Nehemiya 3:3 - BIBLIYA NTAGATIFU OMU MASHI

³ Bene Senaya bayûbaka omuhango gw’Enfî, bahirakwo emitungo n’enyumvi, orhukomyo n’emirhamba.

Nehemiya 3:3 ပူးပေါင်းရင်းမြစ်များ

2 Nganîro 33:14

Enyuma z’ahôla ayûbaka olukûta lw’embuga oku lugo lwa Daudi, olunda lw’e buzika­ zûba ebwa Gihoni omu kabanda kuhika aha muhango gw’enfî, mpu luhashe okuzonga Ofeli, anaciluyinamula bwenêne lwajà enyanya. Anacijira abarhambo b’abasirika omu ngasi ngo nzibuzibu z’omu Yûda.

Ezra 2:35

Bene Sena, bihumbi bisharhu na magana gali ndarhu na makumi asharhu.

Nehemiya 12:39

Kandi kurhenga oku nyanya ly’omuhango gwa Efrayimu, kuhika oku muhango Mîra, oku muhango gwa Enfî; kurhenga oku cigamba ca Hananeli n’oku muhango gwa Meya kuhika oku muhango gw’Ebibuzi; baj’iyîmanga aha muhango gw’e mpamikwa.

Nehemiya 2:8

n’agandi nanagahêkera Asafi mulanzi w’omuzirhu gwa mwâmi, lyo ampà emirhi natugûlamwo enyumvi z’enyumpa eri oku burhambi bw’aka-Nyamuzinda n’oku nkuta n’enyumpa nagend’ihandamwo.» Mwâmi anacinyêmêrera kulya kwoshi, bulya okuboko kwa Nyamuzinda kundekerirekwo.

Nehemiya 3:4

Aha burhambi bwâbo abayûbakaga ho bali bene Meremoti mugala wa Uriya ya Hakosi; n’owakazâg’ilungûla aha burhambi ali Meshulami mugala wa Berekiya ya Meshezabeli; n’aha burhambi bwâbo hashakûlulwa na Sadoki mugala wa Bânâ.

Nehemiya 3:6

Yoyada mugala wa Paseya, na Meshulami mugala wa Besodiya bashakûlula omuhango gwa Mîra, bahirakwo emitungo, bagwîkakwo enyumvi, orhukomyo n’emirhamba.

Nehemiya 6:1

Sanbalati, Tobiya n’olya Muharâbu Geshemu na ngasi bandi banali bashombanyi bîrhu, bayumva oku nashubir’iyûbaka olugurhu n’oku murhaciri ciru n’omurhule muguma.

Nehemiya 7:1

Erhi bayûsa okuyûbaka olugurhu n’erhi mbà namahirakwo enyumvi, abayimba, abalanga enyumvi, abaleviti, bahâbwa omukolo gw’okulanga.

Nehemiya 7:38

bagala ba Senaya, bihumbi bisharhu magana gali mwenda na makumi asharhu.

Ennanga 147:13

Bulya ahamikirîze enyumvi zâwe, abâna bâwe abagishìre aha mwâwe.

Sofoniya 1:10

Olwo lusiku, kwo Nyakasane adesire, ecihôgêro cânazûke omu muhanda gw’olugo guderhwa lugo lw’Enfî, omu lugo Luhyâhya mwânazûke olubî lunji lunji, ababanda endûlù, ababanda olujamu, ab’orhuhababo n’ecihûsi cirhankaderhwa!