Sofoniya 1:14 - BIBLIYA NTAGATIFU OMU MASHI

¹⁴ Olusiku ludârhi lw’obukunizi bwa Nyakasane luli hôfi, luyishire luli buhena; okuyisha kwâlwo kwâzûsa ecihôgêro c’amalumwa manene, ciru n’entwâli yâbanda endûlù erhi bihamba bya bîrha birhuma!

Sofoniya 1:14 ပူးပေါင်းရင်းမြစ်များ

Izaya 15:4

Heshiboni na Eleyâle badwîrhe bayâma; izù lyâbo lidwîrhe lyayumvîkana kuhika e Yahasi. Co cirhumire abalwî b’e Mowabu badwîrhe babanda orhuhababo; yêshi yêshi anajongonosire.

Izaya 33:7

Alà oku abantu b’e Ariyeli badwîrhe babandira orhuhababo omu njira; abajà-bugo b’omurhûla bayisha balaka banalakûla.

Izaya 66:6

Akashakanyo kali omu lugo, akahâye kali ebwa ka-Nyamuzinda: izù lya Nyakasane elyo, al’ihà abashombanyi bâge oluhembo lubakwânîne.

Izaya 8:22

kandi bashub’ilola oku idaho: barhabona erhali mirhanyo n’omwizimya, endunduli y’okujugumya n’obudufu burhagwêrhi hya bulangashane ciru n’ehisungunu.

Yeremiya 25:36

“Yumvi omulenge gw’abangere, yumvi endûlù za balungere, bulyâla Nyamubâho ashandâzize olwâbuko bayâbuliramwo”.

Yeremiya 30:7

“Obuhanya! Lwanabà lusiku ludârhi! Ntà lundi luli nk’olu! Mango ga malibuko kuli Yakôbo cikwône agafulumukamwo mutaraga”.

Yeremiya 46:5

Ewe, kurhi oku mbabwîne? Kuziga barhunzirwe n’obwôba, bàrhenzire erugamba; entwâli zâbo zàhimirwe. Akola maguluagabe barhâcikabagana. Cikola côbà cône empande zoshi. Kanwa ka Nyakasane.

Yeremiya 48:41

Ebishagala byagwâsirwe mpira. Ebyôgo bizibu by’abalwî byashâbwîrwe (n’omurhima gw’omurhwe gw’abalwî b’e Mowabu, n’olwo lusiku, gwàli nka gwa mukazi odwîrhe afumba.)

Ezekiyeli 12:23

“Ee! Obabwîrage, erhi: Ntyâla kwo adesire Nyakasane Nyamubâho. Nâhanza ogwôla mugani gurhakaciderhwa bundi omu Israheli. Ci obabwîre, erhi: Ensiku ziyîruka zirya, ngasi byanalêbirwe byayishibayunjulira muli zo”.

Ezekiyeli 30:3

Bulya lulya lusiku luyîruka, luyîruka lulya lusiku lwa Nyakasane, lwâbà lusiku luyunjwîre bitù, mango g’amashanja.

Ezekiyeli 7:12

Amango gayishire, olusiku luli hôfi. Owagula amanye ankacîshinga, naye owagûza amanye ankacîduduma, ebwa kubà obukunizi bwahonîre ngasi muguma.

Ezekiyeli 7:16

Abankaderha mpu bayâka bakola bayâkira oku ntondo, nka ngûkù zarhenga omu rhubanda, nâyish’ibanigûliza eyôla munda boshi, ngasi muguma erhi mabî gâge garhuma.

Yoweli 1:15

Loli oku olusiku lwa Nnâmahanga luyîruka, luyishire nka cizombo, nka câhirà carhenga emwa Nyamuzinda-Ogala-byoshi.

Yoweli 2:1

Mubûhe emishekera omu Siyoni, mubande orhuhabâbo oku ntondo ntà­gatifu. Mugeremwo omusisi mwe bantu mweshi, bulya olwa-Nnâmahanga lwayishire, bulya luli hôfi.

Yoweli 2:11

Izù lya Nnâmahanga lyâyumvikane, ashokolire engabo zâge, bulya abamulwira bali banji, bulya ajira obuhashe bunji n’oku adesire kwo kunabà; luli lukulu olusiku lwa Nyamuzinda, lwa kuyôbohya, na ndi wankamuja emalanga?

Amosi 8:2

Ambwîra, erhi: «Bici obwîne, wâni Amosi?» Nâni, nti: «Cirhiri ca ma­lehe gayêzire.» Nyakasane ambwîra, erhi: «Olubaga lw’Israheli lukola luyêzire lw’okuhwa; ntakacilubabalira bundi».

Sofoniya 1:10

Olwo lusiku, kwo Nyakasane adesire, ecihôgêro cânazûke omu muhanda gw’olugo guderhwa lugo lw’Enfî, omu lugo Luhyâhya mwânazûke olubî lunji lunji, ababanda endûlù, ababanda olujamu, ab’orhuhababo n’ecihûsi cirhankaderhwa!

Sofoniya 1:7

Akahwenyenye kabè embere za Nyakasane Nnâmahanga, kulya kubà olusiku lw’obukunizi bwâge bunene luyîruka! Nêci, Nyakasane anarheganyize oburherekêre, mîra acêsagya ebigolo byâge alâlisire.

Malakiya 4:5

Loli, nâmmurhumira omulêbi Eliya, embere olusiku lwa Nyakasane luyishe, lusiku lw’enkwi n’amîshi, lwa kujugumya.

Ebijiro 2:20

Izûba lyâhinduke mwizimya n’omwêzi gubè mukò, embere olusiku lwa Nyakasane luyishe, lwo lusiku lukulu lw’irenge.

Bafilipi 4:5

Mucîyêrekane nfula omu masù g’abantu boshi. Nyakasane ali hôfi.

1 Batesalonika 4:16

Bulya, oku cimanyîso, oku izù lya Malahika mukulu n’oku mushekera gwa Nyamuzinda, Nyakasane yêne anayandagale, kurhenga empingu, n’abafîre muli Kristu bo bâfûke barhanzi.

Bahabraniya 12:26

Olya izù lyâge lyàdirhimanyagya igulu mîra, ye ohànyire buno eci ciragâne, erhi: Hacisigîre lindi liguma ndirhimanye igulu, ci arhali lyône, ci n’irunga.

Yakôbo 5:9

Murhakâg’ibêrana burhè, bene wîrhu, murhag’itwîrwa olubanja. Omutwî w’emmanja oyu wammuhika aha lusò!

2 Petro 2:3

Omu magene gâbo g’eby’en’igulu, bammulonzakwo obunguke n’ebinwa by’obwengehuza. Ci olubanja lwâbo mîra lwatûbagwa, n’okuhera kwâbo kuli kurheganye.