Sofoniya 2:12 - BIBLIYA NTAGATIFU OMU MASHI

¹² «Ninyu, mwe bantu b’e Kushi, mweshi nâmmuhungumulira omu bîrha»! kwo Nyakasane adesire.

Sofoniya 2:12 ပူးပေါင်းရင်းမြစ်များ

Ennanga 17:13

Baduka Nyakasane, omujeyo, omushûrhe oku idaho; n’engôrho yâwe olîkûze obuzîne bwâni omu maboko g’Omuhera.

Izaya 10:5

Buhanya bwâge Asîriya, ye karhi kw’obukunizi bwâni, ye buhiri bw’olwihôlo lwâni!

Izaya 13:5

Barhenga omu cihugo c’ihanga n’ebuzinda bw’emalunga, Nyakasane n’emirasano akolêsa omu bukunizi bwâge, mpu aherêrekeze igulu lyoshi.

Izaya 20:3

Okuhandi Nyakasane anaciderha, erhi: «Nka kulyâla omurhumisi wâni Yeshayahu ajag’agenda bushugunu na buzira nkwêrho myâka isharhu, mpu abè cimanyîso na bulêbi kuli Mîsiri na Kushi,

Izaya 43:3

Bulya nie Nyakasane, Nyamuzinda wâwe, nie Mutagatîfu w’Israheli, Mucunguzi wâwe. Nahanyire Mîsiri nti nkucungule, Kushi na Seba ahâli hâwe.

Ezekiyeli 30:24

Nâzibuhya amaboko gw’omwâmi w’e Babiloni, nnamufumbase engôrho yâni omu kuboko kwâge, Nâvuna amaboko ga Faraoni mwâmi w’e Mîsiri, ashinge n’omulumbo embere z’omusho­mbanyi wâge nka muntu okola wafà.