Nehemiya 9:7 - BIBLIYA NTAGATIFU OMU MASHI

⁷ Wêne Yâgirwa Nyakasane, we Nyamuzinda, wêne wacîshogaga Abramu, wanacimukûla omu cihugo ca Uru e Kalideya, wêne wamuyîrikaga izîno lya Abrahamu.

Nehemiya 9:7 ပူးပေါင်းရင်းမြစ်များ

Murhondêro 11:31

Terahi anacirhôla omugala Abramu, n’omwinjikulu Loti mwene Harani, n’omwâlikazi Sarayi mukà omugala Abramu, boshi barhenga e Uru omu Kaldeya bajà omu cihugo c’e Kanâni, ci erhi bahika e Harani bayûbaka yo.

Murhondêro 15:7

Ashub’ibwîra Abramu, erhi: «Nie Nyamubâho wakurhenzagya e Uru omu Kaldeya nti nkuhè eci cihugo cibè câwe».

Murhondêro 17:5

Barhakanacikuderha Abramu, ci we kola Abrahamu, bulya nakujira îshe wa mashanja manji manji.

Murhondêro 18:19

Bulya nacîmwishozire nti arhegeke abâna bâge n’enyumpa yâge enyuma zâge mpu balange enjira ya Nyamubâho omu kujira ebishingânîne n’ebilongîre»; na ntyo, Nyamubâho anajirira Abrahamu ebi amulaganyagya.

1 Nganîro 1:27

Tera aburha Abramu, ye wayishirihâbwa izîno lya Abrahamu.

Izaya 51:2

Lolêrezi Abrahamu, sho winyu, na Sara wammuburhaga. Ali yêne erhi mmuhamagala, ci namugisha, najira ayôloloka.

Lushika 10:15

Nyamubâho ànabulibà basho bône àcîshwêkerakwo erhi kubarhonya kurhuma, na kandi enyuma zâbo, linali iburha lyâbo, aligi mw’oyo, lyône àcîshozire omu mashanja goshi.