Sofoniya 1:1 - BIBLIYA NTAGATIFU OMU MASHI

¹ Ebi biri binwa Nyakasane àfulûliraga Sofoniya, amango Yoziyasi mugala wa Amoni àli mwâmi w’e Yûda. Sofoniya àli mugala wa Kushi, naye àli mwene Gedaliya, aligi mwinjikulu wa Amariya na mwinjikulûza wa Hezekiyasi.

Sofoniya 1:1 ပူးပေါင်းရင်းမြစ်များ

2 Bâm 21:18

Menashè anacicî hengeka aha burhambi bwa ababusi bâge, bamubisha omw’ishwa ly’oku nyumpa yâge, omw’ishwa lya Uza. Omugala Amoni ayîma ahâli hâge.

2 Bâm 21:26

Bamubisha omu nshinda yâge, omu ishwa lya Uza. Omugala Yoshiyahu ayîma ahâli hâge.

2 Nganîro 33:20

Menashè acîhengeka aha burhambi bwa b’îshe, banacimubisha aha nyumpa yâge. Omugala Amoni ayîma ahâli hâge.

Yeremiya 1:2

Akanwa ka Nyakasane kamurhindakwo oku ngoma ya Yoshiyahu, mwene Amoni, mwâmi w’e Yûda, omu mwâka gwa kali ikumi na kasharhu gw’obwâmi,

Yeremiya 22:11

Bulyâla ntya Nyamubâho aderhîre Shalumu, mwene Yoshiyahu, mwâmi w’e Yûda. Yewayimaga omu by’îshe Yoshiyahu: «Owamarhenga ahâla, arhakacishubiraho,

Yeremiya 25:3

Kurhenga omwâka gwa kal’ikumi na kasharhu gwa Yoshiyahu, mwene Amoni, mwâmi w’e Yûda, kuhika ene, ekola myâka makumi abirhi n’isharhu ene, erhi nabwîrwa akanwa ka Nyakasane erhi nâni, buzira kurhama, nanamubwîrakwo ci murhayumvagya.

Ezekiyeli 1:3

akanwa ka Nyakasane kanacibwîrwa omudâhwa Yehezekiyeli, mwene Buzi, omu cihugo c’Abakaldeya, oku burhambi bw’olwîshi Kebari. Ahôla ho okuboko kwa Nyakasane kwamurhindakwo.

Hozeya 1:1

Akanwa Nyakasane abwîraga Hozeya, mugala wa Beeri, oku ngoma ya Yoziyasi, ya Yotamu, ya Akazi n’eya Ezekiyasi, bâmi b’e Yûda, n’oku ngoma ya Yerobwâmi, mugala wa Yowash, mwâmi w’Israheli.

2 Timoteyo 3:16

Amandiko goshi Nyamuzinda wajiraga mpu gayandikwe, ganakwânana kwinjà oku kuyigîriza, n’oku kuhamûla, n’oku kuhabûla abahabusire, n’oku kuherha abantu omu bushinganyanya;

2 Petro 1:19

Ntyo rhusêzire kulusha oku kanwa k’abalêbi, kunali kwinjà mukalole nka kamole kamoleka ahantu hali omwizimya, kuhika lukula arhande n’enyenyêzi y’esêzi elangashane omu mirhima yinyu.