Nehemiya 9:5 - BIBLIYA NTAGATIFU OMU MASHI

⁵ Nabo Abaleviti: Yozwè, Kadmiyeli, Bâni, Hashabneya, Sherebiya, Hodiya, Shebanya, boshi na Petahya, banaciderha, mpu: «Yîmuki, mukuze Nyamubâho Nyamuzinda winyu». Okuzibwe emyâka n’emyâka, Nyakasane Nyamuzinda wîrhu! Likuzibwe Izîno ly’irenge lyâwe, erilushire ngasi bukuze na ngasi irenge.

Nehemiya 9:5 ပူးပေါင်းရင်းမြစ်များ

1 Bâm 8:14

Enyuma ly’okwo, mwâmi anacihindamukira olubaga lwa bene Israheli loshi alugisha; bene Israheli boshi bal’ibadêsire ahôla.

1 Bâm 8:15

Anaciderha erhi: «Ayâgirwe Nyakasane Nyamuzinda w’Israheli, owaderheraga omu kanwa ka larha Daudi anayunjuliza ngasi ebi anali amubwîzire byoshi erhi:

1 Bâm 8:22

Salomoni anaciyimanga embere z’oluhêrero lwa Nyakasane, embere z’e ndêko y’olubaga lwa bene Israheli boshi arhega amaboko emalunga aderha, erhi:

1 Bâm 8:27

“Cikwônene ka kwo binali Nyamuzinda ho anabà hanôla igulu? Ci lolà okw’igulu lirhankabona aha lya muhira: kurhigi byankabà lyôhe mw’eno nyumpa namâyûbaka!”

1 Nganîro 16:36

Ayâgirwe Nyakasane, Nyamuzinda w’Israheli, mukazimuvuga omunkwa, ngasi mango. N’endêko yoshi yàyakûza, mpu: Amen! Aleluya! Mukuze Nyakasane!

1 Nganîro 29:11

Yâgirwa, wêne we nn’obukulu n’obuhashe, irenge, okurhwâliha n’obwâmi w’e nnabyo, byoshi omu mpingu na bano igulu bibà byâwe. Muhànyi, we mwâmi, we Nnahano orhegeka igulu, obuhirhi n’irenge kuli we birhenga.

1 Nganîro 29:13

Co cirhumire, Nyamuzinda wîrhu, rhukukuzize n’okugashâniza Izîno lyâwe likulu bwenêne.

1 Nganîro 29:20

Cazînda Daudi abwîra eyo ndêko y’abantu yoshi, erhi: «Muvuge Nyakasane Nyamuzinda winyu omunkwa.» Boshi banacivuga Nyakasane Nyamuzinda wa bashakulûza bâbo omu nkwa; bafukama bahwera oku idaho bahà Nyakasane bo na mwâmi irenge.

2 Nganîro 20:13

Bene Yûda boshi bali bayimanzire embere za Nyamubâho, haguma n’abâna bâbo barhò, haguma na bakâbo, haguma na bagala bâbo.

2 Nganîro 20:19

Abaleviti ba muli bene Kehati n’abà muli bene Korè, bayimuka mpu bakuze Nyamubâho Nyamuzinda w’Israheli, n’izù linene, eryashakanya.

Ezra 3:11

Barhondêra okukuza Nyakasane: bulya kuli kwinjà na obo­njo bwâge oku bene Israheli buli bw’ensiku n’amango. N’olubaga loshi lwakabanda orhuhababo rhw’amasîma omu kukuza Nyakasane bulya bamabanda eciriba c’aka-Nyamuzinda.

Nehemiya 9:4

Yozwè, Buni, Kadmiyeli, Shebanya, Bahuni, Sherebiya, Bâni na Kenani, erhi babà bamasôkera ahantu hajire enyanya ho hali h’Abaleviti boshi, banacirhangira bayâmira emunda Nyakasane Nyamuzinda wâbo ali n’izù linene.

