RUTI 4:4 - BIBLIYA NTAGATIFU OMU MASHI

⁴ “Namâderha nti nkola nakumanyîsa nankubwîre: oliyankire embere z’abâla bahamîrizi n’abagula b’olubaga lwâni. Akabà walonza okuliyôkola, yôkolagalyo, akabà orhalonza okuliyôkola, okumbwirage nâni nkumanye, bulya ntà wundi ogwêrhe obuhashe bw’okuliyôkola ocikurhalusire, nâni nie nkukulikire. Olya mulume aderha, erhi: Naliyôkola”».

RUTI 4:4 ပူးပေါင်းရင်းမြစ်များ

Murhondêro 23:11

erhi: «Nanga, nnâhamwîrhu onyumve erhi kwo. Nkuhîre eryo ishwa, nkuhîre n’olwo lukunda lilimwo, nkugabirelyo omu masù g’abâna b’ekà. Obishemwo omuntu wâwe».

Murhondêro 23:18

byoshi byashuba bya Abrahamu omu masù ga bene Heti boshi n’embere za ngasi boshi banakazâg’itwa ec’olusò n’okujà omu lugo.

Yeremiya 32:25

Mâshi, k’arhali wêne wàmbwîraga erhi: «Gula elyo ishwa, oliganjire enfranka aha balume, n’obwo omurhundu gwîrhu gwagwîre omu maboko ga bene Kaldeya!»

Barom 12:17

Mumanye mwankagalulira omuntu obubî oku bundi. Mukâlonza okujira aminjà embere z’abantu boshi.

2 Bakorinti 8:21

Bulyâla rhulonza okujira aminjà, arhali omu masù ga Nyamuzinda mwône, ci n’embere z’abantu.

Lushika 25:8

Ago mango, abagula ba lulya lugo banahamagala nyamulume bamushambâze; anayisha aderhe, erhi: «Ntalonzizi mmuyanke».

Bafilipi 4:8

Ceci, bene wîrhu, ngasi biri by’okuli, ngasi biri nkana, ngasi bishingânîne, ngasi bicîre, ngasi bikwânîne okuzigirwa n’okukengwa, ngasi nkômedu nyinjà na ngasi kantu kakwânîne okukuzibwa, ebyôla byo mushîbirirage.

RUTI 2:20

Noemi anacibwîra omwâlikazi, erhi: «Agishwe na Nyamubâho ye orhahusa okubà mwinjà oku bazîne n’abafîre!» Noemi anacimubwîra erhi: «Oyo mulume ali mwene wîrhu, ali muguma w’omu bagwêrhe obuhashe kuli rhwe bw’okurhucungula.»

RUTI 3:12

“Nêci kwo binali ntyo oku nie ngwêrhe obuhashe bw’okukuyôkola, ci kwône haciri owundi oyegerîne nâwe kundusha”.

RUTI 3:9

Anaciderha erhi: «We ndi?» Anacishuza, erhi: «Nie Ruti, mwambali-kazi wâwe; olambulire kuli mwambali-kazi wâwe ecishumiro c’ecishûli câwe, bulya ogwêrhe obuhashe bw’okunyôkola.»