Nehemiya 9:21 - BIBLIYA NTAGATIFU OMU MASHI

²¹ Myâka makumi anni goshi erhi wêne oshîbirira okubalanga omu irungu, barhanabuliragwa n’akantu ciru n’akaguma, emyambalo yâbo erhashosihalaga, n’amagulu gâbo garhahêmaga.

Nehemiya 9:21 ပူးပေါင်းရင်းမြစ်များ

Ennanga 34:10

Mukazirhînya Nyakasane, mwe Batagatîfu bâge, bulyâl’abamukenga barhabulirwa na bici.

Lubungo 16:35

Bene-Israheli bàlya amâna myâka makumi anni kuhika olusiku bàhikaga omu cihugo cibâmwo abantu; bàlya amâna kuhika olusiku bàhikaga omu lubibi lw’ecihugo c’e Kanâni.

Amosi 5:25

“Enterekêro n’entûlo, ka mwazimpire omu irungu mw’erya myâka maku­mi anni yoshi, wâni nyumpa y’Israheli”.

Ebijiro 13:18

“anajira myâka nka makumi anni erhi kubashîbirira abashîbirira omu irungu”.

Lushika 2:7

Bulya Nyamubâho, Nyamuzinda wâwe, akugishire omu mikolo yâwe yoshi; ashimbûlira olugendo lwâwe muli olya nnakagali w’irungu. Lâba oku ekola myâka makumi anni enôla erhi na Nyamubâho, Nyamuzinda wâwe anali haguma nâwe: ntà kantu wabuzire».

Lushika 29:5

Murhalyaga mugati, murhanywaga divayi erhi cindi cinyôbwa cakalalusa, kuderha nti mubone oku niene nie Nyamubâho, Nyamuzinda winyu.

Lushika 8:2

Okazikengera zirya njira zoshi Nyamubâho, Nyamuzinda wâwe akugezagyamwo omu irungu myâka makumi anni, mpu lyo akujira mwîrhohye, akurhangule anamanye eciri omu ndubi y’omurhima gwâwe: mpu alole erhi walanga erhi orhalange amarhegeko gâge.

Lushika 8:4

Omwambalo wali oyambîrhe gurhakoyaga mw’eyo myâka makumi anni, n’okugulu kwâwe kurharhundaga.