Nehemiya 4:6 - BIBLIYA NTAGATIFU OMU MASHI

⁶ Amango Abayahudi bayûbakaga emwâbo bayishaga, barhurhonda kali ikumi ahantu abo banzi bayishe bakola bal’irhurhêra.

Nehemiya 4:6 ပူးပေါင်းရင်းမြစ်များ

1 Nganîro 29:14

Niono ndi ntâye, n’olubaga lwâni lurhali luci, oku bwîrhu rhwenêne rhurhankahasha okukurhûla zino ntûlo. Byoshi emwâwe rhwabishobôlaga, na ntâco rhwankahashikurhûla cirhanarhenziri emwâwe.

1 Nganîro 29:3

N’oku buhirhi bwâni niene, obw’amasholo n’amarhale, mbuhânyire kw’eyo nyumpa ya Nyamuzinda wâni, mbuyushwîre kw’ebi nali barheganyize kw’eco cirhînyiro nzigîre bwenêne.

2 Nganîro 29:36

Hezekiyahu, n’olubaga loshi basîma bwenêne kuli ebyôla Nyamuzinda ali arheganyize olubaga, bulya byàli bintu byajiragwa cifudukwè.

Nehemiya 4:5

Nabo abashombanyi bîrhu bakâderha oku lwâbo, mpu: «Barhamanye, barhanabone kuhika rhubarhinde kwo; rhwabayîrha boshi na ntyo rhucike ogwo mukolo gurhag’ijirwa».

Nehemiya 4:7

Okubundi obwo nanacihira olubaga mw’aho hantu enyuma ly’olukûta, halya harhankaboneka, najà nabahira ngasi mulala hâgo, n’engôrho zâbo, n’amatumu gâbo, n’emiherho yâbo.

Nehemiya 6:15

Olugurhu lwanaciyunjula omu nsiku makumi abiri n’irhanu z’omwêzi gwa munâni.

Ennanga 110:3

Mpu: «Kurhenga okuburhwa kwâwe oli n’obukulu omu bulangashane bw’obutagatìfu: niene nakuburhaga embere z’omucêracêra nka lumè.»

Ennanga 122:3

Yeruzalemu kwo ali muyûbake nka cishagala, nka cishagala cisêzire buzibu.

Haggeyo 1:14

Nyakasane ayunjuza makengu Zorobabeli mwene Shalatieli, murhambo w’e Yûda na Yozwè mwene Yehosadaka, mudâhwa mukulu, n’olubaga lwoshi: bayisha banarhondêra okukola omu ka-Nyamuzinda, Nyakasane w’Emirhwe.

Bafilipi 2:13

Bulya Nyamuzinda yênene ommuhà okulonza n’okujira ebi asîmire.

Bahabraniya 13:21

yêne ammujire bantu nkana, lyo mukâjira obulonza bwâge omu minjà ga ngasi lubero; yêne ajire muli mwe ebimusimîsize, Yezu Kristu orhumire. Irenge libè lyâge emyâka n’emyâka! Amen!