Nehemiya 8:12 - BIBLIYA NTAGATIFU OMU MASHI

¹² Olubaga lwoshi lwanacikanya lwaj’irya lwananywa, bashegulana, banajà omu bushagaluke bunji. Kulya kubà bayumvîrhe ebinwa balonzagya okubamanyîsa.

Nehemiya 8:12 ပူးပေါင်းရင်းမြစ်များ

1 Nganîro 29:22

Olwo lusiku balya bananywêra e mbêre za Nyakasane omu bushagaluke bunene. Okubundi, Salomoni mugala wa Daudi erhi. bayûsimujira mwâmi wa kabirhi, bamushîga amavurha oku Izîno lya Nyakasane, na Sadoki mpu naye abè mudâhwa.

Nehemiya 8:10

Ezra anacibabwîra, mpu: «Mugendage muj’irya enyama zishushagîre, munywe n’amamvu garhali makali, munahêkerekwo n’olya orhagwêrhi ecihimbi, bulya olu lusiku luli lutagatîfu emwa Nyamuzinda Nnawîrhu, murhabâga burhè bulya obushagaluke bwa Nyamuzinda bwo bugale bwinyu».

Nehemiya 8:11

Abaleviti bakarhûliriza olubaga omu kulubwîra, mpu: «Muhuluke bulya olu lusiku luli lutagatîfu, murhacîlibuzagya».

Nehemiya 8:13

Oku lusiku lwa kabiri, abashamuka b’emilala y’ishanja lyoshi, abadâhwa n’abaleviti banacishubuzagya eburhambi bwa Ezra ye wali mwandisi, mpu bayige ebinwa by’Amarhegeko.

Esteri 9:22

n’okushagaluka muli ezôla nsiku bulya ziri nsiku bahimagamwo abashombanyi bâbo, gwo mwêzi amalumwa gâbo gahindukaga masîma, gwo mango ensiku z’emishîbo zahindukaga nsiku nkulu. Ezôla nsiku nkulu zibè nsiku za busîme ezi ngasi muguma akarhumiramwo bene wâbo enshololo n’okuhâna oluhembo lusungunu oku bakenyi.

Ayubu 23:12

Ntaciyêgûlaga oku marhegeko g’ekanwa kâge, nakazâg’ilanga amarhegeko g’ekanwa kâge omu nda yâni.

Ennanga 119:111

Ebinwa byâwe gwo mwîmo gwâni omu nsiku n’amango, bulyâla bibà busîme bw’omurhima gwâni.

Ennanga 119:127

Co cirhuma nsîma amarhegeko gâwe kulusha amarhale n’amasholo.

Ennanga 119:130

Ebinwa byâwe kumoleka bimoleka, kuyigîriza biyigîriza abahwinja.

Ennanga 119:14

Omu njira y’amarhegeko gâwe kwo nyumva nshagalusire, kula omuntu ashagaluka omu bundi buhirhi.

Ennanga 119:16

Nnunîrwe n’amarhegeko gâwe, ntanaciyibagiraga ebinwa byâwe.

Ennanga 119:171

Akanwa kâni karhenge mw’ebîtakîro, kakuyimbire mbona wamanyigîriza amarhegeko gâwe.

Ennanga 119:174

Obucire wêne ndwîrhe nabulolakwo Yâgirwa, n’okushagaluka kwâni erhi irhegeko lyâwe.

Ennanga 119:72

Kuli nie, irhegeko lyâwe lyo likulu bwenêne, oku bihumbi by'amasholo n’amarhale.

Ennanga 119:97

Ntahimwa kurhonya irhegeko lyâwe, Yâgirwa, omulegerege gwoshi erhi nalikengêra.

Yeremiya 15:16

Ebinwa byâwe, erhi byampikagakwo, nambivuguse, akanwa kâwe, bwâbà busîme bwâni, bwâbà bushagaluke bw’omurhima gwâni; kulya kubà izîno lyâwe banderha: Nyakasane Nyamuzinda w’Emirhwe.

Luka 24:32

Banacijânamwo, mpu: «Ewa! k’emirhima yîrhu erhakag’iyâka ene akarhuganîza omu njira n’okurhuhugûlira Amandiko?»

Barom 7:18

Nkumanyire, nêci! obwinjà burhambâmwo, kwo kuderha omu mubiri gwâni. Okulonza aminjà, nêci nanakuhasha; ci okugajira nie hâhè.

Mafulûlo 11:10

Abantu b’en’igulu bâsîme obwo, bacîshingire okufà kwâbo, banashêgulane, bulyâla abo balêbi bombi bâli bamarhindibuza ab’en’igulu.