RUTI 4:13 - BIBLIYA NTAGATIFU OMU MASHI

¹³ Bwozi ayanka Ruti, ajiba mukâge, aciîunga naye. Nyamubâho ashobôza Ruti okubà nda, anaciburha omwâna-rhabana.

RUTI 4:13 ပူးပေါင်းရင်းမြစ်များ

Murhondêro 20:17

Abrahamu asengerera Abimeleki emunda Nyamuzinda ali, naye Nyamuzinda afumya Abimeleki, mpu mukà Abimeleki n’abajà-kazi bâge lyo babona abâna.

Murhondêro 25:21

Izaki asengerera mukâge emwa Nyamubâho, erhi amâbà ngumba, Nyamubâho amuyumva, mukâge Rebeka arhôla izîmi.

Murhondêro 29:31

Nyamubâho abona oku Lea arhasimirwi, amuhà iburha, Rasheli ayôrha ali ngumba.

Murhondêro 30:2

Yakôbo akalihira Rasheli bwenêne, amubwîra, erhi: «Ka nie ndigi ahâli ha Nyamuzinda wakuyimaga iburha?»

Murhondêro 33:5

Erhi alîka amasù n’erhi abona abakazi n’abâna, adôsa, erhi: «Bantu baci ogwêrhe hala?» Yakôbo ashuza, erhi: «Bo bâna Nyamuzinda àshobôzize mwambali wâwe abo».

Ennanga 113:9

Ye tamaza owali ngumba omu nyumpa; amuhè obusîme bw’okubà nnina w’abâna.

Ennanga 127:3

Kàli abâna ngalo ya Nyakasane, akarhenga omu nda luhembo.

RUTI 3:11

“Buno mwâli wâni, orhacibâga na bwôba buci, oku wankaderha nanakujirirakwo; ebwa kubà endêko y’abalungu bâni boshi bamanyire oku oli mukazi ogwêrhe engeso nyinjà”.

RUTI 4:12

“Omulala gwâwe gubè aka omulala gwa Peresi, olya Tamara aburhiraga Yûda; liyôloloke iburha Nyamubâho akuhà kuli oyo mukazi”».

1 Samweli 1:27

Ye mwâna nakagishenga okushobôla emwa Nyamubâho oyu ananshobôza omusengero gwâni.

1 Samweli 2:5

Abacikung’iyigurha, bakola bajà balimya lyo babona ecibalya, n’abashalye barhacigwâsirwi okulimya ebiryo. Engumba yabusire kali nda oku nyalumburhamburha alungumarhirwa.