RUTI 4:15 - BIBLIYA NTAGATIFU OMU MASHI

¹⁵ Abà kuli we cirhûliriza na murhabâzi omu bushosi bwâwe. Kulya kubà mwâli-kazi wâwe okuzigira ye wamamuburha, oyu mwâli-kazi wâwe olushire bagala bâwe nda.»

RUTI 4:15 ပူးပေါင်းရင်းမြစ်များ

Murhondêro 45:11

«Eyo munda nakaz’ikushundira, bulya hacisigîre yindi myâka irhanu ya cizombo, na ntyo orhacilake buligo, oli we, oli enyumpa yâwe, na ngasi hyâwe hyoshi».

Murhondêro 47:12

Yozefu akaz’ihà îshe omugati, akaz’iguhà na bakulu bâge n’ab’omu nyumpa y’îshe, boshi nk’oku banali n’abâna bâbo.

Ennanga 55:22

Obusù bwâge bunabè bulushire amakafè kuyengûla, erhi n’omurhima gwâge bya ntambala gulimwo. Ebimwa byâge binabè bilushire amavurha bulembu, erhi zinali ngôrho bugôrho.

Migani 18:24

Hali abîra bakenya omuntu, hali n’abà omuntu arhonya kulusha mwene wâbo.

Izaya 46:4

Kuhika obushosi bwinyu, nayôrha ndi nie n’olya, kuhika mumere emvi kubagalira ncimmubagalira. Niene nakolaga ebyo, niene nammushîbirira, niene nâmmugwâsa nnammucize.

RUTI 4:16

Noemi anaciyanka nyamwâna, amubagalira oku cifuba, ye wanakazirig’imulera.

1 Samweli 1:8

Ibà Elkana amudôsa erhi: «Bici birhuma omurhima gwâwe gubà burhè? K’arhali nie mukulu kulusha bâna ikumi?»

1 Samweli 2:5

Abacikung’iyigurha, bakola bajà balimya lyo babona ecibalya, n’abashalye barhacigwâsirwi okulimya ebiryo. Engumba yabusire kali nda oku nyalumburhamburha alungumarhirwa.