Nehemiya 3:16 - BIBLIYA NTAGATIFU OMU MASHI

¹⁶ E nyuma lyâge, Nehemiya mugala wa Azibuku, murhambo wa luhande luguma lw’ecihugo ca Bet-Shuri, ashakûlula kuhika ah’ishiriza ly’enshinda ya Daudi, kuhika oku iriba bayûbakaga, na kuhika oku nyumpa y’Entwâli.

Nehemiya 3:16 ပူးပေါင်းရင်းမြစ်များ

2 Bâm 20:20

Ebisigîre oku bijiro bya Yehizekiyahu, oku atulaga entambala kwoshi, oku ajiraga ecidêka c’amîshi, n’omubunda gwakazâgihêka amîshi omu lugo, koshi okwôla ka kurhali kuyandike omu citabu c’Empiriri z’Abâmi b’e Yûda.

1 Nganîro 2:45

Shamayi aburha Maoni, na Maoni aburha Bet-Suri.

2 Nganîro 11:7

Betishuri, Soko, Adulami,

2 Nganîro 16:14

Bamubisha omu nshinda yêne ahumbîsagya omu lugo lwa Daudi; bamugwîshiza oku ncingo eyunjwîre bukù n’omugavu, byàli birheganyîbwe n’abalenga ba ebiyêrekîre ebyôla bya obukù, banacimutwanira ecibeye c’omuliro munene bwenêne.

Nehemiya 2:14

Nagera omu muhango gw’iriba, n’oku ciyanja ca mwâmi; harhali aha ecihêsi câni cankahashire okugera nancishonyirekwo.

Nehemiya 3:12

Aha burhambi, ashakûlula ho Shalumu, mugala wa Haloheshi, bo n’abâna bâge; àli murhambo w’ecindi cigabi ca kabiri c’ecihugo ca Yeruzalemu.

Nehemiya 3:14

Malkiya, mugala wa Rekabu, murhambo w’ecihugo ca Bet-Hakaremi, ashakûlula omuhango gw’aha Camvu; aguyûbaka anahirakwo enyumvi, orhukomyo n’emirhamba.

Nehemiya 3:17

Aha burhambi bwâge bashakûlulaho Abaleviti erhi bayimangîrwe na Rehumu mugala wa Bâni.

Nehemiya 3:9

Aha burhambi bwâbo, ashakûlula ho Rafaya, mugala wa Huri, murhambo w’ecigabi ca kabiri ca Yeruzalemu.

Muhanûzi 2:6

Nasîka ebiyanja by’amîshi nti nkazidômereramwo amasâne.

Lwimbo 3:7

Lâba ecipoyi ca Salomoni, bambali makumi gali ndarhu bamugosire, ntwâli za muli bene-Israheli.

Izaya 22:11

Mwanaciyûbaka ecibîkiro ekarhî k’enkûta zombi, mpu lyo mushâhulizamwo amîshi g’eciyanja ca mîra. Ci murhaciderhaga mpu mwayêrekeza amasù emw’olya okola ebyo byoshi, olya wabirheganyagya kurhenga mîra, murhamubonaga.

Izaya 22:9

N’emirhule eri omu lugo lwa Daudi, mwabwîne oku eri minji! Mwacîhakîre amîshi omu ciyanja ciri ah’idako.

Izaya 7:3

Nyakasane anacibwîra Yeshayahu, erhi: «Yimuka, ojè emunda Ahazi ali, mwe na mugala wâwe Sheyari-Yashubu, aha buzinda bw’omugezi gw’eciyanja ciri enyanya, oku njira ejîre omu ishwa lya Cimeshûla.

Ebijiro 2:29

Bene wîrhu, leki mmubwîre n’obwâlagale: «Larha Daudi afîre anabishwa, n’ecûsho câge yo cinacibà eno mwîrhu kuhika ene.

Yozwe 15:58

Haluhuli, Bet-Suri, Gedori, Maarati, Beti-Anoti, Eltekoni,