Nehemiya 6:6 - BIBLIYA NTAGATIFU OMU MASHI

⁶ Bali bayandisiremwo ntyâla, mpu: «Omwanzi gwagera omu mashanja goshi n’emwa Geshemu, boshi banadwîrhe bahamîriza oku we n’Abayahudi muli omu muhigo gw’okugoma, mpu co cirhumire mushub’iyûbaka olugurhu n’oku we wayîsh’ibà mwâmi wâbo.

Nehemiya 6:6 ပူးပေါင်းရင်းမြစ်များ

Ezra 4:12

Mwâmi amanye oku balya Buyahudi bayinamukaga emwâwe, barhurhinzirekwo hano Yeruzalemu; bakola badwîrhe bayûbaka lulya lugo lubà cikanyi cirhagomba, lukaliha bwenêne; bakola badwîrhe bayîmanza enkûta n’okuzibuhya buhyâhya eciriba câlo.

Ezra 4:15

Bagend’ilongereza omu bitabu by’okukengêza bya basho wanamanya oku olwo lugo lubà cikanyi cirhagomba, lwalibuzize abâmi n’abaluzi; wabona oku kurhenga mîra erhi kugoma banagoma.

Nehemiya 2:19

Amango Sanbalati w’e Horoni na Tobiya, murhumisi munya-Amoni na Geshemu w’omuharâbu erhi bayumva okwo, barhushekera n’okurhugayaguza. Banaciderha, mpu: «Cici mwajira aha? Ka mukola mwagomera mwâmi?»

Nehemiya 6:13

Bâli bamamushumika mpu lyo mbona obwôba, njire oku bàdesire na ntyo njire ecâha; kandi banajà banyâlîza na ntyo enshonyi zingwârhe.

Nehemiya 6:5

Oku lwa karhanu, Sanbalati anacintumira omwambali kuli okwo erhi adwîrhe n’amaruba mabungûle.

Nehemiya 6:7

“Mpu ciru wajizire ho abalêbi mpu bayish’ikuyîmika aha Yeruzalemu, mpu: Mwâmi ali omu Buyahudi. Bakola bagend’imanyîsa mwâmi ogwo mwanzi. Oyîshe rhujire ihano haguma”».

Yeremiya 20:10

Nayumva bambêshera bwenêne: «Cikango eyi n’eyi! Shobeki, shobekiye!» Ngasi abayumvagya nâni, bakaziringa oku nahirima mpu «nkabaga aleka bamurhize? Rhwamulusha misî rhunacîhôle kuli ye.»

Mateyo 5:11

Mugwêrhe iragi bakammujacira, bakanamulibuza, bakanammuderhera ngasi mabî, bakammubeshera erhi nie ntuma.

Luka 23:2

Barhondêra okumulega, mpu: «Rhwashimanyire oyu muntu adwîrhe ago­mêsa olubaga anahanza mpu irhondo barhacivurhiraga Sezari, n’okucîderha mpu ye Kristu Mwâmi».

Yowane 19:13

Erhi ayumva ebyo binwa, Bilato ahêka Yezu embuga, atamala aha k’emmanja kâge, haderhwa «Litostrotos», omu cihabraniya «Gabata».

Barom 3:8

Erhi kandi, nk’oku baguma barhuhambâra, cankarhuma rhurhajira amabî lyo aminjà garhengamwo? Abà bene abo bakwânîne obuhane.

2 Bakorinti 6:8

omu kukengwa n’omu kulolwa nka byâsi, omu kuderhwa kubî n’omu kuderhwa kwinjà; omu kujirwa ndyâlya, n’obwo rhurhaderha ebirhali by’okuli;

1 Petro 3:16

ci kwônene n’o­butûdu n’obwîrhôhye, bulya mugwêrhe omurhima mwinjà, lyo abashobeka olugendo lwinyu lwinjà muli Kristu, enshonyi zibagwârha omu ebi bammubêherakwo.