûda, omu kuyumva akal’ibala mpizire okubakolera, bagaluka barhenge ngasi muguma omu njira yâge ngalugalu: ago mango nânababalira amaligo n’ebyâha byâbo”».

Yeremiya 38:17

Yeremiyahu abwîra Sedekyahu obwo, erhi: «Kw’adesire ntya Nyakasane, Nyamuzinda w’Emirhwe, Nyamuzinda w’Israheli. Erhi wakahuluka ocishegula abarhambo ba mwâmi w’e Babiloni wanagalukira obuzîne bwâwe, n’olu lugo lurhacidûlikwe muliro. Wanalama, we n’omulala gwâwe.

Yeremiya 6:8

Leka bakubwîrize Yeruzalemu Omurhima gwâni gwakanakurhengakwo, wakabona namâkujira bwêrûlè, bulya burhabâmwo muntu.

Yeremiya 7:7

ago mango, namubêza mw’eri ishwa, mw’eci cihugo nahâga basho kurhenga mîra na kuhika ensiku n’amango.

Yeremiya 8:6

Najîre aho nabayumvîrhiza: barhadwîrhi baderha nk’oku bikwânîne. Barhalimwo owagaya obubî bwâge akaderha erhi «lêro bici bino nakozire»? Boshi oku bahabusire kwo banahâsire, nka nfarasi yajilwa.

Hozeya 9:9

Babîhire lwoshi nk’omu nsiku za Gibeya; Nyamuzinda akengêra obubî bwâbo, âbahanira ebyâha byâbo.

Sofoniya 3:2

Ntà mango càyumvîrhe ebinwa bya Nyakasane, ntà mango càyemire ihano, ntà mango càcîkubagire Nnâmahanga, ntà mango càyâkîre muli Nyamuzinda waco.

Lushika 4:16

murhahîraga mukakola amaligo, muderha mpu mukola mwajira enshusho mbinje y’okuyêrekana kantu kalebe: ebè nshusho ya mulume ebè ya mukazi,

1 Timoteyo 1:5

Omu kurhegeka ntyo, kulonza nnonzize okulêrha obuzigire burhenga omu murhima gucîre, n’omu nkengêro nkana, n’omu buyêmêre burhalimwo bulyâlya.

2 Petro 3:9

Nyakasane arhalegerîri okuyunjuza eciragâne câge, nk’oku baguma bakagerêreza mpu alegamire; lukogo olwo ammubêra, kulya kubà arhalonza hajire owahera, ci alonza boshi bacîyunjuze.