Nehemiya 5:4 - BIBLIYA NTAGATIFU OMU MASHI

⁴ Abandi bakaderha, mpu: «Omu kuvurha ibarati lya mwâmi, rhugwâsirwe rhubone ensaranga omu kuhâna amashwa gîrhu n’enkoma zîrhu z’emizâbîbu nka cikinja.

Nehemiya 5:4 ပူးပေါင်းရင်းမြစ်များ

1 Bâm 9:21

nîsi erhi bagala bâbo ngasi bantu banalisigire omu cihugo, n’abarhaherêrekezibagwa (abarhaherhereragwa) na bene Israheli, Salomoni abahira kw’ogwo mukolo gw’obukûkuru kwo banacibà kuhika buno.

Ezra 4:13

Mwâmi ayôrhage amanyire oku erhi olwo lugo lwankanayûbakwa, n’enkûta zâlwo erhi zankanashub’iyîmanzibwa, abo bantu barhakacivurha, nîsi erhi okurhûla mwâmi n’okuhongera obuhashe bw’okugera, n’okwo guli muhona munene oku bwâmi.

Ezra 4:20

Aha Yeruzalemu hakola hayimire abâmi b’obuhashe bunji, barhegeka ecihugo c’olundi lunda lwa Efrata, banakabavurhira, okurharhûla n’okuhonga obuhashe bw’okugera.

Ezra 7:24

Kandi rhubamanyisize oku kuli abôla badâhwa, Abaleviti, abimbiza, abalanzi b’enyumvi, abà-Natineni, murhabavurhisagya ibarati erhi mpongano, erhi kubacîka omu njira.

Nehemiya 5:3

abandi bakaz’iderha, mpu: «Rhuguze amashwa gîrhu n’enkoma zîrhu z’emizâbîbu, n’enyumpa zîrhu, lyo rhubona ebi rhwakaz’irya».

Nehemiya 9:37

Cikolaga ciyêrera abâmi warhuhâga mpu bakarhurhegeka erhi byâha bîrhu birhuma. Bakolaga bajira emibiri yîrhu oku banalonzize, n’ebintu bîrhu kwo na kwo. Rhuli omu malibuko manji bwenêne.

Migani 22:7

Mugale orhegeka abakenyi, ohûna mpu bamuhoze, ye mujà w’owamuhozagya.

Yozwe 16:10

Barhalibirhagakwo abanya-Kanâni bayûbakaga e Gezeri. Abanya-Kanâni bayûbakaga ntyo haguma na bene Efrayimu, ci konene nka bashizi ba kukazibakolera.