Sofoniya 2:9 - BIBLIYA NTAGATIFU OMU MASHI

⁹ Co cirhumire, ncîgashire ecihango câni, kwo Nyakasane w’Emirhwe, Nyamuzinda w’Israheli adesire, erhi: «Mowabu na Amoni bâbà aka Sodoma na Gomora: mashaka ga makerêrhe na birundo bya munyu, irungu lyûmu-lyûmu oku nsiku n’amango. Abâyôrhe b’omu lubaga lwâni bânabahagule, abânasigale b’omu ishanja lyâni bo bayîme omu byâbo.»

Sofoniya 2:9 ပူးပေါင်းရင်းမြစ်များ

Izaya 11:14

Barhibukirakwo Abafilistini olunda lw’ebuzikiro bw’izûba, haguma bagend’ihagula amashanja g’ebushoshôkero. Bâgwârha Edomu na Mowabu, na bene Amoni babashiga.

Izaya 25:10

«“Okuboko kwa Nyakasane kwâdêkerera kw’eyi ntondo. Mowabu yêhe alabarhirwa ahanali, nka kula banalabarhira ebyâsi omu mwîna gw’ecamvu”.

Izaya 49:18

Lolà eburhambi bwâwe: boshi bashûbûzinye, bayishire emunda oli. Mb’ofà obuzîne bwâni, Nyakasane okudesire, akabà orhacîhundikiribo boshi nka mwambalo gwa bulimbi, n’akabà orhabazongizi ecibunu nka mukaba, kula omunyere waheruka ajira.

Yeremiya 46:18

Ndahîre oku ncihaba kanwa ka Mwâmi, olya oderhwa lya Nyakasane, Nayamuzinda w’Emirhwe; ayishiyisha, nka kula Tabora anabà omu ntondo, kula Karmeli alengerera oku nyanja.

Yeremiya 48:1

Kuli Mowabu, ntya kwo Nyakasane w’Emirhwe, Nyamuzinda w’Israheli adesire: «Buhanya bwâwe Nebo, bulya wâshandwa, Kiryatayimi enshonyi zimubumbire anagwâsirwe mpira, nshonyi n’ecôbà oku ngombe.

Yeremiya 49:1

Kuli bene Amoni. Ntya kwo Nyakasane adesire: Ka Israheli arhajira bâna? K’abula omwîmo? Carhumaga Milkomu ayîma e Gadi n’ishanja lyâge liyûbasire omu bishagala?

Yeremiya 49:18

Kwo âyôrha nka kulya Sodomo na Gomora basherêraga haguma n’ebishagala byàli bimuliranyire. Nyakasane okudesire. Ntà muntu ciru n’omuguma wânacikuyûbakemwo, ntâye wânacibêre muli we.

Yeremiya 49:33

Ecishagala ca Hasori cashuba irungu lya côbà oku nsiku zoshi. Ntâye ciru n’omuguma waciciyûbakamwo, omuntu oyîsa omûka.

Yeremiya 50:40

Namutulamya nk’oku najiraga Sodomo, Gomora n’ebishagala byàli eburhambi, kwo Nyakasane adesire. Ntà muntu ciru n’omuguma wâciyûbake muli ye, ntâye oyîsa omûka wâcibêre muli ye.

Amosi 1:13

Ntya kwo Nyakasane adesire: «Oku mabî asharhu ga bene Amoni n’oku anni, nahizire burhashubira nyuma. Kulya kubà bàbwâgwire enda z’abakazi bali mazîmi b’e Galadi, mpu lyo bagalihya ecihugo câbo.

Amosi 2:1

Ntya kwo Nyakasane adesire: «Oku mabî asharhu ga Mowabu n’oku anni, nahizire burhashubira nyuma. Kulya kubà bàyôcire, basirîza orhuvuha rhwa mwâmi w’e Edomu.

Sofoniya 2:14

Ahantu ecishagala càli, amasò g’ebintu n’ensimba za ngasi lubero byâyishikashiramaho, lubondo n’ecirifufu byâhanda omu burhungiri bw’e­ nyumpa zâmwo. Bakaziyumva ebinyunyi byalyôgôlera aha rhubonezo rhw’enyumpa; mishabûkiza yonene ekola yâkaziboneka kurhangirira oku mulirango, emilungulungu y’enyumpa yoshi ekazishâbûka.

Sofoniya 2:7

Abâyôrhe b’omu iburha lya Yûda, banagabâne eco cihugo, bâyabulire­ mwo, bijingo barhamukire omu nyumpa zàli z’ebwâmi bw’Ashkeloni; bulya Nyamuzinda wâbo ânaciyishibarhangula, ânashubibajira nk’oku bàyôrhaga burhanzi.

Sofoniya 3:13

Abàsigîre omu lubaga lw’Israheli barhakacilyalyanya barhakanaciderha bunywesi, barhakacikolêsa olulimi lwâbo mpu bajè bârhebana. Bâkazirya banagwishire erhi na ntâye wacibalibuza abahiramwo ecikango.»

Zakariya 2:13

Nâni nkolaga nahana amashanja: gakolaga nago gâhagulwa na balya boshi gàkâg’ilibuza.» Amango okwo kwâbà, lyo mwamanya bwinjà oku Nyakasane w’Emirhwe ye wantumaga.

Mibalè 14:21

“Ci, mbà nzîne! N’irenge lya Nyamubâho lyabumba igulu lyoshi!”

Barom 14:11

bulya kuyandisirwe, mpu: Nyakasane adesire, erhi: Mbofa akalamo kâni orhabwîni ngasi idwi lyanfukamira na ngasi lulimi lwahà Nyamuzinda irenge lyâge!

Lushika 29:22

«Ecihugo coshi cashubire cibiriti, munyu, cahire mabira; ntà mburho bacirhweremwo, na ntà mburho yacicimeramwo, cirhakacimeramwo ehyâsi hibishi. Ecihugo camahîndama kulya kwa Sodomo na Gomara, Adama na Seboyimu, bishagala Nyamuzinda asirîzagya omu burhè n’omutula gwâge!

Lushika 29:23

“N’amashanja goshi kwo gaderha mpu cici cirhumire Nyamuzinda akolera eci cihugo ebiri ntya? Cici camujiraga oburhè bungana aho?”