Nehemiya 9:6

Wêne Yâgirwa Nyakasane, we walemaga empingu, amalunga g’amalunga, na ngasi binabayo byoshi, n’igulu na ngasi binabamwo byoshi, we walemaga enyanja na ngasi ebi zijira byoshi, wêne w’ehà ebyo byoshi obuzîne n’ebiremwa by’empingu binakukuze.

Ayubu 1:21

«Narhengaga mushugunu omu nda ya nyâmà na bushugunu nâshubiremwo. Nyamuzinda wampâga, Nyamuzinda onyazire, izîno lyâge likuzibwe!»

Ennanga 106:2

Emikolo y’obuhashe bwa Nyakasane ndi wankayiderha wâni? Emyanzi y’obukuze bwâge ndi wankayiganîra wâni?

Ennanga 134:1

Lwimbo lwa kusôka. Kanyi! mugashânize Nyakasane, mwe munashiga Nnawîrhu mweshi, mwe muyimanzire omu idubiro lya Nyakasane gano mango g’obudufu!

Ennanga 145:2

Nalonza ngasi lusiku nkukuze, na ngasi luj’oku nkuba nyimbire izîno lyâwe irenge.

Ennanga 145:5

Nêci nyimba irenge ly’obukulu bwâwe, n’ebirhangâzo byâwe.

Ennanga 146:2

Oku ncibamw’omûka, nâkazikuza Nyamwagirwa, amango goshi ncizîne nakâyimbira Nyamuzinda irenge.

Ennanga 16:2

Nabwîzire Nnâmahanga, nti: «We Nyakasane», «Nnâhamwîrhu, buzira we ntà kwinjà».

Ennanga 66:2

Muyimbe irenge lyâge, mumukuze oku bâyige.

Ennanga 99:3

Izîno lyâge ligashâne, lirhali nshâhu balirhînye: liri litagatîfu.

Lubungo 15:11

Wundi Nyamuzinda ohi oli nka We, Yâgirwa? Ndi oli akâwe, we cilangashane c’obwimâna, murhînywa omu bijiro byâwe, mujizi w’ebirhangâzo?

Lubungo 15:6

Okulyo kwâwe, Nyakasane, kwacîkuza n’obuhashe bwâkwo, okulyo kwâwe, Yâgirwa, kwamalîra abashombanyi.

Daniyeli 2:20

Daniyeli anaciderha, erhi: «Liyagirwe izîno lya Nyamuzinda, omu myâka n’emyâka bulya yêne ye Nn’oburhimanya n’emisî

Mateyo 11:25

Mw’ago mango, Yezu erhi acishuza, aderha, erhi: «Larha, Mwâmi w’empingu n’igulu, namâkukuza, bulya ebyo wabifulisire ab’obukengêre bunji n’abirhonzi, ci abîrhôhye wabafululirabyo.

2 Bakorinti 4:6

Bulya Nyamuzinda waderhaga mpu omu omwizimya murhenge obumoleke, yêne ye wanamolekeraga omu mirhima yîrhu, mpu obulangashane bw’irenge lya Nyamuzinda liri ebusù bwa Kristu bumanyibwe.

Lushika 28:58

Okaba orhalanziri n’okukulikira ebinwa by’olu lushika byoshi nk’oku binayandisirwe mw’eci citabu, erhi orhakenziri eri izîno: «Nyakasane, Nyamuzinda wâwe» izîno ly’irenge n’okurhînywa.

1 Petro 1:3

Ayâgirwe Nyamuzinda, îshe wa Nnawîrhu Yezu Kristu! Omu lukogo lwâge lunji, àrhubusire buhyâhya, arhuhà obulangâlire bulêrha obuzîne, erhi afûla Yezu Kristu omu bafîre,

Bacîranuzi 13:18

Malahika wa Nyakasane anacimushuza, erhi: «Carhuma wandôsa kwa bene okwo oku biyêrekîre izîno lyâni n’obo liri lya kujugumya?»