Nehemiya 9:25 - BIBLIYA NTAGATIFU OMU MASHI

²⁵ Bayanka ebishagala byàli bihamike bwinjà n’ebihugo biyera, bayanka e nyumpa zàli ziyujwîre bintu bya ngasi lubero, amaliba gali erhi gahumbirwe, amashwa g’emizâbîbu, ag’emibô, emizêti, n’emirhi y’emirehe ya ngasi lubero. Bâlya. bayigurha, batwera bwenêne, balama ntyo omu bugale, oku bwinjà bwâwe bunji.

Nehemiya 9:25 ပူးပေါင်းရင်းမြစ်များ

1 Bâm 14:9

“Cikwônene wêhe wajizirage amabî kulusha abandi boshi bâli embere zâwe, wajirig’icîjirira abandi banyamuzinda bw’obwîhambi n’ensanamu watulaga mpu ly’onshologosa, wanankabulira enyuma ly’omugongo gwâwe”.

1 Bâm 8:66

Oku lusiku lwa kali munâni mwâmi abasengaruka. Nabo bagisha mwâmi kandi bashubira emwababwe n’amasîma n’obushagaluke bunene omu murhima erhi binjà byoshi Nyakasane anajirire omwambali Daudi n’olubaga lwâge lwa bene Israheli birhuma.

Nehemiya 9:35

Omu bwâmi bwâbo, omu karhî k’aminjà manji wakazâg’ibajirira, muli cirya cihugo cigali na cigale wabahâga, barhakukoleraga, barhalekaga emicô yâbo mibî.

Ennanga 105:44

Abashobôza ecihugo c’amashanja, banayîma omu by’abanyamahanga.

Ennanga 65:11

Wadômera endike wakoma amalongo, walibombêza n’enkuba wanagisha emyâka yamuli.

Migani 30:9

Kuderha nti nakayigurha obone namâkuhaba, obone nkola naderha nti: Nyamuzinda ye ndi oyo! nîsi erhi nshalike obone nkola nazimba, obone namâhemukira izîno lya Nyamubâho.

Izaya 6:10

Ozidohye omurhima gw’olu lubaga, obafûnike amarhwîri onabazibye amasù, lyo barhabone n’amasù gâbo, banalek’iyumva n’amarhwîri gâbo, lyo n’omurhima gwâbo gurhacîrhegêreze, lyo barhahinduke binjà, lyo ntanabafumya!»

Izaya 63:7

Nkola nâkuza engalo za Nyakasane n’irenge lya Nyamubâho, ngasi kantu Nyakasane arhujirîre kwoshi, n’aminjà gâge garhajira lugero ajirîre enyumpa y’Israheli, Arhuyêresire obwonjo bwâge erhi arhubabalira n’erhi arhushobôza omwandu gw’engalo zâge.

Yeremiya 2:7

“Niene namudwîrhe omu cihugo ciyêra nti muyigurhe amalehe n’ebinja bibâmwo. Ci mwêhe, oku mwanahanda ntya, mwampemulira ecihugo, akashambala kâni mwakâjira bikabulirwa”».

Yeremiya 31:14

“Nâyishikashêgera abadâhwa bâni enyama zishushagîre, n’okushobôza olubaga lwâni ebinja bya ngasi lubero. Kwo Nyakasane ogala byoshi adesire”».

Yeremiya 32:23

Bàyisha, bàyûbaka­ mwo, ci aye! barhayumvagya, barhanashimbaga amarhegeko gâwe. Barhajiraga ciru n’ehitya muli ebi wali obahûnyire., lêro banacikulilira obu buhanya rhudwîrhe rhwabona ene.

Ezekiyeli 20:6

Olwôla lusiku nalengezize okuboko kwâni kuli bwo nanalahira nti akabà ntabarhenzizi omu cihugo c’e Mîsiri n’okubashubiza omu cihugo nabishogeraga, cihugo cihululamwo amarhà n’obûci, cihugo cinjà kulusha ebindi bihugo byoshi.

Daniyeli 11:24

Ayish’irhibukira caligumiza omu lugo lugale bwenêne lw’ecihugo; ajire oku bîshe na bîshe wa bîshe wâge barhajiraga, anyaga akîbo n’akabale, agukumbe obugale boshi, ciru âbà n’omuhigo gw’okurhabâlira enyumpa nzibunzibu, ci kuhika mango malebe.

Hozeya 13:6

Nabahîre aha bakerera, banayigurha; erhi bàbà bamâyigurha, omurhima gwâbo gwacîbona lêro nayibagira.

Hozeya 3:5

Buzinda bwenêne bashubigaluka emunda Nyakasane ali, bayêrekera emwa Nyamuzinda wâbo n’emw’obûko bwa Daudi mwâmi wâbo. Omu nsiku zâyisha balongereza n’obukenge obusù bwa Nyakasane n’ebinja Nyakasane abâna.

Barom 2:4

Nkabaga kugayaguza ogayaguzize obuhirhi bw’obwinjà n’olukogo n’obutûdu bwâge? K’orhîshi oku obwo bwonjo bwa Nyamuzinda bukulalisire mpu ocîyunjuze?

Lushika 3:5

Eyo mirhundu yoshi yali eyûbasirwe buzibu-zibu yoshi yali ezongolosirwe n’ebyôgo birîrî n’emihango yalikwo enyumvi nkomokomo, rhurhaganjiri emirhundu erhàli miyûbakire, nayo yali mwandu.

Lushika 32:13

Amugerana omu birhondo by’ecihugo, amulîsa oku myâka y’omu ishwa, amulumîsa oku bûci bw’omu ibuye, oku rhuvurha rhw’omu ibâle lizibuzibu.

Lushika 32:14

Oku mashanza g’omu nkâfu n’oku marhà g’ebibuzi, bashushagiza ebyânabuzi n’engandabuzi za bene Bashani n’empene, bahirakwo n’amashushi g’omulà gw’engano basûza n’omukò gw’ecihadu c’omuzâbîbu gwabirira.

Lushika 32:15

Yakôbo alya ayigurha. Yeshuruni atwêra ahimba. (Watwezire, warhuma wacilugira!) Aleka Nyamubâho wamujiraga, ibuye lyamucizagya alibonêsa nshonyi.