Nehemiya 6:10 - BIBLIYA NTAGATIFU OMU MASHI

¹⁰ Nanacijà emunda Shemaya, mugala wa Delaya, mugala wa Mehatabeli ali. Ali acîyigalîre anacimbwîra, erhi: «Rhujè rhwembi oku ka-Nyamuzinda, omu ndalâlà yako, rhunakayigale, bulya bal’ikuyîrha; na budufu bayish’ikuyîrha».

Nehemiya 6:10 ပူးပေါင်းရင်းမြစ်များ

Murhondêro 36:39

Baal Hanan mwene Akibori àfà, na Hadari àyima omu byâge, olugo lwâge ye wali Pawu, engoli yâge ye wali Mehetabeli, mwâli wa Matredi w’e Me-Zahabu. Abandi barhambo b’e Edomu

1 Bâm 6:5

Omu marhambi g’aka-Nyamuzinda ayûbakamwo entalarhala ziri nka nyumpa oku côgo c’enyumpa, omu marhambi g’aka-Nyamuzinda kwônene n’omu marhambi g’ahatagatîfu bwenêne, ayûshûla n’ezindi nyumpa omwôla marhambi mwoshi.

2 Bâm 11:3

Ageza myâka ndarhu erhi kucîfulika acîfulika boshi na Yehosheba omu ka-Nyamuzinda. Ataliya abà ye oyîma omu cihugo coshi.

2 Bâm 9:8

Enyumpa ya Ahabu eherêrekere, omu nyumpa ya Ahabu nâmalîra ngasi boshi banashûbala oku lukûta, omujà kuguma n’omuntu nkana omu Israheli.

2 Nganîro 28:24

Akazi anaciyanka alundika ebirugu by’omu ka-Nyamuzinda, abijonjaga, n’erhi abà amayîgala enyumvi z’aka-Nyamuzinda, agendiyûbaka empêrero zâge omu ngasi bugonyero bwa Yeruzalemu.

2 Nganîro 29:3

Omu mwâka murhanzi gw’okuyîma kwâge, omu mwêzi gwa burhanzi, ayigula enyumvi z’aka-Nyamuzinda, anashubizijira bwinjà.

2 Nganîro 29:7

Ciru bahamisire enyumvi z’enyumpa, bazimya n’amatara, barhanaciderhaga mpu bakazigenditumbûkizamwo obukù n’okurherekêra enterekêro z’e­ nsirîra omu hatagatîfu ha Nyamubâho, Nyamuzinda w’Israheli.

Ezra 10:31

omu bene Harimi: Eliezeri, Yishiya, Malkiya, Shemaya, Simoni,

Ezra 8:16

Okubundi nanacirhuma abagula Eliezeri, Arieli, Shemaya, Elnatani, Yoyaribi, Elnatani, Natani, Zekarya na Meshulami, kuguma na abigiriza ba Yoyaribina na Elnatani.

Nehemiya 6:12

Nabona oku arhali Nyamuzinda wamurhumaga. Aderhaga ebyo binwa biri nka bya kulêba nobwo Tobiya boshi na Sanbalati bali bamamushumika.

Ennanga 12:2

Orhucize, Nyakasane, bulya abashinganyanya badwîrhe bahwa; abemêzi badwîrhe bahirigirha omu bâna b’abantu.

Ennanga 37:12

Omubî arhalongeza omwinjà kalamo, arhanamumirira marhî

Migani 11:9

Akalimi k’endyâlya kanagayîse abalungu, n’obumanye bw’abashinganyanya bubalikûze!

Yeremiya 36:5

Okubundi Yeremiyahu arhegeka Baruki, erhi: «Mpanzîbwe ntanacihashiri okujà omu ka-Nyamuzinda.

Ezekiyeli 3:24

Okubundi Mûka wa Nyamubâho anacinja­mwo, anyîmanza akaz’indesa. Ambwîra, erhi: «Okanye ogend’iciyîgalira omu mwâwe.

Malakiya 1:10

Kwo kukulu muguma mulimwe ayigale enyumvi z’aka-Nyamuzinda. Lyo murhacigendikâtwanira omuliro gw’obushabusha oku luhêrero lwâni. Bulya ntà makwânane njira g’okummubona, n’enterekêro zinyu muntûla zirhansimîsa, kwo ndesire, nie Nyakasane w’Emirhwe.

Mateyo 7:15

Mumanye abalêbi b’obunywesi, abammujaho bayambirhe nka bâna-buzi, n’obwo omu murhima gwâbo bali biryanyi.

Yowane 3:20

“Nêci, ngasi yêshi ojira ebibî, erhi kushomba ashomba obulangashane arhanajà ahâli obulangashane, lyo ebijiro byâge birhamanyibwa”.

Ebijiro 21:30

Ecishagala coshi cazûkamwo akavuli­ndi, n’olubaga lwalundûka, barhuluba Paolo, bamukululira embuga, ho n’aho, enyumvi z’Aka-Nyamuzinda zàhamikwa.